RRR : తగ్గేదేలే అంటున్న ఆర్ఆర్ఆర్.. జపాన్ లో ఇప్పటికే అదే క్రేజ్.. హాలీవుడ్ పాప్ సింగర్!
- By Sailaja Reddy Published Date - 11:35 AM, Fri - 15 March 24
టాలీవుడ్ స్టార్ డైరెక్టర్ ఎస్ఎస్ రాజమౌళి దర్శకత్వంలో రామ్ చరణ్ జూనియర్ ఎన్టీఆర్ లు కలిసి నటించిన చిత్రం ఆర్ఆర్ఆర్. పాన్ ఇండియా లెవెల్లో భారీ అంచనాల నడుమ విడుదలైన ఈ సినిమా బాక్సాఫీస్ వద్ద సరికొత్త రికార్డులు సృష్టించింది. అంతేకాకుండా కలెక్షన్ ల మోత మోగించింది. దేశవ్యాప్తంగానే కాకుండా ప్రపంచ వ్యాప్తంగా ఎన్నో భాషల్లో విడుదల అయ్యి కోట్లలో కలెక్షన్స్ ను సాధించింది. కాగా సినిమా విడుదల అయ్యి రెండేళ్లు గడిచిపోయింది. అయినా సరే ఈ సినిమా సృష్టించిన మ్యానియా ఇంకా కొనసాగుతూనే ఉంది. అది కూడా టాలీవుడ్ లో కాదు, హాలీవుడ్ లోనే ఎక్కువ వినిపిస్తోంది.
మొన్న ఈ మధ్య జరిగిన ఒక అవార్డుల వేడుకల్లో ఈ సినిమా గురించి జేమ్స్ కామెరాన్ మాట్లాడం, ఆ తరువాత పాకిస్తాన్ మీడియాలో రామ్ చరణ్ ఇంట్రడక్షన్ సీన్ గురించి మాట్లాడం చూసాము. అలాగే ఇటీవల ఆస్కార్ వేదిక పై మరోసారి ఆర్ఆర్ఆర్ కనిపించి టాలీవుడ్ ఆడియన్స్ ని ఫుల్ ఖుషి చేసింది. ఇప్పుడు తాజాగా ఒక హాలీవుడ్ పాప్ సింగర్ ఆర్ఆర్ఆర్ గురించి మాట్లాడుతూ.. అద్భుతమైన ఫిలిం అని చెప్పుకొచ్చారు. హాలీవుడ్ పాప్ రంగంలో వన్ ఆఫ్ ది టాప్ సింగర్ గా రాణిస్తున్న ఎడ్ షీరన్ ప్రస్తుతం కొన్నిరోజుల నుంచి బాలీవుడ్ లో సందడి చేస్తున్నారు.
Do you know Naatu?
Yay, @edsheeran knows more than naatu..😉
@BrutIndia #RRRMovie pic.twitter.com/MTEeAdp1Oh
— RRR Movie (@RRRMovie) March 14, 2024
ఈ క్రమంలోనే బాలీవుడ్ స్టార్స్ తో కలిసి డాన్స్ వేయడం, ప్రత్యేక ఇంటర్వ్యూలు ఇవ్వడం వంటివి చేస్తున్నారు. తాజాగా ఇచ్చిన ఒక ఇంటర్వ్యూలో ఎడ్ షీరన్ మాట్లాడుతూ.. నా ఫ్రెండ్స్ తో కలిసి నేను ఆర్ఆర్ఆర్ సినిమా చూసాను. అది చాలా అద్భుతమైన సినిమా. టెక్నికల్ గా ప్రతి విషయంలో ఆ సినిమా నన్ను ఆకట్టుకుంది. ముఖ్యంగా నాటు నాటుకి వేసిన డాన్స్ అద్భుతం అని చెప్పుకొచ్చారు. ప్రస్తుతం ఇందుకు సంబంధించిన వీడియో నెట్టింట వైరల్ గా మారింది. ఆర్ఆర్ఆర్ టీం కూడా ఈ వీడియోని రీ ట్వీట్ చేస్తూ షేర్ చేసింది.
