Honey Trap: హనీట్రాప్ ముఠా గుట్టురట్టు.. మసాజ్ పేరుతో వల

హనీ ట్రాప్ (Honey Trap) ద్వారా ప్రజలను లక్ష్యంగా చేసుకునే పనిలో ఉన్న దోపిడీ రాకెట్‌ను ఢిల్లీ పోలీసులు ఛేదించారు. మసాజ్ గర్ల్స్‌గా చూపించి హనీ ట్రాప్ చేసిన ఓ మహిళతో సహా నలుగురు సభ్యులను పోలీసులు అరెస్టు చేశారు. నిందితులు బాధితులను బెదిరించి డబ్బులు వసూలు చేసినట్లు ఆరోపణలు ఉన్నాయి. ఈ కేసులో షహదారా నివాసి నంద్ కిషోర్ పోలీసులకు ఫిర్యాదు చేయగా, పోలీసులు ఇండియన్ పీనల్ కోడ్ (ఐపీసీ) సెక్షన్ 389, 419, 170, 120బి, 34 కింద కేసు నమోదు చేశారు. తాను ఇంటర్నెట్‌లో సర్ఫింగ్ చేస్తున్నానని, అక్కడ ఓ వెబ్‌సైట్‌లో నంబర్ దొరికిందని నంద్ కిషోర్ తన ఫిర్యాదులో పేర్కొన్నాడు.

“ఫిర్యాదుదారుడు మసాజ్ పార్లర్‌లో పనిచేస్తున్నట్లు పరిచయం చేసుకున్న ఒక మహిళతో వాట్సాప్ సంభాషణ చేసాడు. ఆ తర్వాత వారిద్దరూ స్నేహితులు అయ్యారు. మరుసటి రోజు ఫిర్యాదుదారు, మహిళ సిగ్నేచర్ బ్రిడ్జ్ వద్ద కలుసుకున్నారు. ఆ మహిళ అతనితో మాట్లాడటం ప్రారంభించింది. జనవరి 29న సీమాపురి డీటీసీ డిపోలో తనను కలవాలని ఫిర్యాదుదారుని కోరింది. సుమారు 30 నిమిషాల తర్వాత ఫిర్యాదుదారు అక్కడికి చేరుకోగా, ఆ మహిళ మరో మహిళతో వచ్చి తన స్నేహితురాలిగా పరిచయం చేసుకుంది. దీని తర్వాత మహిళ ఫిర్యాదుదారుని తన స్నేహితుడి ఇంటికి వెళ్లమని చెప్పి, ఆ తర్వాత వారు ఒక గదిలోకి వెళ్లారు. కొంత సమయం తరువాత అకస్మాత్తుగా ఎవరో తలుపు తట్టారు. అకస్మాత్తుగా 4-5 మంది వ్యక్తులు తలుపు ముందు కనిపించారు. వారు తమను తాము క్రైమ్ బ్రాంచ్ అధికారి, భూస్వామి, మరొక అధికారి అని పరిచయం చేసుకున్నారు. ఈ సమయంలో ఒక మహిళ కూడా యూనిఫాంలో ఉంది. ఆమె తనను తాను పోలీసు కానిస్టేబుల్ గా పరిచయం చేసుకుంది.

Also Read: Maoists kill BJP leader: బీజేపీ నేతను నరికి చంపిన మావోయిస్ట్‌లు

దీని తర్వాత మొత్తం బ్లాక్‌మెయిలింగ్ గేమ్ మొదలైంది. మైనర్ బాలికతో సంబంధానికి యత్నిస్తున్నాడని పోక్సో కేసు పెట్టి అరెస్ట్ చేస్తామంటూ పోలీస్ వేషం వేసిన వ్యక్తి బెదిరించాడు. వారు ఫిర్యాదుదారుడి ఫోన్‌ను కూడా తీసుకొని అతని ఫోన్‌లోని డేటాను తొలగించారు. 10 లక్షలు ఇవ్వాలని, లేదంటే తప్పుడు కేసులో ఇరికిస్తామని చెప్పి కొట్టారు. ఫిర్యాదుదారు డబ్బు ఇవ్వడానికి నిరాకరించడంతో యూనిఫాంలో ఉన్న నిందితుడు తనను పోలీసు హెడ్‌క్వార్టర్స్‌కు తీసుకెళ్లమని బెదిరించాడు. ఆపై బయట కారులో కూర్చోమని చెప్పారు. యూనిఫాంలో ఉన్న వ్యక్తి మరొకరు క్రైమ్ బ్రాంచ్ అధికారిగా నటిస్తూ ఫిర్యాదుదారుని కారులో తీసుకెళ్లారు. వారు సీఎన్జీ పంప్ ఢిల్లీ రోడ్ ఎదురుగా చేరుకున్నప్పుడు ఫిర్యాదుదారుడు డబ్బు కోసం ఏర్పాట్లు చేస్తానని చెప్పాడు. పోలీసు సిబ్బందిగా ఉన్న వ్యక్తులు కారును ఆపారు. ఇంతలో ఫిర్యాదుదారుడు వారితో గొడవ పడి కారులోనుంచి గట్టిగా కేకలు వేస్తూ.. తప్పించుకోవడానికి ప్రయత్నించాడు. అతని అరుపులు విని, అక్కడికి చేరిన జనాలు తనను తాను పోలీసుగా చెప్పుకున్న వ్యక్తిని పట్టుకున్నారు.