Stock Market : ఇరాన్-ఇజ్రాయెల్ యుద్ధం.. స్టాక్ మార్కెట్లు కుదేల‌… చమురు ధరలు చుక్కల్లోకి..!

Stock Market (1)

Stock Market : మధ్యప్రాచ్యంలో ఉద్ధృతమవుతున్న యుద్ధం ప్రభావం గ్లోబల్ ఆర్థిక రంగాన్ని వేధిస్తోంది. ఇరాన్-ఇజ్రాయెల్ మధ్య ఉద్రిక్తతలు పెరిగిన నేపథ్యంలో గ్లోబల్ మార్కెట్లతో పాటు భారత మార్కెట్లు కూడా భారీ నష్టాలను చవిచూశాయి. అంతర్జాతీయ స్థాయిలో చమురు ధరలు భారీగా పెరగడం, పెట్టుబడిదారుల్లో నెలకొన్న ఆందోళన నేపథ్యంలో సోమవారం దేశీయ స్టాక్ మార్కెట్లు తీవ్ర పతనాన్ని నమోదు చేశాయి.

ముంబయి స్టాక్ ఎక్స్చేంజ్ (BSE) సూచీ సెన్సెక్స్‌ 650 పాయింట్లకు పైగా నష్టపోయింది. అలాగే నేషనల్ స్టాక్ ఎక్స్చేంజ్ (NSE) సూచీ నిఫ్టీ సైతం 200 పాయింట్లకుపైగా పడిపోయింది. ఓ దశలో సెన్సెక్స్ 73,000 స్థాయిని కూడా కోల్పోయింది. కీలక రంగాల్లో అమ్మకాలు భారీగా జరిగాయి. ముఖ్యంగా బ్యాంకింగ్, ఆటో, ఐటీ, మెటల్ రంగాల్లో అమ్మకాలు పెరగడంతో సూచీలు మరింత క్షీణించాయి.

ఇరాన్ – ఇజ్రాయెల్‌ల మధ్య యుద్ధ ఛాయలు కమ్ముకోవడంతో ప్రపంచ మార్కెట్లలో ఆందోళన మొదలైంది. ఇరాన్ అణు కేంద్రాలపై అమెరికా ఆధ్వర్యంలో జరిగిన మిడ్నైట్ హ్యామర్ దాడి, ఆ తర్వాత ఇజ్రాయెల్‌కి ఇరాన్ స్పందించే అవకాశం అనే గట్టి ఊహలు పెట్టుబడిదారులను భయబ్రాంతులకు గురిచేశాయి. ఫలితంగా రిస్క్ ఏవార్జ్ మూడ్‌తో ఇన్వెస్టర్లు నిఫ్టీ-సెన్సెక్స్‌లో తమ పెట్టుబడులను ఉపసంహరించుకోవడం ప్రారంభించారు.

అంతర్జాతీయంగా చమురు ధరలు రెండురోజుల్లోనే 2 శాతానికి పైగా పెరిగాయి. బ్రెంట్ క్రూడ్ బ్యారెల్ ధర $90కి చేరువవుతుండగా, WTI కూడా పెరుగుతోంది. యుద్ధ ప్రభావంతో చమురు సరఫరాలో అంతరాయం ఏర్పడవచ్చన్న భయం ఈ ధరల పెరుగుదలకు దారితీసింది. ఇది నేరుగా భారత దేశ ఆర్థిక వ్యవస్థపై ప్రభావం చూపవచ్చు – ప్రత్యేకించి రిటైల్ ఇంధన ధరలు, ద్రవ్యోల్బణం, ఫిస్కల్ డెఫిసిట్ పై.

దేశీ-విదేశీ ఇన్వెస్టర్లు ఇప్పుడు మరింత అప్రమత్తంగా మారారు. ప్రస్తుత యుద్ధ పరిస్థితుల నేపథ్యంలో మరింత స్థిరమైన సెక్టర్లకు ప్రాధాన్యత ఇస్తున్నారు. గోల్డ్, డిఫెన్సివ్ స్టాక్స్, ITC వంటి కన్స్యూమర్ కంపెనీలు పరిమిత నష్టాలతో నిలబడ్డాయి. అయితే సమగ్రంగా చూస్తే మిడ్-కాప్, స్మాల్-కాప్ కంపెనీలు పెద్దగా నష్టపోయాయి.

Iran-Israel : ‘ఫేక్-అవుట్’ వ్యూహంతో ఇరాన్‌ను తప్పుదారి పట్టించిన అగ్రరాజ్యం

Follow us