PM Suraksha Bima Yojana: రూ. 20 వార్షిక ప్రీమియంతో రూ.2 లక్షల బీమా.. పూర్తి వివరాలివే..!

PM Suraksha Bima Yojana: ప్రతి వ్యక్తికి బీమా తప్పనిసరి. చాలా మంది ప్రైవేట్ కంపెనీల నుండి, మరికొందరు ప్రభుత్వ సంస్థల నుండి బీమా పొందుతున్నారు. కేంద్ర ప్రభుత్వం కూడా బీమాకు సంబంధించి అనేక పథకాలను కలిగి ఉంది. వీటిలో ప్రధాన మంత్రి సురక్ష బీమా యోజన (PM Suraksha Bima Yojana) ఒకటి. ఈ పథకం కింద కేవలం రూ. 20 వార్షిక ప్రీమియంతో రూ.2 లక్షల బీమా లభిస్తుంది. ఇది ప్రమాద బీమా. వైకల్యం లేదా ప్రమాదంలో మరణించిన సందర్భంలో దీని ప్రయోజనం లభిస్తుంది.

ఎవరు దరఖాస్తు చేయవచ్చో తెలుసుకుందాం

దేశంలోని 18 నుండి 70 సంవత్సరాల వయస్సు గల పౌరులు ఎవరైనా ఈ పథకానికి దరఖాస్తు చేసుకోవచ్చు. అభ్యర్థి తప్పనిసరిగా సేవింగ్స్ బ్యాంక్ ఖాతాను కలిగి ఉండాలి. ఈ పథకం ప్రయోజనాన్ని పొందేందుకు, వ్యక్తి తనకు బ్యాంకు ఖాతా ఉన్న బ్యాంకుకు వెళ్లాలి. మీరు అక్కడికి వెళ్లి బ్యాంకు మేనేజర్‌ని లేదా ఏదైనా బ్యాంకు ఉద్యోగిని ఈ పథకాన్ని పొందమని అడగాలి. బ్యాంకు ఒక ఫారమ్ ఇస్తుంది. దీన్ని పూరించడం ద్వారా, మీరు ఈ పథకంలో చేరవచ్చు. మీరు ఆన్‌లైన్ బ్యాంకింగ్ చేస్తే, మీరు దీని కోసం కూడా ఆన్‌లైన్‌లో దరఖాస్తు చేసుకోవచ్చు.

We’re now on WhatsApp : Click to Join

ఖాతా నుండి కట్‌ అవుతుంది

ఈ బీమా ప్రీమియం సంవత్సరానికి రూ.20. ఈ ప్రీమియం నేరుగా బ్యాంకు ఖాతా నుంచి కట్‌ అవుతుంది. ఒక సంవత్సరం తర్వాత పాలసీని రెన్యువల్ చేసుకోవాల్సి ఉంటుంది. దీని కోసం ఎవరైనా బ్యాంకును సంప్రదించాలి లేదా ఆన్‌లైన్‌లో కూడా రెన్యువల్‌ చేసుకోవచ్చు. మీరు ప్రతి సంవత్సరం బ్యాంకుకు వెళ్లకూడదనుకుంటే మీరు ఆటో డెబిట్ సెట్‌ చేసుకోవచ్చు. దీంతో ప్రతి ఏడాది రెన్యూవల్‌ చేయాల్సిన అవసరం ఉండదు. నేరుగా ఖాతా నుంచి సొమ్ము జమ అవుతుంది. ప్రతి సంవత్సరం జూన్ 1న ప్రీమియం మొత్తం ఖాతా నుండి కట్‌ అవుతుంది.

Also Read: Arvind Kejriwal : ఢిల్లీ సీఎం అరవింద్ కేజ్రీవాల్​కు బెయిల్ మంజూరు

ఈ పత్రాలు అవసరం

• ఆధార్ కార్డు
• ఓటరు ID, రేషన్ కార్డ్ లేదా ఏదైనా ID రుజువు
• బ్యాంకు ఖాతా వివరాలు
• జనన ధృవీకరణ పత్రం
• పాస్పోర్ట్ సైజు ఫోటో

ఇదే లాభం

బీమా తీసుకునే వ్యక్తి ప్రమాదం కారణంగా మరణిస్తే లేదా వికలాంగులైతే మాత్రమే ఈ పథకం ప్రయోజనం లభిస్తుంది. అంటే, రూ. 2 లక్షల వరకు బీమా మొత్తం అందుబాటులో ఉంటుంది. అయితే, వైకల్యం ఉన్నట్లయితే ఎంత మొత్తం అందుతుంది అనేది వైకల్యం పరిధిపై ఆధారపడి ఉంటుంది.

• ప్రమాదంలో రెండు కళ్లు లేదా రెండు చేతులు, కాళ్లు పోగొట్టుకున్నా లేదా ఒక కన్ను, ఒక చేయి లేదా ఒక కాలు పోగొట్టుకుంటే రూ.2 లక్షలు అందజేస్తారు.
• మరణిస్తే రూ.2 లక్షలు అందుతాయి.