Safety Rating Stickers: కార్ల భ‌ద్ర‌తా కోసం రేటింగ్ స్టిక్కర్లు.. ఇది ఎలా పని చేస్తుందంటే..?

Best Selling Car

Safety Rating Stickers: ఇప్పుడు కారును కొనుగోలు చేసేటప్పుడు క్రాష్ టెస్ట్‌లో దాని సేఫ్టీ రేటింగ్ (Safety Rating Stickers) గురించి మీరు సేల్స్‌మ్యాన్‌ని అడగాల్సిన అవసరం లేదు. ఇప్పుడు మీరు కారులో ఇన్‌స్టాల్ చేసిన QR కోడ్‌ని స్కాన్ చేయడం ద్వారా దాని భద్రత రేటింగ్‌ను మీరే తెలుసుకోవచ్చు. వాస్తవానికి భారత్ NCAP శుక్రవారం కార్ల కోసం భద్రతా రేటింగ్ స్టిక్కర్లను ప్రవేశపెట్టింది. కారు బిల్డ్ క్వాలిటీ గురించి, యాక్సిడెంట్ సమయంలో అందులోని రైడర్ ఎంత సురక్షితంగా ఉందో చెబుతుంది? దీని రేటింగ్ (స్టార్‌) 0 నుండి 5 వరకు ఇవ్వబడింది.

ఈ వాహనాలకు 5 స్టార్ రేటింగ్

రోడ్డు రవాణా, రహదారుల మంత్రిత్వ శాఖ 2023లో గ్లోబల్ NCAP సహకారంతో భారత్ NCAP భద్రతా రేటింగ్‌ను ప్రారంభించిందని మ‌న‌కు తెలిసిందే. ఈ క్రాష్-టెస్టింగ్ విధానంతో ఇటువంటి భద్రతా వ్యవస్థను అవలంభిస్తున్న ప్రపంచవ్యాప్తంగా 5వ దేశం భారతదేశం. భారత్ NCAP కార్ల భద్రతను తనిఖీ చేస్తుంది. వాటికి సేఫ్టీ రేటింగ్ ఇస్తుంది. ఇప్పటివరకు పరీక్షించిన కార్ల‌లో.. టాటా సఫారి, టాటా హారియర్, టాటా నెక్సాన్ EV, టాటా పంచ్ EVలకు 5 స్టార్ సేఫ్టీ రేటింగ్ ఇవ్వబడింది.

Also Read: India U19 Squad: భార‌త్ జ‌ట్టును ప్ర‌క‌టించిన బీసీసీఐ.. ఆస్ట్రేలియాతో వ‌న్డే, టెస్టు సిరీస్‌లు..!

QR కోడ్‌ని స్కాన్ చేసిన తర్వాత ఇది తెలుస్తుంది

కార్ల తయారీ కంపెనీలకు క్యూఆర్ కోడ్ స్టిక్కర్లను పంపినట్లు భారత్ ఎన్‌సిఎపి అధికారులు తెలిపారు. వీటిని స్కాన్ చేయడం ద్వారా ఎవరైనా కారు సేఫ్టీ రేటింగ్‌కు సంబంధించిన సమాచారాన్ని పొందవచ్చు. స్కాన్ తర్వాత కారు మోడల్, కారు ఏ కంపెనీకి చెందినది, పరీక్ష తేదీ, రేటింగ్ తెలుస్తుంది. భారత్ ఎన్‌సిఎపి పరీక్ష సమయంలో ఎయిర్‌బ్యాగ్‌లు, అధునాతన డ్రైవర్ అసిస్టెన్స్ సిస్టమ్‌తో సహా కారులో కంపెనీ అందించిన భద్రతా ఫీచర్లు సరిగ్గా పని చేశాయో లేదో తనిఖీ చేస్తుంది. క్రాష్ టెస్ట్‌లో కారు వివిధ కోణాలు, వేగంతో వెళ్లిన విష‌యాలు ఉంటాయి. దీని ఆధారంగా పిల్లలు, వృద్ధులు, ముందు లేదా వెనుక సీటులో ఉన్నవారికి ప్రమాదం జరిగినప్పుడు ఎంత వరకు సురక్షితంగా ఉందో నివేదిక తయారు చేస్తారు.

We’re now on WhatsApp. Click to Join.

Follow us