Shanku-Flowers : శివునికి ఇష్టమైన ఈ పువ్వు…శరీరంలోని కొలెస్ట్రాల్ ను కూడా నియంత్రిస్తుంది..!!

Aparajitha Plant

మన పెరట్లో లభించే మొక్కల్లో ఎన్నో అరోగ్య ప్రయోజనాలు ఉంటాయి. అంతేకాదు అద్బుతమైన ఔషధ గుణాలు కూడా ఉంటాయి. కానీ వాటిని ఎలా ఉపయోగించాలో మనకు తెలియదు. శంఖుపూల మొక్కలో కూడా ఎన్నో ఆరోగ్య ప్రయోజనాలు ఉన్నాయి. ఈ మొక్క పువ్వులు, ఆకులు, కాండము, గింజలు ఇలా ప్రతి భాగాలు ఆరోగ్యానికి మంచి ఔషధంగా పనిచేస్తాయి.

మానసిక ఆరోగ్యానికి మంచిది:
శారీరక ఆరోగ్యం ఎంత ముఖ్యమో మానసిక ఆరోగ్యం కూడా అంతే ముఖ్యం. ముఖ్యంగా ఏకాగ్రత, జ్ఞాపకశక్తి బాగా ఉండాలి. అందుకు ఈ శంఖపువ్వు ఎంతో సహాయం చేస్తుంది. జ్ఞాపకశక్తిని పెంచుకోవాలనుకునే వారు శంఖు పువ్వు టీని క్రమం తప్పకుండా తీసుకుంటే మంచి ఫలితాలు పొందవచ్చు. శంఖం పువ్వులోని యాంటీ ఆక్సిడెంట్ సామర్థ్యం, యాంటీ ఇన్‌ఫ్లమేటరీ సామర్థ్యం వల్ల ఆలోచించడం, గుర్తుంచుకోవడం, నిర్ణయం తీసుకోవడం, మెదడు పనితీరును ప్రభావితం చేస్తాయి.

కొలెస్ట్రాల్ స్థాయిలను నియంత్రిస్తుంది:
కొన్నిసార్లు మనం తినే ఆహారంలో మార్పుల వల్ల శరీరంలో చెడు కొలెస్ట్రాల్ స్థాయి పెరుగుతుంది. శంఖం పువ్వుతో ఈ సమస్యను పరిష్కరించుకోవచ్చు. ఇది శరీరంలో అధిక రక్తపోటును నియంత్రించడంలో కూడా సహాయపడుతుంది. శంఖుపువ్వులతో టీని తయారు చేసుకుని ప్రతిరోజూ తాగినట్లయితే…కొలెస్ట్రాల్ తగ్గుతుంది.

జీర్ణక్రియకు మంచిది:
శంఖు పువ్వులో ఉండే లక్షణాలు జీర్ణక్రియను మెరుగుపరచడంలో చాలా ఉపయోగకరంగా ఉంటాయి. ఇది జీర్ణ రసాల స్రావాన్ని ప్రేరేపించడంతోపాటు అవసరమైన పోషకాల శోషణను పెంచుతుంది. ఇది కడుపు నొప్పి, పొత్తికడుపునొప్పి, వ్రణోత్పత్తి పెద్దప్రేగు సమస్యలు ప్రేగు సిండ్రోమ్ లక్షణాలను కూడా తగ్గిస్తుంది.

ఉదర సమస్యలకు:
శంఖం పువ్వు గ్లైకోప్రొటీన్‌ను స్రవిస్తుంది. అందువల్ల కడుపులో వివిధ రకాల అల్సర్లకు వ్యతిరేకంగా పోరాడుతుందని అనేక అధ్యయనాలలో నిరూపించబడింది. అయితే మీ శరీర స్వభావానికి అనుగుణంగా ఎంత మోతాదులో తీసుకోవాలి.. ఎలా తీసుకోవాలి అనే దాని గురించి మీరు మీ వైద్యుడిని సంప్రదించాలి.

తలనొప్పి నుంచి ఉపశమనం కలిగిస్తుంది:
ఈ శంఖు పువ్వు దీర్ఘకాలిక తలనొప్పి, ఆందోళన సమస్యలకు ఉపశమనాన్ని అందిస్తుంది. సాధారణంగా అధిక పని, ఒత్తిడి, ఆందోళన మొదలైన వాటి వల్ల తలనొప్పి వస్తుంది. ఇది చికాకు కలిగించే నరాలను ఉపశమనం చేస్తుంది, మెదడును శాంతంగా ఉంచడంతోపాటు నరాల పనితీరును మెరుగుపరుస్తుంది.

చర్మ ఆరోగ్యానికి మంచిది:
శంఖు పువ్వును ఎండబెట్టి పొడి చేసి నీటిలో కలిపి ముఖానికి రాసుకుంటు…చర్మం కాంతివంతంగా ఉంటుంది. ఇది స్కిన్ టానిక్ లా పనిచేస్తుంది. దీని యాంటీఆక్సిడెంట్ లక్షణాలు ముడతలు, ఫైన్ లైన్స్, డార్క్ స్పాట్స్ మొదలైన వృద్ధాప్య ఛాయలు కనిపించకుండా చేస్తుంది.

శంఖు పూల టీని ఇలా సిద్ధం చేసుకోండి…
ఒక కప్పులో 3 నుండి 4 ఎండిన శంఖు పువ్వులు వేసి 150 మి.లీ వేడి నీటిని పోసి కలపండి.
పువ్వులను 5 నిమిషాలు ఉడకబెట్టండి. తర్వాత టీ లా తాగండి.
లేదంటే…
1 టేబుల స్పూన్ నిమ్మరసం లేదా 1/2 టేబుల్ స్పూన్ తేనె కలుపుకుని కూడా తాగవచ్చు.

Follow us