Naga Shaurya Wedding: నాగశౌర్య పెళ్లి సందడి.. వైరల్ గా పెళ్లి వీడియో..!
దేశవ్యాప్తంగా పెళ్లిళ్ల సీజన్ నడుస్తుండగా.. సినీ పరిశ్రమ కూడా ఈ విషయంలో వెనుకంజ వేయడం లేదు.
- Author : Gopichand
Date : 20-11-2022 - 10:14 IST
Published By : Hashtagu Telugu Desk
దేశవ్యాప్తంగా పెళ్లిళ్ల సీజన్ నడుస్తుండగా.. సినీ పరిశ్రమ కూడా ఈ విషయంలో వెనుకంజ వేయడం లేదు. ఓ వైపు హన్సిక మోత్వాని త్వరలో పెళ్లి పీటలు ఎక్కబోతుండగా.. మరోవైపు సౌత్ స్టార్ నాగశౌర్య కూడా పెళ్లి చేసుకున్నాడు. నవంబర్ 20వ తేదీన సౌత్ స్టార్ నాగ శౌర్య తన స్నేహితురాలు అనూషా శెట్టితో కలిసి బెంగళూరులో ఏడు అడుగులు వేశాడు. వీరిద్దరి పెళ్లి ఫోటోలు, వీడియోలు సోషల్ మీడియాలో వైరల్ అవుతున్నాయి. హీరో నాగశౌర్య వివాహం బెంగళూరులో వైభవంగా జరిగింది. ఇంటీరియర్ డిజైనర్ అనూష శెట్టి మెడలో మూడు ముళ్లు వేసి ఎట్టకేలకు నాగశౌర్య ఓ ఇంటివాడయ్యాడు. బెంగళూరులోని ఓ ఫైవ్ స్టార్ హోటల్లో జరిగిన వీరి వివాహానికి ఇరు కుటుంబాల పెద్దలు, సన్నిహితులు హాజరయ్యారు. దీనిపై స్పందించిన నెటిజన్లు నూతన వధూవరులకు అభినందనలు చెబుతున్నారు.
బెంగుళూరులోని గార్డెన్ సిటీలో స్టార్ కపుల్ వివాహ వేడుకలను పూర్తి చేశారు. ఈ సందర్భంగా ఇరు కుటుంబాల ప్రత్యేక బంధువులు హాజరై నూతన దంపతులకు శుభాకాంక్షలు తెలిపారు. నాగశౌర్య, అనూష ఇద్దరూ సంప్రదాయ దుస్తుల్లో అందంగా కనిపించారు. ఈ జంటకు అభిమానులు నిరంతరం అభినందనలు తెలుపుతూనే ఉన్నారు. అదే సమయంలో చిత్ర పరిశ్రమకు సంబంధించిన వారు కూడా వారికి శుభాకాంక్షలు తెలియజేస్తున్నారు.
Hero @IamNagashaurya and #AnushaShetty wedding celebrations ✨ pic.twitter.com/EAH9It03p2
— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) November 20, 2022
Follow us
