మళ్లీ తగ్గిన బంగారం ధర.. రూ.4000 పడిపోయిన వెండి..ఈరోజు రేట్లు ఇవే!
- Author : Vamsi Chowdary Korata
Date : 17-12-2025 - 9:46 IST
Published By : Hashtagu Telugu Desk
Gold- Silver Prices, పసిడి ప్రియులకు అదిరే శుభవార్త. ఆల్ టైమ్ హై స్థాయి నుంచి బంగారం ధరలు భారీగా దిగివచ్చాయి. ఈరోజు 24 క్యారెట్ల బంగారం రేటు తులంపై ఏకంగా రూ.1520 మేర పడిపోయింది. ఇక వెండి రేటు రూ.4000 మేర దిగివచ్చింది. అంతర్జాతీయ మార్కెట్లో లాభాల స్వీకరణతో బంగారం ధరలు దిగివచ్చాయి. ఈ క్రమంలో డిసెంబర్ 17వ తేదీన హైదరాబాద్ మార్కెట్లో 22, 24 క్యారెట్ల గోల్డ్ రేటు తులానికి ఎంత మేర తగ్గిందో తెలుసుకుందాం.
దేశీయ మార్కెట్లో బంగారం ధరలు జీవన కాల గరిష్ఠాల నుంచి వెనక్కి మళ్లాయి. పసిడి ధరల పరుగుకు ఎట్టకేలకు బ్రేక్ పడింది. ఈరోజు బంగారం ధరలు కొనుగోలుదారులకు భారీ ఉపశమనం కల్పించాయి. ఇన్వెస్టర్లు ఆల్ టైమ్ హై వద్ద లాభాల స్వీకరణకు మొగ్గు చూపడంతో ధరలు దిగివచ్చినట్లు బులియన్ మార్కెట్ వర్గాలు భావిస్తున్నాయి. బంగారంతో పాటు వెండి రేటు సైతం ఈరోజు భారీగానే దిగివచ్చింది. కొనుగోలు చేసేందుకు ఇదే మంచి సమయంగా చెబుతున్నారు. మన దేశంలో ప్రత్యేక సందర్భాల్లోనే కాదు ఏడాది పొడవునూ బంగారం ధరలకు డిమాండ్ ఉంటుంది. అయితే, ఈ 2025లో బంగారం ధరలు విపరీతంగా పెరిగిన సంగతి తెలిసిందే. అమెరికా సుంకాలు, వాణిజ్య యుద్ధాలు, ఫెడ్ వడ్డీ రేట్లు, డాలర్ విలువ, వాణిజ్య అనిశ్చితులు వంటి ఎన్నో కారణాలు బంగారం ధరలు పెరగడానికి కారణమయ్యాయి. ఈ క్రమంలో డిసెంబర్ 17వ తేదీన హైదరాబాద్ మార్కెట్లో 22, 24 క్యారెట్ల పసిడి రేట్లు ఎంత మేర తగ్గాయి అనేది తెలుసుకుందాం.
అంతర్జాతీయ మార్కెట్లో బంగారం ధరలు తగ్గినట్లే తగ్గి మళ్లీ పెరుగుతున్నాయి. ఈరోజు స్పాట్ గోల్డ్ రేటు ఔన్సుకు 20.63 డాలర్ల మేర పెరిగింది. దీంతో ఔన్స్ బంగారం రేటు 4326 డాలర్ల వద్ద ట్రేడవుతోంది. ఇక స్పాట్ సిల్వర్ రేటు ఔన్సుకు 0.44 శాతం మేర పెరిగి 63.77 డాలర్ల వద్ద అమ్ముడవుతోంది.
హైదరాబాద్ మార్కెట్లో బంగారం ధరల ఈరోజు భారీగా తగ్గింది. క్రితం రోజు పెరిగిన దానికి మించి ఈరోజు ధరలు దిగిరావడం గమనార్హం. 24 క్యారెట్ల గోల్డ్ రేటు తులానికి రూ.1520 మేర పడిపోయింది. దీంతో 10 గ్రాముల స్వచ్చమైన గోల్డ్ రేటు రూ.1,33,860 వద్దకు దిగివచ్చింది. అలాగే 22 క్యారెట్ల ఆభరణాల గోల్డ్ రేటు తులానికి రూ. 1400 మేర పడిపోయింది. దీంతో 10 గ్రాముల గోల్డ్ రేటు రూ.1,22,700 వద్దకు దిగివచ్చింది.
బంగారంతో పాటు వెండి రేటు సైతం ఈరోజు భారీగానే దిగివచ్చింది. హైదరాబాద్ బులియన్ మార్కెట్లో కిలో వెండి ధర ఆల్ టైమ్ హై నుంచి వెనక్కి మళ్లింది. ఈ రోజు కిలో వెండి ధర రూ. 4000 మేర తగ్గింది. దీంతో కిలోకు రూ. 2,11,000 మార్క్ వద్ద ట్రేడవుతోంది.
పైన పేర్కొన్న బంగారం, వెండి ధరలు డిసెంబర్ 17వ తేదీన బుధవారం రోజున ఉదయం 7 గంటల సమయంలో ఉన్నవి. అయితే, మధ్యాహ్నానికి మారుతుంటాయి.
Follow us
