Cheapest Cars: దేశంలో అత్యంత చౌకైన కారు ఇదే.. ధ‌ర ఎంతంటే?

Cheapest Cars: మోడీ ప్రభుత్వం కొత్త జీఎస్టీ స్లాబ్‌లను అమలు చేసిన తర్వాత దేశ ఆటోమొబైల్ పరిశ్రమలో పెద్ద మార్పు వచ్చింది. గతంలో సామాన్య ప్రజల బడ్జెట్‌కు కాస్త దూరంగా ఉన్న కార్లు, ఇప్పుడు మరింత చౌకగా మారాయి. తక్కువ బడ్జెట్‌లో కారు (Cheapest Cars) కొనుగోలు చేయాలని కలలు కనే వారికి ఇది నేరుగా ప్రయోజనం చేకూరుస్తుంది. ముఖ్యంగా దేశంలో అత్యంత చౌకైన కారుగా ఉన్న మారుతి ఆల్టో కే10 స్థానంలో ఇప్పుడు మారుతి ఎస్-ప్రెసో వచ్చింది. ఈ నవరాత్రి సమయంలో కొత్త హైటెక్, బడ్జెట్ ఫ్రెండ్లీ కారును కొనుగోలు చేయాలనుకుంటే ఈ 5 కార్లపై ఓ లుక్కేయండి.

మారుతి ఎస్-ప్రెసో

మారుతి ఎస్-ప్రెసో ఇప్పుడు భారతదేశంలో అత్యంత చౌకైన కారుగా మారింది. దీని బేస్ వేరియంట్ ధర గతంలో రూ. 4.26 లక్షలు ఉండగా.. ఇప్పుడు రూ. 76,600 తగ్గింపు తర్వాత కేవలం రూ. 3,49,900 నుండి లభిస్తుంది. అంటే దాదాపు 18% ఆదా అవుతుంది.ఈ కారు దాదాపు 24.12 కిలోమీటర్ల మైలేజీ ఇస్తుంది. దీంతో ఇది తక్కువ బడ్జెట్‌తో పాటు, తక్కువ రన్నింగ్ ఖర్చు ఉన్న కారుగా మారింది.

మారుతి ఆల్టో కే10

చాలా కాలం పాటు దేశంలో అత్యంత చౌకైన కారుగా ఉన్న మారుతి ఆల్టో కే10 ఇప్పుడు రెండో స్థానానికి వచ్చింది. దీని ఎస్‌టీడీ (ఓ) వేరియంట్ ధర గతంలో రూ. 4.23 లక్షలు ఉండగా ఇప్పుడు రూ. 3,69,900కి తగ్గింది. అంటే రూ. 53,100 ఆదా అవుతుంది. ఈ కారు దాదాపు 24.39 కిలోమీటర్ల మైలేజీ ఇస్తుంది. చిన్న కుటుంబాలకు ఇది ఇప్పటికీ బెస్ట్ సెల్లింగ్ మోడల్‌గా ఉంది.

Also Read: PM Modi: దేశ ప్రజలకు ప్రధాని నరేంద్ర మోడీ లేఖ..!

రెనో క్విడ్

తక్కువ బడ్జెట్‌లో స్టైలిష్, ఎస్‌యూవీ లాంటి డిజైన్ ఉన్న కారు కావాలనుకునే వారికి రెనో క్విడ్ సరైన ఎంపిక. దీని ధర గతంలో రూ. 4.69 లక్షలు ఉండగా, ఇప్పుడు రూ. 4,29,900కి తగ్గింది. అంటే రూ. 40,095 ఆదా అవుతుంది. క్విడ్ మైలేజ్ కూడా బాగుంది. ఇది దాదాపు 21 కిలోమీటర్ల మైలేజీ ఇస్తుంది. ఇది నగరంలో, హైవేపై రెండింటిలోనూ బాగా పనిచేస్తుంది.

టాటా టియాగో

టాటా టియాగో దేశంలో నాలుగో అత్యంత చౌకైన కారు. ఇది తన సేఫ్టీ ఫీచర్లకు పేరుగాంచింది. దీని బేస్ ఎక్స్ఈ వేరియంట్ ధర గతంలో రూ. 4.99 లక్షలు ఉండగా, ఇప్పుడు రూ. 4,57,490కి తగ్గింది. అంటే దాదాపు రూ. 42,500 ఆదా అవుతుంది. టియాగో దాదాపు 20.09 కిలోమీటర్ల మైలేజీ ఇస్తుంది. ఇది ఈ ధర పరిధిలో ఒక అద్భుతమైన, ప్రాక్టికల్ ఎంపిక.

మారుతి సెలెరియో

మారుతి సెలెరియో కూడా ఇప్పుడు రూ. 5 లక్షల కంటే తక్కువ ధరలో లభిస్తుంది. దీని ధర గతంలో రూ. 5.64 లక్షలు ఉండగా, ఇప్పుడు రూ. 94,100 తగ్గింపు తర్వాత రూ. 4,69,900కి లభిస్తుంది. ఈ కారు ముఖ్యంగా మైలేజీలో నంబర్ వన్ స్థానంలో ఉంది. ఇది దాదాపు 26 కిలోమీటర్ల మైలేజీ ఇస్తుంది. అంటే ఇది భారతదేశంలో అత్యంత ఇంధన సామర్థ్యం ఉన్న పెట్రోల్ కార్లలో ఒకటి.

ధరలు, మైలేజ్ వివరాలు

కొత్త జీఎస్టీ స్లాబ్‌ల తర్వాత ఇప్పుడు చిన్న కార్లు సామాన్య ప్రజల జేబుకు మరింత చేరువయ్యాయి. మారుతి ఎస్-ప్రెసో, ఆల్టో కే10, రెనో క్విడ్, టాటా టియాగో, సెలెరియో వంటి కార్లు ఇప్పుడు రూ. 5 లక్షల కంటే తక్కువ ధరలో అందుబాటులో ఉన్నాయి. వీటి మైలేజ్ కూడా చాలా బాగుంది. దీంతో ఈ కార్లు కొనడానికే కాకుండా నడపడానికి కూడా చాలా చౌకగా ఉన్నాయి.