అజిత్ పవార్ విమానం కూలిపోయే ముందు కాక్పిట్ నుంచి గుండెలు పిండేసే ఆఖరి మాటలివే!
- Author : Vamsi Chowdary Korata
Date : 29-01-2026 - 11:12 IST
Published By : Hashtagu Telugu Desk
విమానం రన్వేకు సమీపిస్తున్న తరుణంలో అకస్మాత్తుగా ఏదో సాంకేతిక లోపం తలెత్తినట్లు తెలుస్తోంది. విమానాన్ని నియంత్రించడానికి పైలట్లు తీవ్రంగా ప్రయత్నించినప్పటికీ ఫలితం లేకపోయింది. ఆ భీతిగొల్పే సమయంలో పైలట్ నోటి నుంచి ‘ఓ.. షిట్’ అనే ఆవేదనతో కూడిన మాటలు వినిపించాయి. ఆ మరుక్షణమే భారీ శబ్దంతో విమానం నేలకూలింది. ఈ మాటలు విమానం అదుపు తప్పిందని పైలట్లు ముందే గుర్తించారని సూచిస్తున్నాయి.
ప్రమాదం జరిగిన తీరును బట్టి చూస్తే చివరి నిమిషంలో విమానం అడ్డదిడ్డంగా ప్రయాణించిందని అధికారులు భావిస్తున్నారు. ఈ వాయిస్ రికార్డింగ్లను విశ్లేషించడం ద్వారా ప్రమాదానికి దారితీసిన కచ్చితమైన పరిస్థితులను అంచనా వేస్తున్నారు. సాంకేతిక లోపమా? లేక వాతావరణ పరిస్థితుల వల్ల పైలట్లు నియంత్రణ కోల్పోయారా? అన్న కోణంలో లోతైన దర్యాప్తు సాగుతోంది.
కాక్పిట్ నుంచి వచ్చిన ఈ చివరి సందేశం విన్న తర్వాత అజిత్ పవార్ కుటుంబ సభ్యులు, అభిమానులు తీవ్ర ఆవేదనకు లోనవుతున్నారు. మరోవైపు, నేడు బారామతిలో జరగనున్న అంత్యక్రియలకు ప్రభుత్వం భారీ ఏర్పాట్లు చేసింది. రాష్ట్రవ్యాప్తంగా విషాద ఛాయలు అలముకున్నాయి.
Follow us
