మన శంకర వర ప్రసాద్ గారు ట్రైల‌ర్ వ‌చ్చేసింది.. వెంకీ మామ ఎంట్రీ అదుర్స్‌!

Mana Shankara Vara Prasad Garu

Mana Shankara Vara Prasad Garu: మెగాస్టార్ చిరంజీవి కథానాయకుడిగా అనిల్ రావిపూడి దర్శకత్వంలో తెరకెక్కిన మన శంకర వర ప్రసాద్ మూవీ ఈ సంక్రాంతి కానుకగా ప్రేక్షకుల ముందుకు రానుంది. ఈ చిత్రంలో నయనతార కథానాయికగా నటిస్తున్నారు. తాజాగా విడుదలైన ట్రైలర్ ప్రేక్షకులలో భారీ అంచనాలను పెంచింది. ముఖ్యంగా చిరంజీవిని వినోదభరితమైన పాత్రలో చూస్తుంటే అభిమానులు ఎప్పటి నుంచో ఎదురుచూస్తున్న అవుట్ అండ్ అవుట్ కామెడీ మళ్ళీ తిరిగి వచ్చినట్లు అనిపిస్తోంది.

ఈ చిత్రంలో చిరంజీవి ఒక రా ఏజెంట్, జాతీయ భద్రతా సలహాదారు పాత్రలో కనిపిస్తారు. ఆయన ఒక ధనవంతురాలైన మహిళతో (నయనతార) ప్రేమలో పడతారు. వీరి వివాహం, ఆ తర్వాత కొన్ని కారణాల వల్ల ఏర్పడిన విడిపోవడం, మళ్ళీ తన భార్య మనసు గెలుచుకోవడానికి చిరంజీవి చేసే సరదా ప్రయత్నాలే ఈ సినిమాలోని ప్రధాన కామెడీ ట్రాక్. ఒకవైపు వినోదాన్ని పండిస్తూనే, మరోవైపు యాక్షన్ సన్నివేశాలు సినిమా స్థాయిని పెంచేలా ఉన్నాయి.

Also Read: ఆపరేషన్ అబ్సల్యూట్-రిజాల్వ్.. మదురో అరెస్ట్ వెనుక ఉన్న అసలు కథ ఇదే!

ట్రైలర్ చివరలో విక్టరీ వెంకటేష్ స్పెషల్ అప్పీరెన్స్ ఇవ్వడం ప్రేక్షకులకు ఒక పెద్ద సర్ ప్రైజ్ అని చెప్పాలి. సంక్రాంతి బరిలో నిలిచే ఈ చిత్రం బలమైన కామెడీ, యాక్షన్, భారీ తారాగణంతో బాక్సాఫీస్ వద్ద ఘనవిజయం సాధించేలా కనిపిస్తోంది. షైన్ స్క్రీన్స్- గోల్డ్ బాక్స్ ఎంటర్టైన్మెంట్స్ పతాకాలపై సాహు గారపాటి, సుస్మిత కొణిదెల ఈ చిత్రాన్ని నిర్మించారు. భీమ్స్ సిసిరోలియో ఈ సినిమాకు సంగీతాన్ని అందించారు. ఈ చిత్రంలో క్యాథరిన్ ట్రెసా, సునీల్, విటివి గణేష్, రేవంత్, హర్ష వర్ధన్, సచిన్ ఖేడేకర్, అభినవ్ గోమఠం ఇతర ముఖ్య పాత్రలు పోషించారు. మెగాస్టార్ తనదైన శైలిలో కామెడీ టైమింగ్‌తో ఈ చిత్రంలో అదరగొట్టనున్నారని ట్రైలర్ చూస్తుంటే స్పష్టమవుతోంది. అనిల్ రావిపూడి తన గత చిత్రాల మాదిరిగానే వినోదాన్ని, మాస్ అంశాలను సమపాళ్లలో కలిపి ఈ చిత్రాన్ని రూపొందించినట్లు తెలుస్తోంది.

Follow us