కొత్త లేబర్ కోడ్.. ఫిక్స్‌డ్ టర్మ్ అంటే ఏమిటి?

Gratuity

Gratuity: కొత్త లేబర్ కోడ్ కింద గ్రాట్యుటీ నిబంధనలలో పెద్ద మార్పులు చేయబడ్డాయి. దీని ప్రకారం.. ఫిక్స్‌డ్-టర్మ్ ఎంప్లాయీస్ గ్రాట్యుటీ పొందడానికి ఇకపై ఐదేళ్ల వరకు వేచి చూడాల్సిన అవసరం లేదు. నిబంధనలలో మార్పు కారణంగా వీరు కేవలం ఒక సంవత్సరం నిరంతర సర్వీస్ పూర్తి చేసిన తర్వాతే గ్రాట్యుటీ పొందడానికి అర్హులవుతారు.

ఫిక్స్‌డ్ టర్మ్ అంటే ఏమిటి?

గతంలో కంపెనీలు కాంట్రాక్టు ప్రాతిపదికన ఉద్యోగులను నియమించుకున్నప్పుడు వారికి శాశ్వత (పర్మినెంట్‌) ఉద్యోగుల మాదిరిగా ప్రయోజనాలు లభించేవి కావు. ఇప్పుడు ‘ఫిక్స్‌డ్-టర్మ్’ కింద ఒక నిర్ణీత కాలానికి (1 సంవత్సరం లేదా 2 ఏళ్లు) లిఖితపూర్వక కాంట్రాక్టుపై నియమించబడిన ఉద్యోగులు నేరుగా కంపెనీ పేరోల్‌పై ఉంటారు. అంటే వారి జీతం, సెలవులు, అలవెన్సులు శాశ్వత ఉద్యోగులతో సమానంగా ఉంటాయి.

ప్రస్తుత చట్టం (పేమెంట్ ఆఫ్ గ్రాట్యుటీ యాక్ట్, 1972) ప్రకారం.. ఏ ఉద్యోగికైనా 5 ఏళ్ల సర్వీస్ పూర్తయిన తర్వాతే గ్రాట్యుటీ లభిస్తుంది. FTE కింద ఇప్పుడు ఒకవేళ కంపెనీతో మీ కాంట్రాక్టు 1 సంవత్సరం 3 నెలలు ఉంటే, మీకు పూర్తి 15 నెలల గ్రాట్యుటీ లభిస్తుంది. ముఖ్యంగా ప్రాజెక్ట్ ఆధారిత పనులు చేసే వారికి ఇది శుభవార్త.

Also Read: రాజస్థాన్ రాయల్స్ వర్సెస్ గుజరాత్ టైటాన్స్.. చివరి బంతి వరకు ఉత్కంఠ!

మొత్తంగా చెప్పాలంటే ఫిక్స్‌డ్-టర్మ్ ఉద్యోగులకు కనీసం 1 సంవత్సరం సర్వీస్ తప్పనిసరి. ఏడాది కంటే తక్కువ కాలం పనిచేస్తే వారికి గ్రాట్యుటీ లభించదు. ఒక సంవత్సరం పూర్తయిన తర్వాత మీరు ఎన్ని నెలలు లేదా రోజులు పనిచేసినా కంపెనీ ఆ సమయానికి గ్రాట్యుటీని కలిపి ఇస్తుంది. ఉదాహరణకు మీరు 1 సంవత్సరం 5 నెలలు పనిచేస్తే మీకు 17 నెలల గ్రాట్యుటీ లభిస్తుంది.

నిబంధనలు ఎందుకు మార్చారు?

చిన్న చిన్న ప్రాజెక్టులపై పనిచేసేవారు లేదా ఫిక్స్‌డ్ కాంట్రాక్టు (1 లేదా 2 ఏళ్లు)పై పనిచేసేవారిని దృష్టిలో ఉంచుకుని ఈ మార్పులు చేశారు. తద్వారా వారు కూడా తమ పనికి ప్రతిఫలంగా గ్రాట్యుటీని పొందవచ్చు. 5 ఏళ్ల సుదీర్ఘ నిరీక్షణ అవసరం ఉండదు.

బేసిక్ శాలరీలో పెరుగుదల

కొత్త లేబర్ కోడ్ ప్రకారం.. గ్రాట్యుటీ లెక్కింపు జీతం ఆధారంగా ఉంటుంది. ఇది ఉద్యోగి మొత్తం CTC (Cost-to-Company)లో కనీసం 50 శాతం ఉండాలి. నిబంధనల ప్రకారం.. మీ CTCలో HRA లేదా ట్రావెల్ వంటి అలవెన్సులు 50 శాతం కంటే ఎక్కువగా ఉండకూడదు. ఒకవేళ అలవెన్సులు 50 శాతం మించితే ఆ అదనపు మొత్తాన్ని మీ బేసిక్ శాలరీకి కలుపుతారు. దీనివల్ల బేసిక్ శాలరీ పెరుగుతుంది. తద్వారా గ్రాట్యుటీ, PF రూపంలో వచ్చే మొత్తం కూడా పెరుగుతుంది.

త్వరగా F&F సెటిల్‌మెంట్

ప్రస్తుతం కంపెనీలు ఫుల్ అండ్ ఫైనల్ సెటిల్‌మెంట్ (F&F) కోసం 30 నుండి 60 రోజుల సమయం తీసుకుంటున్నాయి. కొత్త నిబంధనల ప్రకారం.. ఉద్యోగి రాజీనామా చేసిన తర్వాత లేదా కంపెనీ నుండి తొలగించిన తర్వాత లేదా కాంట్రాక్టు ముగిసిన తర్వాత.. కంపెనీ 2 పని దినాల (48 గంటలు) లోపు వారి గ్రాట్యుటీ మరియు పెండింగ్‌లో ఉన్న జీతాన్ని చెల్లించాల్సి ఉంటుంది.

Follow us