Ultraviolette Tesseract: 14 రోజుల్లో 50వేల బుకింగ్లు.. మార్కెట్లో దూసుకుపోతున్న కొత్త ఎలక్ట్రిక్ స్కూటర్!
ఈ స్కూటర్పై ప్రజల్లో విపరీతమైన క్రేజ్ ఉంది. Tesseract ఎలక్ట్రిక్ స్కూటర్ ధర కేవలం 1.20 లక్షల రూపాయల వద్ద ప్రారంభం కానుంది. ఇది మొదటి 50,000 మంది వినియోగదారులకు అందుబాటులో ఉంటుంది.
- Author : Gopichand
Date : 19-03-2025 - 11:18 IST
Published By : Hashtagu Telugu Desk
Ultraviolette Tesseract: అల్ట్రావయోలెట్ మొట్టమొదటి ఎలక్ట్రిక్ స్కూటర్ (Ultraviolette Tesseract) టెస్సెరాక్ట్ విడుదలైన వెంటనే మార్కెట్లో ట్రాక్ను పొందడం ప్రారంభించింది. ఈ స్కూటర్ని ఫిబ్రవరి 5న విడుదల చేశారు. ఇప్పటి వరకు 50,000 బుకింగ్లు వచ్చాయని కంపెనీ తెలిపింది. కేవలం 14 రోజుల్లోనే ఇన్ని బుకింగ్లను అందుకోవడం కస్టమర్లు ఈ స్కూటర్ను ఇష్టపడ్డారని సూచిస్తోంది. ఇంతకుముందు ఇది ప్రారంభించిన 48 గంటల్లో 20,000 బుకింగ్లను పొందింది. ఈ స్కూటర్పై ప్రజల్లో విపరీతమైన క్రేజ్ ఉంది. Tesseract ఎలక్ట్రిక్ స్కూటర్ ధర కేవలం 1.20 లక్షల రూపాయల వద్ద ప్రారంభం కానుంది. ఇది మొదటి 50,000 మంది వినియోగదారులకు అందుబాటులో ఉంటుంది.
మొదటి 50 వేల స్కూటర్లకు ధర ఎంతంటే?
మొదటి 50 వేల బుకింగ్ల కోసం ఈ స్కూటర్ ఎక్స్-షోరూమ్ ధర రూ. 1.20 లక్షలుగా ఉంచారు. ఆ తర్వాత దీని ఎక్స్-షోరూమ్ ధర రూ. 1.45 లక్షల నుండి ప్రారంభమవుతుంది. ఇప్పుడు దీని ధరపై కంపెనీ ఎలాంటి చర్యలు తీసుకుంటుందో చూడాలి. ఈ కొత్త స్కూటర్ ఫీచర్ల గురించి తెలుసుకుందాం.
ఈ స్కూటర్ ఫుల్ ఛార్జింగ్ పై 261 కిలోమీటర్ల వరకు ప్రయాణించగలదని కంపెనీ పేర్కొంది. ఇందులో 20 హెచ్పి పవర్ ఇవ్వడానికి ఎలక్ట్రిక్ మోటార్ ఉంది. ఈ స్కూటర్ 2.9 సెకన్లలో 0 నుండి 60 kmph వేగాన్ని అందుకోగలదు. దీని గరిష్ట వేగం గంటకు 125 కిలోమీటర్లు. ఈ స్కూటర్ 100 రూపాయల ఖర్చుతో 500 కిలోమీటర్లు నడుస్తుందని కంపెనీ పేర్కొంది.
Also Read: RCB vs KKR: ఆర్సీబీ వర్సెస్ కేకేఆర్.. ఈడెన్ గార్డెన్స్లో ఎవరు ఆధిపత్యం చెలాయిస్తారో?
అల్ట్రావయోలెట్ టెస్సెరాక్ట్ ఎలక్ట్రిక్ స్కూటర్లో ఇంటిగ్రేటెడ్ రాడార్, డాష్క్యామ్ ఉన్నాయి. ఇది పర్యావరణ అనుకూలమైన అధిక పనితీరు గల ఎలక్ట్రిక్ స్కూటర్. డిజైన్ చాలా అద్భుతంగా ఉంది. ఈ ఎలక్ట్రిక్ స్కూటర్ కూడా ఫైటర్ జెట్ల స్ఫూర్తితో రూపొందించబడింది. టెసెరాక్ట్కు వస్తున్న స్పందన పట్ల చాలా సంతోషంగా ఉన్నామని కంపెనీ తెలిపింది.
బైక్ ఫీచర్లు
కొత్త Tesseract ఎలక్ట్రిక్ స్కూటర్లో 7-అంగుళాల TFT టచ్స్క్రీన్ ఉంది. ఇది కాకుండా 34-లీటర్ అండర్ సీట్ స్టోరేజ్, 14-అంగుళాల వీల్స్, బ్లైండ్ స్పాట్ మానిటరింగ్, ఓవర్టేక్ అలర్ట్, లేన్ చేంజ్ అసిస్ట్ వంటి ఫీచర్లు అందుబాటులో ఉన్నాయి. అల్ట్రావయోలెట్ టెస్సెరాక్ట్ ఎలక్ట్రిక్ స్కూటర్..ఓలా, బజాజ్ చేతక్, ఏథర్, TVSలతో పోటీపడనుంది.
Follow us
