CM Revanth Shock To Tollywood: టాలీవుడ్‌కు ఊహించ‌ని షాక్‌.. బెనిఫిట్‌ షోలు ఉండవన్న సీఎం రేవంత్‌

CM Revanth Shock To Tollywood: టాలీవుడ్‌ సినీ ప్రముఖుల సమావేశంలో సీఎం రేవంత్‌రెడ్డి (CM Revanth Shock To Tollywood) కీలక వ్యాఖ్యలు చేశారు. సంధ్య థియేటర్ ఘటనపై ఆవేదన వ్యక్తం చేశారు. ఈ ఘటనలో ఒక మహిళ ప్రాణాలు కోల్పోవడాన్ని తమ ప్రభుత్వం సీరియస్‌గా తీసుకుందన్నారు. అందుకే తమ ప్రభుత్వం బెనిఫిట్ షోలు, ప్రీమియర్ షోలను రద్దు చేసిందని తెలిపారు. శాంతి భద్రతల విషయంలో తమ ప్రభుత్వం ఎప్పటికీ రాజీ పడదని స్పష్టం చేశారు. అంతేకాకుండా ఇక‌పై బెనిఫిట్ షోలు ఉండ‌వ‌ని తేల్చేశారు. సీఎం రేవంత్ ప్ర‌క‌ట‌న‌పై టాలీవుడ్ పెద్ద‌లు కాస్త అసంతృప్తికి లోనైన‌ట్లు తెలుస్తోంది.

అభిమానుల్ని కంట్రోల్‌ చేసుకోవాల్సిన బాధ్యత సెలబ్రిటీలదేన‌ని సీఎం సూచించారు. ప్రభుత్వం ఇండస్ట్రీతో ఉన్నామనే భ‌రోసాను సీఎం రేవంత్ ఇచ్చారు. తెలంగాణ రైజింగ్‌లో ఇండస్ట్రీ సోషల్‌ రెస్పాన్స్‌బిలిటీతో ఉండాల‌న్నారు. డ్రగ్స్‌ క్యాంపెయిన్‌, మహిళా భద్రత క్యాంపెయిన్‌లో చొరవ చూపాలని సూచించారు. టెంపుల్‌ టూరిజం, ఎకో టూరిజంను ప్రమోట్ చేయాలన్నారు. ఇన్వెస్ట్‌మెంట్ల విషయంలోనూ ఇండస్ట్రీ సహకరించాల‌ని సీఎం సూచించారు.

Also Read: Virat Kohli: పాత కోహ్లీ వ‌చ్చేశాడు.. తొలిరోజే ఆసీస్ ఆట‌గాడిని క‌వ్వించిన విరాట్‌, వీడియో వైర‌ల్‌!

ఈ స‌మావేశంలో ప్ర‌ముఖ దర్శ‌కుడు కీల‌క వ్యాఖ్య‌లు చేశారు. రాఘ‌వేంద్ర‌రావు మాట్లాడుతూ.. అందరు సీఎంలు ఇండస్ట్రీని బాగానే చూసుకున్నారు. కాంగ్రెస్‌ ప్రభుత్వం కూడా మమ్మల్ని బాగా చూసుకుంటోంది. దిల్‌ రాజును FDC చైర్మన్‌గా నియమించడాన్ని స్వాగతిస్తున్నా. తెలంగాణ అద్భుతమైన టూరిస్ట్‌ స్పాట్‌లు ఉన్నాయి. గతంలో చంద్రబాబు చిల్డ్రన్స్‌ ఫిల్మ్‌ ఫెస్టివల్‌ హైదరాబాద్‌లో చేశారు. ఇప్పుడు కూడా ఇంటర్నేషనల్‌ ఫిల్మ్ ఫెస్టివల్‌ను హైదరాబాద్‌లో నిర్వహించాలని కోరుతున్నామ‌ని ఆయ‌న అన్నారు.

టాలీవుడ్ స్టార్ హీరో నాగార్జున మాట్లాడుతూ.. యూనివర్సల్‌ లెవెల్‌లో స్టూడియో సెటప్‌ ఉండాలి. ప్రభుత్వం కేపిటల్ ఇన్సెంటివ్‌లు ఇస్తేనే సినీ పరిశ్రమ గ్లోబల్ స్థాయికి ఎదుగుతుంది. హైదరాబాద్‌ వరల్డ్ సినిమా కేపిటల్ కావాలనేది మా కోరిక అని ఆయ‌న తెలిపారు. చిన్న చిన్న విషయాలు పట్టించుకోవద్దని నిర్మాత శ్యాంప్రసాద్‌ రెడ్డి సీఎం రేవంత్‌కు సూచించారు. నేను చిన్నప్పటి నుంచి ఇండస్ట్రీని చూస్తున్నానని, హైద‌రాబాద్‌ను నెక్స్ట్ లెవెల్‌కు తీసుకెళ్లాల‌ని శ్యాంప్ర‌సాద్ రెడ్డి కోరారు. ఇంటర్నేషనల్ ఫిల్మ్ డెస్టినేషన్‌గా హైదరాబాద్ ఉండాలని నిర్మాత సురేష్ బాబు కోరారు. నెట్‌ఫిక్స్, అమెజాన్ సహా అన్ని ఏజెన్సీలకు హైదరాబాద్ కేరాఫ్‌గా ఉండాలని పేర్కొన్నారు.

ముర‌ళీమోహ‌న్ మాట్లాడుతూ.. ఎలక్షన్‌ రిజల్ట్‌ లాగే సినిమా రిలీజ్‌ ఫస్ట్‌డే ఉంటుంది. సంధ్య థియేటర్ ఘటన మమ్మల్ని బాధించింది. సినిమా రిలీజ్‌లో కాంపిటిషన్ వల్లే ప్రమోషన్ కీలకంగా మారింది. ప్రపంచ వ్యాప్తంగా సినిమా రిలీజ్‌ ఉండడం వల్ల.. ప్రమోషన్‌ను విస్తృతంగా చేస్తున్నామ‌న్నారు.

పోలీసుల సూచ‌న‌లు

సినిమా ప్రమోషన్స్ సమయంలో పోలీసులు అనుమతి నిరాకరిస్తే దాని పాటించాలని తెలంగాణ పోలీసులు సూచించారు. పోలీసులు అన్ని రకాల ఆలోచించే అనుమతి ఇవ్వలా వద్దా అనేది నిర్ణయం తీసుకుంటారని తెలిపారు. పోలీసులు నిర్ణయాన్ని గౌరవించాలని డీజీపీ టాలీవుడ్ పెద్ద‌ల‌ను కోరారు. బౌన్సర్లు నియమించుకున్నప్పుడు న్యాయ సమ్మతం ఉండాలన్నారు. ఏ ఈవెంట్ కైనా ముంద‌స్తు అనుమతులు తీసుకోవాలని, అన్ని పరిశీలించిన తరువాతే పోలీసులు నిర్ణయం తీసుకుంటారని తెలిపారు.