2026లో టాటా మోటార్స్ నుంచి రాబోతున్న సరికొత్త ఎలక్ట్రిక్ కార్లు ఇవే!

Tata Motors

టాటా మోటార్స్ తన ఎలక్ట్రిక్ వాహనాల విభాగంలో తదుపరి దశ ప్రణాళికలను వెల్లడించింది. ఇందులో కొత్త ఎలక్ట్రిక్ కార్లు, ఛార్జింగ్ నెట్‌వర్క్ విస్తరణ, స్థానికంగా బ్యాటరీల ఉత్పత్తి వంటి కీలక అంశాలు ఉన్నాయి. ముఖ్యంగా గూగుల్‌లో ట్రెండ్ అవుతున్న ‘అవీన్య’ మోడల్ ఇప్పుడు ప్రొడక్షన్ వెర్షన్‌లో లాంచ్ కానుంది.

2026లో సియెర్రా, పంచ్ EV లాంచ్

2026 క్యాలెండర్ ఇయర్‌లో టాటా మోటార్స్ తన Sierra EV ప్రొడక్షన్ వెర్షన్‌ను విడుదల చేయనుంది. దీనితో పాటు అత్యధికంగా అమ్ముడవుతున్న మైక్రో SUV Punch కొత్త ఎలక్ట్రిక్ వెర్షన్‌ను కూడా పరిచయం చేయనుంది. Sierra EV రెండు బ్యాటరీ ప్యాక్ ఆప్షన్లతో రానుంది. ఇది ఒక్కసారి ఛార్జ్ చేస్తే 500 కిలోమీటర్ల కంటే ఎక్కువ రేంజ్ ఇస్తుందని అంచనా.

గూగుల్‌లో ట్రెండ్ అవుతున్న ‘అవీన్య’

2026 చివరి నాటికి టాటా తన ప్రీమియం Avinya EV సిరీస్‌ను లాంచ్ చేయనుంది. ఇప్పటివరకు కాన్సెప్ట్ వెర్షన్‌లో మాత్రమే కనిపించిన ఈ మోడల్ ఇప్పుడు కస్టమర్ల కోసం అందుబాటులోకి రానుంది. ఈ మోడల్‌కు సంబంధించిన ఫోటోలు, వార్తలు ప్రస్తుతం గూగుల్‌లో విపరీతంగా ట్రెండ్ అవుతున్నాయి. ఇది టాటా EV పోర్ట్‌ఫోలియోలో టాప్-లెవల్ లగ్జరీ ఫ్యామిలీ కార్‌గా ఉండబోతోంది.

Also Read: జలగ చికిత్స.. క్యాన్సర్‌ను నయం చేయగలదా?

2030 నాటికి విస్తరించనున్న EV పోర్ట్‌ఫోలియో

దశాబ్దం చివరి నాటికి తన EV లైన్-అప్‌ను మరింత బలోపేతం చేయాలని టాటా లక్ష్యంగా పెట్టుకుంది. ఆర్థిక సంవత్సరం 2030 నాటికి కంపెనీ వద్ద కనీసం ఐదు కొత్త ఎలక్ట్రిక్ కార్లు ఉంటాయి. మార్కెట్ పోటీకి అనుగుణంగా ప్రస్తుత మోడళ్లకు ఎప్పటికప్పుడు ఫేస్‌లిఫ్ట్, కొత్త ఫీచర్లను జోడించనుంది.

ఛార్జింగ్ నెట్‌వర్క్ విస్తరణ

కస్టమర్ల సౌకర్యార్థం ఛార్జింగ్ మౌలిక సదుపాయాలపై టాటా దృష్టి సారించింది.

2027 నాటికి: దేశవ్యాప్తంగా 4 లక్షల ఛార్జింగ్ పాయింట్లు (30,000 పబ్లిక్ ఫాస్ట్ ఛార్జర్లతో కలిపి).

2030 నాటికి: 10 లక్షల ఛార్జింగ్ పాయింట్ల ఎకోసిస్టమ్‌ను నిర్మించాలని లక్ష్యం.

బ్యాటరీ రీసైక్లింగ్, సపోర్ట్

సెకండ్ హ్యాండ్ కొనుగోలుదారుల కోసం బ్యాటరీ హెల్త్ చెక్, రిఫర్బిష్‌మెంట్ సేవలను టాటా అందించనుంది. కాలం చెల్లిన బ్యాటరీలను ఎనర్జీ స్టోరేజ్ వంటి ఇతర పనులకు రీసైకిల్ చేయడం ద్వారా పర్యావరణానికి మేలు చేయనుంది.

స్థానికంగా బ్యాటరీ సెల్స్ తయారీ

అధిక వోల్టేజ్ బ్యాటరీ సెల్స్‌ను ఇకపై భారత్‌లోనే తయారు చేయనున్నట్లు టాటా ధృవీకరించింది. గుజరాత్‌లోని సానంద్‌లో ఏర్పాటు చేస్తున్న ‘అగ్రతాస్’ గీగాఫ్యాక్టరీ నుండి ఈ సెల్స్‌ను సేకరిస్తారు. దీనివల్ల ఎలక్ట్రిక్ వాహనాల ధరలు తగ్గడంతో పాటు సరఫరా వ్యవస్థ బలోపేతం అవుతుంది.

Follow us