Iran-Israel : ‘ఫేక్-అవుట్’ వ్యూహంతో ఇరాన్‌ను తప్పుదారి పట్టించిన అగ్రరాజ్యం

Iran Israel (3)

Iran-Israel : ఇరాన్ అణు కేంద్రాలపై అమెరికా ఒక అద్భుతమైన మోసపూరిత వ్యూహంతో భారీ దాడికి దిగింది. ప్రపంచం ఊహించనంత పట్టు పట్టిన ఈ సైనిక ఆపరేషన్ “మిడ్‌నైట్ హ్యామర్” శనివారం ప్రారంభమై ఆదివారం ఉదయం ప్రపంచానికి తెలిసింది. అసలు దాడికి ముందు, బీ-2 బాంబర్లలో కొన్నింటిని పసిఫిక్ దీవుల్లోని గ్వామ్ వైపు మళ్లించి అందరి దృష్టిని మళ్లించిన అమెరికా, అసలు దాడికి బీ-2 స్టెల్త్ బాంబర్లను తూర్పు దిశగా రహస్యంగా పంపింది.

ఈ గోప్యమైన వ్యూహంలో భాగంగా, ఏడు బీ-2 స్టెల్త్ బాంబర్లు 18 గంటల పాటు రహస్యంగా ప్రయాణించి, ఇరాన్‌లోని మూడు ప్రధాన అణు కేంద్రాలను టార్గెట్‌గా చేసుకున్నాయి. అమెరికా జలాంతర్గాముల నుంచి ప్రయోగించిన రెండు డజన్లకు పైగా టొమహాక్ క్రూయిజ్ క్షిపణులు ముందస్తుగా పేల్చి రక్షణ వ్యవస్థను విచ్ఛిన్నం చేశాయి. ఈ దాడిలో ఒక్కొటి 30,000 పౌండ్లు బరువైన జిబియు-57 బాంబులు వినియోగించబడ్డాయి.

ఘాటు విజయాన్ని సాధించిన అమెరికా సైన్యం

ఈ ఆపరేషన్‌లో మొత్తం 125కి పైగా యుద్ధ విమానాలు పాల్గొన్నాయి. దాడి సమయంలో ఇరాన్ వైమానిక దళం ఏమీ స్పందించలేదని, వారి గగనతల రక్షణ వ్యవస్థలు అమెరికా విమానాలను గుర్తించలేకపోయాయని, దీంతో దాడి పూర్తి స్థాయిలో విజయవంతమైందని జాయింట్ చీఫ్స్ ఆఫ్ స్టాఫ్ ఛైర్మన్ జనరల్ డాన్ కెయిన్ పేర్కొన్నారు.

ఇరాన్ అణు కేంద్రాలు తీవ్రంగా ధ్వంసమయ్యాయని ప్రాథమిక అంచనాలు పేర్కొంటున్నాయని ఆయన తెలిపారు. అమెరికా రక్షణ మంత్రి పీట్ హెగ్సెత్‌ కూడా ఈ దాడి ద్వారా ఇరాన్ అణు కార్యక్రమాన్ని పూర్తిగా అరికట్టగలిగామని ధీమా వ్యక్తం చేశారు.

అత్యంత గోప్యంగా జరిగిన ఆపరేషన్‌

ఈ దాడి ప్రణాళికను గోప్యంగా ఉంచేందుకు వాషింగ్టన్‌లోనూ కొద్దిమందికే సమాచారం అందించామని కెయిన్ వెల్లడించారు. అధ్యక్షుడు ట్రంప్ శనివారం రాత్రి సోషల్ మీడియాలో పోస్ట్ చేయడం వరకు చాలామంది సీనియర్ అధికారులకు కూడా దీనిపై తెలియదని చెప్పారు. నెలల తరబడి సన్నాహాలు చేసినప్పటికీ, చివరికి మిషన్‌ను కొన్ని వారాల్లోనే అమలుచేశామని తెలిపారు.

Lust Story: బ్యాంక్ మేనేజర్ తో తల్లి, కూతురు అక్రమ సంబంధం.. అల్లుడిని లేపేసిన వైనం

Follow us