Water: రాత్రిపూట నీరు ఎక్కువగా తాగడం వల్ల కిడ్నీలు పాడవుతాయా..?

Water

Water: జీవించడానికి నీరు అవసరం. ముఖ్యంగా వేసవిలో తగినంత నీరు (Water) త్రాగాలి. అయితే రాత్రిపూట నీళ్లు ఎక్కువగా తాగడం వల్ల కిడ్నీలు పాడవుతాయని తరచుగా వార్త‌లు వ‌స్తున్నాయి. ఇందులో ఎంత నిజం ఉందో నిపుణులు చెప్పారు. వైద్య నిపుణులు మాట్లాడుతూ.. ఎక్కువ నీరు తాగడం వల్ల కిడ్నీలకు ఎప్పుడూ హాని జరగదని తెలిపారు. అయితే, కిడ్నీ రోగులు ఎక్కువ నీరు తాగడం వల్ల మరిన్ని సమస్యలను ఎదుర్కోవాల్సి వస్తుందని అన్నారు. తిన్న తర్వాత కొంత సమయం వరకు నీరు త్రాగకూడదని, దాహం వేస్తున్నట్లయితే సమతుల్య పరిమాణంలో త్రాగాలని చెబుతున్నారు. అదేవిధంగా రాత్రిపూట నీరు త్రాగే విషయంలో కూడా జాగ్రత్తలు తీసుకోవాలి. కానీ రాత్రిపూట ఎక్కువ నీరు త్రాగడం వల్ల కిడ్నీలు పాడవుతాయని శాస్త్రీయ ఆధారాలు లేవని తెలిపారు.

రాత్రిపూట నీరు ఎక్కువగా తాగడం వల్ల రోగి రాత్రిపూట మూత్ర విసర్జనకు లేవాల్సి వస్తుందని, ఇలాంటి పరిస్థితుల్లో ఎక్కువ నీరు తాగితే మళ్లీ మళ్లీ లేవాల్సి వస్తుందని తెలిపారు. ఇది రోగులకు మంచిది కాదన్నారు. ముఖ్యంగా కీళ్ల సమస్యలు ఉన్న రోగులకు మంచిది కాద‌ని సూచించారు. వారు రాత్రిపూట అకస్మాత్తుగా లేవడం కష్టంగా ఉంటుంద‌ని, అకస్మాత్తుగా లేచినప్పుడు వారు తల తిరుగుతున్న సమస్యలను ఎదుర్కొంటారని వివ‌రించారు. దీనితో పాటు కిడ్నీ రోగులు రాత్రిపూట ఎక్కువ నీరు త్రాగకుండా ఉండాలి. లేకుంటే ఎక్కువ నీరు తాగ‌టం వారి సమస్యలను పెంచుతుంది.

Also Read: Kamal Hassan : ఇండియన్ 2 తోనే ఇండియన్ 3 ట్రైలర్.. శంకర్ మైండ్ బ్లాక్ అయ్యే ప్లానింగ్..!

ఎంత నీరు తాగ‌వ‌చ్చు?

రాత్రి భోజనం తర్వాత నీరు త్రాగడం ఆరోగ్యానికి చాలా ముఖ్యం. అయితే దాని పరిమాణం సమతుల్యంగా ఉంచడం కూడా చాలా ముఖ్యం. ఆహారం తిన్న తర్వాత నీరు త్రాగడం మానేయాలి. దాదాపు 20 నిమిషాల పాటు నీరు త్రాగకూడదు. మీరు ఆహారం తిన్న తర్వాత 1-2 గ్లాసుల నీరు త్రాగాలి. ఇది జీర్ణక్రియలో సహాయపడుతుంది. శరీరాన్ని హైడ్రేట్ గా ఉంచుతుంది. అయితే నీటిని ఎక్కువగా తాగడం వల్ల జీర్ణక్రియలో సమస్యలు తలెత్తుతాయి. కాబట్టి పరిమిత పరిమాణంలో మాత్రమే తాగాలి. ఒక వ్యక్తి రోజంతా కనీసం 4 లీటర్ల నీరు త్రాగాలని నిపుణులు సూచిస్తున్నారు.

We’re now on WhatsApp : Click to Join

రాత్రి నీళ్లు తాగే ముందు ఈ విషయాలు గుర్తుంచుకోండి

– ఒకేసారి ఎక్కువ నీరు త్రాగే బదులు తక్కువ మొత్తంలో నీరు త్రాగడం మంచిది. ఇది జీర్ణక్రియను మెరుగుపరుస్తుంది. కడుపుపై ​​ఎక్కువ భారం ప‌డ‌కుండా చూస్తోంది.

– గోరువెచ్చని నీరు జీర్ణక్రియకు సహాయపడుతుంది. ఆహారాన్ని సరిగ్గా విచ్ఛిన్నం చేయడంలో సహాయపడుతుంది, అయితే చాలా చల్లటి నీరు కడుపులో జీర్ణక్రియ ప్రక్రియను నెమ్మదించేలా చేస్తుంది. కాబట్టి ఆహారం తిన్న తర్వాత గోరువెచ్చని నీరు తాగడం మంచిది.

– ప్రతి వ్యక్తికి నీటి అవసరాలు భిన్నంగా ఉంటాయి. కాబట్టి మీ శరీర అవసరాలకు అనుగుణంగా నీటిని త్రాగండి.

– పడుకునే ముందు ఎక్కువ నీరు త్రాగడం మానుకోండి. తద్వారా రాత్రిపూట పదేపదే బాత్రూమ్‌కు వెళ్లవలసిన అవసరం ఉండదు.

Follow us