Gold Price: పసిడి ప్రియులకు గుడ్న్యూస్.. మరోసారి దిగొచ్చిన బంగారం, వెండి ధరలు
- Author : Vamsi Chowdary Korata
Date : 06-07-2026 - 12:38 IST
Published By : Hashtagu Telugu Desk
ఈరోజు ఉదయం భారత మార్కెట్లో బంగారం ధరలు స్థిరంగా కొనసాగుతున్నాయి. అంతర్జాతీయ విపణిలో డిమాండ్ నిలకడగా ఉండటంతో పసిడి ధరల్లో పెద్దగా మార్పులు చోటుచేసుకోలేదు. అయితే, వెండి ధర మాత్రం స్వల్పంగా తగ్గింది. కిలో వెండిపై రూ.100 తగ్గి, ప్రస్తుతం రూ.2,59,900 వద్ద ట్రేడ్ అవుతోంది.
హైదరాబాద్, విజయవాడ మార్కెట్లలో సోమవారం ఉదయం నాటికి 10 గ్రాముల 24 క్యారెట్ల స్వచ్ఛమైన బంగారం ధర రూ.1,46,720గా ఉంది. అదేవిధంగా, 22 క్యారెట్ల ఆభరణాల బంగారం ధర రూ.1,34,490 వద్ద నిలకడగా కొనసాగుతోంది. నిజామాబాద్, ఖమ్మం, వరంగల్, విశాఖపట్నం, గుంటూరు, నెల్లూరు, తిరుపతి వంటి ప్రధాన నగరాల్లోనూ ఇవే ధరలు అమలవుతున్నాయి. ఇక 18 క్యారెట్ల బంగారం ధర 10 గ్రాములకు రూ.1,10,040గా నమోదైంది.
దేశంలోని ఇతర ప్రధాన నగరాల్లో బంగారం ధరలను పరిశీలిస్తే, చెన్నైలో 24 క్యారెట్ల పసిడి ధర అత్యధికంగా రూ.1,49,450గా ఉంది. దేశ రాజధాని న్యూఢిల్లీలో రూ.1,46,870గా ఉండగా, ముంబై, కోల్కతా, బెంగళూరు నగరాల్లో హైదరాబాద్ తరహాలోనే రూ.1,46,720 వద్ద ధరలు కొనసాగుతున్నాయి.
బంగారం కొనుగోలుదారులు స్థానిక నగల దుకాణాల్లో ధరలను మరోసారి సరిచూసుకోవడం ఉత్తమం. అంతర్జాతీయ పరిణామాల నేపథ్యంలో ధరల్లో ఎప్పటికప్పుడు హెచ్చుతగ్గులు చోటుచేసుకునే అవకాశం ఉంటుందని గమనించాలి.
Follow us
