YS Jagan : కూటమి సర్కారుపై వైఎస్‌ జగన్‌ ప్రోగ్రెస్‌ రిపోర్ట్‌..!

YS Jagan progress report on the coalition government..!

YS Jagan : ఆంధ్రప్రదేశ్‌లో అధికారంలోకి వచ్చిన ఏడాదిలోనే చంద్రబాబు నాయుడు సర్కారు అవినీతి, దోపిడీ, హామీల విఫలతల మయం అయిందని వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్‌మోహన్ రెడ్డి తీవ్రంగా విమర్శించారు. విశాఖలోని పార్టీ కేంద్ర కార్యాలయంలో ఏర్పాటు చేసిన మీడియా సమావేశంలో మాట్లాడిన ఆయన సంపద సృష్టిస్తామన్న మాటలు చెప్పి అధికారంలోకి వచ్చిన చంద్రబాబు ఇప్పుడు దోపిడీ పాలనకు మోసగిస్తున్నాడు అని మండిపడ్డారు. రాజధాని అమరావతి నుంచి ఇసుక వరకు ప్రతి రంగంలోనూ స్కాంలు ముసురుకున్నాయి. అవినీతికి రెడ్‌బుక్ రాజ్యాంగాన్ని తయారుచేసుకొని, అధికారాన్ని దుర్వినియోగం చేస్తూ ప్రజలను బెదిరింపులకు గురిచేస్తున్నారు. ఏడాది పాలన పూర్తయిన ఈ సమయంలో రాష్ట్రంలో అభివృద్ధి ఒక్క అంగుళం కూడా ముందుకు సాగలేదని, సంక్షేమ పథకాలు పూర్తిగా నిలిచిపోయాయని జగన్ తెలిపారు.

Read Also: Powerful Nuclear Missile: పవర్ ఫుల్ అణు క్షిపణి ‘మినిట్‌ మ్యాన్‌-3’.. పరీక్షించిన అమెరికా.. ఎందుకు ?

అధికారంలోకి వచ్చి ఏడాది గడిచినా చంద్రబాబు ప్రభుత్వం ప్రజలకు నిజమైన సేవ చేయలేకపోయిందని ఆయన విమర్శించారు. ఇచ్చిన హామీలను మరిచి, ప్రకటనలతో, మాయ మాటలతో ప్రజలను మభ్యపెడుతున్నారు. బడ్జెట్‌లో చెల్లే మాటలు చెబుతూ, నేరుగా ప్రజలపై భారాన్ని మోపుతున్నారు అని ఆరోపించారు. ప్రస్తుత ఆర్థిక పరిస్థితిని వివరిస్తూ జగన్ మా ఐదేళ్ల పాలనలో 3,32,671 కోట్ల అప్పులు చేసి, వాటిని సంక్షేమానికి వినియోగించాం. కానీ చంద్రబాబు ఒక్క ఏడాదిలోనే 1,37,546 కోట్ల అప్పులు చేసినా, అందులో ప్రజలకు నచ్చే అభివృద్ధి కానరాలేదు అన్నారు. ప్రజల కొనుగోలు శక్తి తీవ్రంగా తగ్గిందని, బరువు ధరలు పెరిగాయని, రైతులు, ఉపాధ్యాయులు, ఉద్యోగులు అంతా తీవ్ర ఆర్థిక ఇబ్బందులు ఎదుర్కొంటున్నారని వివరించారు.

అదేవిధంగా, కరోనా సంక్షోభంలోనూ వైసీపీ ప్రభుత్వం సంక్షేమ కార్యక్రమాలను నిలిపివేయకుండా ముందుకు నడిపిందని గుర్తు చేశారు. ఆపదలోనూ ఆదాయం తగ్గకుండా చూసిన మేము, ఇప్పుడే సాధారణ పరిస్థితుల్లో చంద్రబాబు ఆదాయాన్ని ఎలా పడేసారో ప్రజలు గమనిస్తున్నారు అన్నారు జగన్. అంతేగాక ప్రత్యర్థులపై కక్ష సాధింపు చర్యలు, వంచనలతో కాలం గడిపే ప్రయత్నం తప్ప చంద్రబాబు ప్రభుత్వానికి విశ్వరూప అభివృద్ధిపై దృష్టి లేదని స్పష్టమవుతోంది అని తీవ్ర విమర్శలు చేశారు. రాష్ట్ర ప్రజలు చంద్రబాబు పాలనపై నిపుణంగా గమనిస్తున్నారని, త్వరలోనే అసలైన ప్రజా తీర్పు వెలువడుతుందని జగన్ విశ్వాసం వ్యక్తం చేశారు.

ఉర్సా అనే సంస్థకు బిడ్ లేకుండా రూ.2 వేల కోట్ల విలువైన భూమిని అప్పనంగా కట్టబెట్టారని, అమరావతి పేరుతో దోపిడీ స్కాములకు పరాకాష్టగా నిలిచిందని జగన్ ఆరోపించారు. తాము కూటమి ప్రభుత్వం గురించి ప్రజలకు వాస్తవాలను తెలియజేసే ప్రయత్నం చేస్తున్నామని, తమ యుద్ధం చంద్రబాబుతోనే కాకుండా, చెడిపోయిన ఎల్లో మీడియాతో కూడా అని ఆయన వ్యాఖ్యానించారు. రాష్ట్రంలో లిక్కర్, ఇసుక, క్వార్ట్జ్, మైనింగ్, సిలికా వంటి అన్ని రంగాల్లో మాఫియాలు రాజ్యమేలుతున్నాయని జగన్ ఆరోపించారు. మైనింగ్ నుంచి రాష్ట్రానికి ఒక్క రూపాయి కూడా రావడం లేదు. చంద్రబాబు ప్రైవేట్ వ్యక్తులకు దోచిపెడుతున్నారు. 4 గంటల పీక్ అవర్ కోసమంటూ 24 గంటలకు యూనిట్‌కు రూ.4.60 చొప్పున విద్యుత్ కొనుగోలు ఒప్పందం చేసుకున్నారు. మా హయాంలో రూ.2.49కే విద్యుత్ కొన్నాం, రాష్ట్ర ఖర్చు తగ్గించాం. ఇప్పుడు విద్యుత్ కొనుగోలులోనూ పెద్ద స్కామ్ జరిగింది అని జగన్‌ వివరించారు.

Read Also: PM Modi : ప్రధాని మోడీ చేతుల మీదుగా 103 అమృత్‌ భారత్‌ రైల్వే స్టేషన్ల ప్రారంభం.. తెలంగాణ, ఏపీలో కీలక స్టేషన్లు

Follow us