Honda City Apex Edition: హోండా నుంచి మ‌రో కారు.. ధ‌ర, ఫీచ‌ర్ల వివ‌రాలివే!

Honda City Apex Edition

Honda City Apex Edition: హోండా కార్స్ ఇండియా తన హోండా ఎలివేట్ SUV అపెక్స్ ఎడిషన్‌ను సెప్టెంబర్ 2024లో విడుదల చేసింది. దీనితో కొనుగోలుదారులకు ప్రత్యేక, పరిమిత ఎడిషన్ వేరియంట్‌లను అందించింది. ఇప్పుడు ఫిబ్రవరి 2025 మొదటి రోజున హోండా సిటీ అపెక్స్ ఎడిషన్ (Honda City Apex Edition) మార్కెట్లో లాంచ్ చేసింది. కంపెనీ ఈ కారు ధరను రూ. 13.3 లక్షల నుంచి రూ. 15.62 లక్షల (ఎక్స్-షోరూమ్) మధ్య వినియోగ‌దారుల‌కు అందుబాటులో ఉంచింది.

హోండా కార్స్ ఇండియా తన అత్యంత ప్రజాదరణ పొందిన సెడాన్ కార్ సిటీలో కొత్త అపెక్స్ ఎడిషన్‌ను విడుదల చేసింది. వీరి ధర రూ.13.30 లక్షల నుంచి మొదలవుతుంది. దీని ధర రూ. 13,05,000 ఉన్న స్టాండర్డ్ బేస్ మోడల్ కంటే రూ. 25,000 ఎక్కువ. సిటీ మొదటిసారిగా 1998లో ప్రారంభించారు. ఇప్పటి వరకు కార్ మార్కెట్లో తన స్థానాన్ని కొనసాగిస్తోంది. సిటీ సౌకర్యవంతమైన, స్టైలిష్ కారు. మీరు ఈ కారును కొనుగోలు చేయాలని ఆలోచిస్తున్నట్లయితే దాని ఫీచర్ల గురించి తెలుసుకోవాల్సి ఉంటుంది.

Also Read: Women Entrepreneurs : ఫస్ట్ టైం ఎస్సీ, ఎస్టీ మహిళా వ్యాపారవేత్తలకు నిర్మల శుభవార్త

ధర, వేరియంట్లు

హోండా సిటీ అపెక్స్ ఎడిషన్ ధర రూ.13.30 లక్షల నుండి రూ.15.62 లక్షల వరకు ఉంది. ఇది VMT, VCV, VX MT, VX MT, VX CVT వంటి 4 వేరియంట్‌లలో అందుబాటులో ఉంది.

ఇంజిన్, పవర్

ఇంజన్, పవర్ గురించి చెప్పాలంటే సిటీ 4 సిలిండర్, i-VTEC DOHC, 1498cc పెట్రోల్ ఇంజన్‌ని కలిగి ఉంది. ఇది 6 స్పీడ్ మాన్యువల్, 7 స్పీడ్ CVT గేర్‌బాక్స్ సౌకర్యాన్ని అందిస్తుంది. భద్రత కోసం ఈ కారులో యాంటీ-లాక్ బ్రేకింగ్ సిస్టమ్, 6 ఎయిర్ బ్యాగ్స్, బ్రేక్ అసిస్ట్, EBD, ADAS వంటి ఫీచర్లు ఉన్నాయి. హోండా సిటీ పొడవు 4574mm, వెడల్పు 1748mm, ఎత్తు 1489mm. దీని వీల్‌బేస్ 2600mm.. 1110-1153 కిలోలు. ఈ కారులో 15, 16 అంగుళాల టైర్లు ఉన్నాయి.

ఈ కార్లతో పోటీ

హోండా సిటీ అపెక్స్ ఎడిషన్ నేరుగా మారుతి సుజుకి సియాజ్, హ్యుందాయ్ వెర్నా వంటి కార్లతో పోటీపడుతుంది. హోండా సిటీ ఈ కొత్త ఎడిషన్ కస్టమర్‌లు ఎంతవరకు ఇష్టపడతారో చూడాలి.

Follow us