Ola Maps: గూగుల్ మ్యాప్స్‌కు గుడ్ బై చెప్పిన ఓలా.. ఇక‌పై ఓలా మ్యాప్స్‌పైనే రైడింగ్..!

Ola Maps: ఆన్‌లైన్ టాక్సీ సర్వీస్ ప్రొవైడర్ అయిన ఓలా క్యాబ్స్ (Ola Maps) ఇప్పుడు తన యాప్ నుండి గూగుల్ మ్యాప్స్‌కి బై బై చెప్పింది. దానిని ఉపయోగించకూడదని నిర్ణయించుకుంది. కంపెనీ ఇప్పుడు దాని బదులు దాని స్వంత ఓలా మ్యాప్‌లను స్వీకరించింది. ఈ అప్డేట్‌ను ప్రకటిస్తూ.. ఓలా గ్రూప్ సహ వ్యవస్థాపకుడు, చైర్మన్ భవిష్ అగర్వాల్ మాట్లాడుతూ.. దీనివల్ల కంపెనీకి ఏటా రూ. 100 కోట్లు ఆదా అవుతుందన్నారు.

యాప్‌ను అప్‌డేట్ చేయాలని సూచించారు

గత నెలలో అజూర్‌ను విడిచిపెట్టిన తర్వాత అగర్వాల్ మాట్లాడుతూ.. ఓలా గ్రూప్ తన ప్లాట్‌ఫారమ్ నుండి గూగుల్ మ్యాప్స్‌ను పూర్తిగా తొలగించిందని చెప్పారు. వినియోగదారులు తమ ఓలా యాప్‌ని చెక్ చేసి అవసరమైతే అప్‌డేట్ చేసుకోవాలని ఆయన కోరారు. అగర్వాల్ ఒక ట్వీట్‌లో గత నెలలో అజూర్ నుండి నిష్క్రమించిన తర్వాత మేము ఇప్పుడు గూగుల్ మ్యాప్స్‌ను పూర్తిగా విడిచిపెట్టాము. మేము ఏటా గూగుల్ మ్యాప్స్ కోసం రూ. 100 కోట్లు ఖర్చు చేసేవాళ్లం. కానీ మేము మా అంతర్గత ఓలా మ్యాప్‌లకు పూర్తిగా మారడం ద్వారా ఈ నెలలో దాన్ని 0కి తగ్గించాము! అని పేర్కొన్నారు.

Also Read: Bonalu : బోనాలకు ముస్తాబైన గోల్కొండ కోట.. ఇవాళ జగదాంబిక అమ్మవారికి బోనాలు

ఈ అద్భుతమైన ఫీచర్లు వస్తున్నాయి

ఓలా మ్యాప్‌ల కోసం స్ట్రీట్ వ్యూ, న్యూరల్ రేడియేషన్ ఫీల్డ్స్ (ఎన్‌ఇఆర్‌ఎఫ్), ఇండోర్ ఇమేజెస్, 3డి మ్యాప్‌లు, డ్రోన్ మ్యాప్‌లను కంపెనీ ప్రస్తుతం పరీక్షిస్తున్నట్లు అగర్వాల్ తెలిపారు. అదనంగా AI క్లౌడ్ సర్వీస్ Ola Maps కోసం Crutrim అప్లికేషన్ ప్రోగ్రామింగ్ ఇంటర్‌ఫేస్ (API)ని అందిస్తుంది. API అనేది కమ్యూనికేషన్‌ను మెరుగుపరచడానికి అనేక కంప్యూటర్ ప్రోగ్రామ్‌లు లేదా భాగాలు ఉపయోగించే సాఫ్ట్‌వేర్ ఇంటర్‌ఫేస్.

మైక్రోసాఫ్ట్‌తో భాగస్వామ్యం ముగిసింది

మైక్రోసాఫ్ట్ అజూర్‌తో ఓలా గ్రూప్ తన భాగస్వామ్యాన్ని ముగించిన తర్వాత కంపెనీ ఈ ప్రకటన చేసింది. ఒక పోస్ట్‌లో Crutrim AI ప్రారంభించిన సమయంలో కూడా Ola గ్రూప్ క్లౌడ్ సేవలు, మ్యాపింగ్ కోసం కంపెనీతో భాగస్వామి కావాలనే దాని గురించి తెలియజేసింది.

We’re now on WhatsApp : Click to Join