IndiGo Flight Tailstrike: రన్వేను ఢీకొట్టిన విమానం తోక భాగం.. విచారణకు ఆదేశించిన అధికారులు..!
ఈ ప్రమాదంపై పైలట్ ఎయిర్ ట్రాఫిక్ కంట్రోలర్కు సమాచారం అందించాడు. ప్రయాణికుల భద్రత దృష్ట్యా విమానాన్ని తిరిగి ఢిల్లీ విమానాశ్రయంలో దించారు.
- Author : Gopichand
Date : 17-09-2024 - 7:14 IST
Published By : Hashtagu Telugu Desk
IndiGo Flight Tailstrike: ఢిల్లీ నుంచి బెంగళూరు వెళ్తున్న విమానం తోక భాగం రన్వేను (IndiGo Flight Tailstrike) ఢీకొట్టింది. ఆ తర్వాత ఈ విమానం టేకాఫ్ కాకుండా నిలిపివేశారు. ఈ మొత్తం వ్యవహారంపై అధికారులు విచారణకు ఆదేశించారు. ఈ ప్రమాదంలో ఎలాంటి ప్రాణ, ఆస్తి నష్టం జరగలేదు. దీనిపై ఢిల్లీ ఎయిర్పోర్ట్ అడ్మినిస్ట్రేషన్ విచారణ జరుపుతోంది. అయితే ఈ ఘటన సెప్టెంబర్ 9న జరిగినట్లు సమాచారం. ఢిల్లీ విమానాశ్రయం నుండి ఇండిగో ఎయిర్లైన్ ఫ్లైట్ నంబర్ 6054 ఢిల్లీ నుండి బెంగళూరు వెళ్తోంది. విమానం బయలుదేరిన సమయంలో దాని వెనుక భాగం రన్వేను తాకింది. మూలాల ప్రకారం.. ఈ తాకిడి చాలా వేగంగా ఉంది. ఢీకొన్న తర్వాత విమానం పెద్ద శబ్దంతో కాస్త కుదుపులకు లోనైనట్లు సమాచారం.
Breaking :
– On 9th Sept @IndiGo6E flight 6054 on VT-IBI from Delhi to Bengaluru had a major tailstrike
– Significant damage marks found
– Data sent to @Airbus for assessment, @DGCAIndia has grounded the crew
– Last year the airline had series of tailstrikes too
— Tarun Shukla (@shukla_tarun) September 17, 2024
ఈ ప్రమాదంపై పైలట్ ఎయిర్ ట్రాఫిక్ కంట్రోలర్కు సమాచారం అందించాడు. ప్రయాణికుల భద్రత దృష్ట్యా విమానాన్ని తిరిగి ఢిల్లీ విమానాశ్రయంలో దించారు. సమాచారం ప్రకారం.. ఈ ప్రమాదం కారణంగా విమానం వెనుక భాగంలో ఢీకొన్న గుర్తులు ఉన్నాయి. ఎవరో పదునైన వస్తువుతో విమానం బాడీని గీసినట్లు ఈ గుర్తులు కనిపించడం ఇక్కడ గమనించదగ్గ విషయం. ఘటన అనంతరం విమానాశ్రయంలో కొద్దిసేపు గందరగోళ వాతావరణం నెలకొంది. అన్ని రెస్క్యూ బృందాలు అప్రమత్తమయ్యాయి. అయితే విమానం సురక్షితంగా ల్యాండ్ అయిన తర్వాత అన్ని దర్యాప్తు సంస్థలు ఊపిరి పీల్చుకున్నాయి. ఈ ఘటనలో ఎలాంటి ప్రాణ, ఆస్తి నష్టం సంభవించలేదని అధికారులు, ఎయిర్లైన్స్ ప్రకటన విడుదల చేశాయి.
సమాచారం ప్రకారం.. ఈ ప్రమాదం జరిగిన ఇండిగో 6ఈ 6054 విమానంలోని సిబ్బంది అందరినీ అధికారులు విచారిస్తున్నారు. ప్రమాదం తర్వాత అందరినీ విమానం నుంచి బయటకు తరలించారు. ప్రయాణికులు తమ గమ్యస్థానాలకు వెళ్లేందుకు ప్రత్యేక ఏర్పాట్లు చేశారు. ఈ మొత్తం వ్యవహారంపై సమగ్ర విచారణకు అధికారులు ఆదేశించారు. దీనిపై విమానయాన సంస్థలు, పౌర విమానయాన సంస్థలు కూడా విచారణ జరుపుతున్నాయి.
Follow us
