Mira Rajput Diet: బాలీవుడ్ బ్యూటీ మీరా రాజ్‌పుత్ ఫిట్‌నెస్ సీక్రెట్ ఇదే.. ఆమె ఫిట్‌నెస్ రహస్యం ఏమిటో తెలుసుకోండి..!

Mira Rajput: బాలీవుడ్ పరిశ్రమలో సెలబ్రిటీలు చాలా మంది ఉన్నారు. వారు తమ ఫిట్‌నెస్ గురించి చాలా అవగాహనతో ఉన్నారు. ఈ సెలబ్రిటీలు తమ లుక్స్, బాడీ కోసం చాలా కష్టపడతారు. ఈ సెలబ్రిటీల పర్ఫెక్ట్ లుక్స్, ఫిగర్ కారణంగా ప్రజలు తరచుగా వారిని అనుసరిస్తారు. బాలీవుడ్ నటుడు షాహిద్ కపూర్ భార్య మీరా రాజ్‌పుత్ (Mira Rajput) సెలబ్రిటీలలో ఒకరు. ఈ రోజుల్లో ఆమె ఫ్యాషన్ సెన్స్, స్టైల్‌కు బాగా పేరుగాంచింది.

మీరా తన అద్భుతమైన ఫిట్‌నెస్‌తో ప్రజలలో కూడా బాగా ప్రాచుర్యం పొందింది. ఆమె తరచుగా తన ఫోటోలు, వీడియోలను సోషల్ మీడియాలో పంచుకుంటుంది. ఈ క్రమంలో తాజాగా తన ఫిట్‌నెస్‌ రహస్యాన్ని ప్రజలతో పంచుకున్నారు. మీరు కూడా మీరా రాజ్‌పుత్ వంటి పర్ఫెక్ట్ ఫిగర్, ఫిట్‌నెస్ కావాలనుకుంటే ఆమె డైట్ ప్లాన్ గురించి ఈ కథనంలో తెలుసుకోండి.

ఇటీవల ఇన్‌స్టాగ్రామ్‌లో ఒక ప్రశ్నకు సమాధానమిస్తూ మీరా తాను రోజుకు మూడుసార్లు భోజనం తీసుకుంటానని చెప్పింది. ఇందులో అల్పాహారం, భోజనం, రాత్రి భోజనం ఉంటుంది. దీనితో పాటు భోజన సమయంలో కాకుండా ఇతర సమయంలో ఆకలిగా అనిపిస్తే మధ్యమధ్యలో 2 పండ్లు తింటానని కూడా చెప్పింది. ఇది కాకుండా ఆమె సాయంత్రం స్నాక్స్‌గా ఖర్జూరం, బాదం, బ్లాక్ టీ తీసుకుంటుంది.

Also Read: Janhvi Kapoor : రెండు అందమైన గౌన్లలో మెరిసిపోతున్న జాన్వి కపూర్

దీనితో పాటు తాను ముడి ఆహార పదార్థాలకు దూరంగా ఉంటానని కూడా చెప్పింది. మీరాకి స్వీట్ ఫుడ్ కూడా ఇష్టం ఉండదట. బదులుగా ఆమె ఉప్పును ఇష్టపడుతుంది. మరోవైపు మీరా అల్పాహారం గురించి మాట్లాడుకుంటే.. ఆమె అల్పాహారంలో ఎక్కువగా ఊతప్ప తింటుంది. ఇది పప్పు, బియ్యంతో తయారు చేయబడిన దక్షిణ భారతీయ వంటకం. దీనిని సాంబారు, చట్నీతో తింటారు. మూంగ్ పప్పుతో చేసిన బటర్ చీలా అంటే చాలా ఇష్టమని మీరా చెప్పింది. అంతే కాకుండా “గంజి” అంటే చాలా ఇష్టం అని తెలిపింది.

అదే సమయంలో మీరా ఒక అభిమాని ప్రశ్నకు సమాధానమిస్తూ.. తనకు పచ్చళ్లు కూడా ఇష్టమని చెప్పింది. ముఖ్యంగా ఆమె క్యాబేజీ టర్నిప్ ఊరగాయను తినడానికి ఇష్టపడుతుంది. అంతే కాకుండా మీరాకి టీ తాగడం కూడా చాలా ఇష్టం. ఇన్‌స్టాగ్రామ్‌లో టీ పట్ల తనకున్న ప్రేమను ఆమె తరచుగా వ్యక్తపరుస్తుంది. ఇవన్నీ కాకుండా ఆమె తన ఆహారంలో ప్రోటీన్ సప్లిమెంట్లను చేర్చుకోవడం మర్చిపోను అని పేర్కొంది.