Maruti Brezza: మారుతి బ్రెజ్జా నుంచి కొత్త ఎడిష‌న్‌.. ప్ర‌త్యేక‌త‌లు ఏంటంటే..?

Maruti Brezza: మీరు మారుతి సుజుకి బ్రెజ్జా (Maruti Brezza) బేస్ మోడల్‌ను కొనుగోలు చేయాలని ఆలోచిస్తున్నట్లయితే కంపెనీ తన LXi, VXi వేరియంట్‌ల పరిమిత ఎడిషన్ (అర్బానో ఎడిషన్)ను మార్కెట్లో ప్రవేశపెట్టింది. మీరు ఈ మోడ‌ల్‌లో కొన్ని కొత్త ఫీచర్లను పొందుతారు. వాటి ధర రూ. 8.49 లక్షల నుండి ప్రారంభమవుతుంది. కంపెనీ తెలిపిన వివ‌రాల ప్ర‌కారం.. బ్రెజ్జా బేస్ వేరియంట్ అమ్మకాలు కొంతకాలంగా నిరంతరం తగ్గుతూనే ఉన్నాయి. భారతదేశంలో బ్రెజ్జా నేరుగా టాటా నెక్సాన్, కియా సోనెట్, హ్యుందాయ్ వెన్యూ, మహీంద్రా XUV 3XOలతో పోటీపడుతుంది. మీరు ఈ ఎడిషన్‌ని కొనుగోలు చేయాలని ఆలోచిస్తున్నట్లయితే దీనిలో అందుబాటులో ఉన్న ఫీచర్ల గురించి ఇప్పుడు తెలుసుకుందాం.

కారు మోడ‌ల్స్, ధ‌ర‌

• మారుతి బ్రెజ్జా అర్బానో ఎడిషన్ LXi (MT) వేరియంట్ ధర రూ. 8.49 లక్షలు
• మారుతి బ్రెజ్జా అర్బానో ఎడిషన్ LXi CNG (MT) వేరియంట్ ధర రూ. 9.44 లక్షలు
• మారుతి బ్రెజ్జా అర్బానో ఎడిషన్ VXi (MT) వేరియంట్ ధర రూ. 9.84 లక్షలు
• మారుతి బ్రెజ్జా అర్బానో ఎడిషన్ VXi CNG (MT) వేరియంట్ ధర రూ. 10.68 లక్షలు
• మారుతి బ్రెజ్జా అర్బానో ఎడిషన్ VXi (AT) వేరియంట్ ధర రూ. 8.49 లక్షలు
• మారుతి బ్రెజ్జా అర్బానో ఎడిషన్ LXi (MT) వేరియంట్ ఎక్స్-షోరూమ్ ధర రూ. 11.13 లక్షలు

Also Read: Ola Maps: గూగుల్ మ్యాప్స్‌కు గుడ్ బై చెప్పిన ఓలా.. ఇక‌పై ఓలా మ్యాప్స్‌పైనే రైడింగ్..!

ప్రత్యేక ఫీచ‌ర్లు

బ్రెజ్జా ఈ కొత్త ఎడిషన్‌లో 3D ఫ్లోర్ మ్యాట్, నంబర్ ప్లేట్ ఫ్రేమ్, మెటల్ సిల్ గార్డ్స్ వంటి ఫీచర్లు ఉన్నాయి. ఇది కాకుండా కారు డ్యాష్‌బోర్డ్‌లో కూడా కొన్ని ఫీచ‌ర్లు యాడ్ చేశారు. బ్రెజ్జా అర్బానో ఎడిషన్ LXi, VXiతో లభించే యుటిలిటీ యాక్సెసరీలు వినియోగదారులకు వరుసగా రూ. 42,000, రూ. 18,500 ఖర్చవుతాయి. అయితే ఈ ఫీచ‌ర్లు బ్రెజ్జాను మునుపటి కంటే విలాసవంతంగా మార్చాయి.

We’re now on WhatsApp : Click to Join

ఇంజిన్, పవర్

మారుతి బ్రెజ్జా అర్బానో స్పెషల్ ఎడిషన్ స్టాండర్డ్ బ్రెజ్జాలో ఇవ్వబడిన అదే ఇంజన్‌ను పొందుతుంది. ఇందులో 1.5 లీటర్ పెట్రోల్ ఇంజన్ ఉంటుంది. ఇది 103బిహెచ్‌పి పవర్, 137ఎన్ఎమ్ టార్క్ ఇస్తుంది. ఇది 5-స్పీడ్ మాన్యువల్, 6-స్పీడ్ టార్క్ కన్వర్టర్ ఆటోమేటిక్ గేర్‌బాక్స్‌ని పొందుతుంది. మైలేజీ గురించి చెప్పాలంటే ఈ వాహనం మ్యాన్యువల్ గేర్‌బాక్స్‌తో 20.15kmpl, ఆటోమేటిక్ గేర్‌బాక్స్‌తో 19.80kmpl మైలేజీని ఇస్తుంది. ఇందులో హైబ్రిడ్ టెక్నాలజీ అందుబాటులో ఉంది.