Ministers: ఏపీ మంత్రుల జాబితా ఇదేనా..! చంద్రబాబు మంత్రివర్గంలో కాబోయే మినిస్టర్స్ వీరేనా..?

Ministers

Ministers: ఆంధ్రప్రదేశ్ ముఖ్యమంత్రిగా తెలుగుదేశం పార్టీ (టీడీపీ) అధినేత చంద్రబాబు నాయుడు నాలుగోసారి బుధవారం ప్రమాణ స్వీకారం చేయనున్నారు. ప్రమాణ స్వీకారోత్సవానికి ప్రధాని నరేంద్ర మోదీ, కేంద్ర హోంమంత్రి అమిత్ షా, కేంద్ర మంత్రులు జేపీ నడ్డా, బండి సంజయ్ కుమార్‌తో పాటు పలువురు నేతలు హాజరుకానున్నారు. ఈ కార్యక్రమంలో పాల్గొనేందుకు అమిత్ షా, జేపీ నడ్డా మంగళవారం సాయంత్రం హైదరాబాద్ చేరుకున్నారు. మంగళవారం తెల్లవారుజామున టీడీపీ, ఎన్డీయే ఎమ్మెల్యేలు చంద్రబాబును తమ నాయకుడిగా ఎన్నుకున్నారు. ఎన్డీయే నేతల అభ్యర్థన మేరకు గవర్నర్‌ ఎస్‌ అబ్దుల్‌ నజీర్‌ నాయుడును ప్రభుత్వ ఏర్పాటుకు ఆహ్వానించారు. అనంతరం ఇక్కడి రాజ్‌భవన్‌లో నజీర్‌ను.. చంద్రబాబు కలిశారు.

పవన్ కళ్యాణ్ డిప్యూటీ సీఎం కావడం ఖాయం

విజయవాడ శివార్లలోని కేసరపల్లిలోని గన్నవరం విమానాశ్రయం ఎదురుగా ఉన్న మేధా ఐటీ పార్క్ దగ్గర ఉదయం 11.27 గంటలకు చంద్రబాబు నాయుడు ప్రమాణ స్వీకారం చేయనున్నారు. చంద్రబాబు నాయుడుతో పాటు జనసేన అధినేత పవన్ కళ్యాణ్, ఇతర నాయకులు కూడా ప్రమాణం చేసే అవకాశం ఉంది. నాదెండ్ల మనోహర్, నారా లోకేష్, టీడీపీ ఆంధ్రప్రదేశ్ అధ్యక్షుడు అచ్చెన్నాయుడు కూడా ప్రమాణం చేసే అవకాశం ఉంది. పవన్ కళ్యాణ్ డిప్యూటీ సీఎం కావడం ఖాయమని భావిస్తున్నారు.

Also Read: Terrorists Attack : కశ్మీర్‌లో మళ్లీ ఉగ్రదాడి.. ఆర్మీ బేస్‌పై కాల్పులు.. ఒకరు మృతి

ఆంధ్రప్రదేశ్ అసెంబ్లీలో 175 సీట్లు ఉన్నాయి. దీని ప్రకారం కేబినెట్‌లో సీఎం సహా 26 మంది మంత్రులు ఉండవచ్చు. అయితే చంద్రబాబుతో సహా 25 మంది మంత్రులు (Ministers) ప్రమాణం చేసే అవకాశం ఉంది. చంద్రబాబు 28 ఏళ్ల వయసులో తొలిసారి ఎమ్మెల్యే అయ్యారు. 30 ఏళ్లకే మంత్రి అయ్యారు. 45 ఏళ్ల వయసులో తొలిసారి, ఇప్పుడు 74 ఏళ్ల వయసులో నాలుగోసారి సీఎం కాబోతున్నారు.

We’re now on WhatsApp : Click to Join

మంత్రుల జాబితా

1. చంద్రబాబు నాయుడు
2. పవన్ కళ్యాణ్ (JSP)
3. నారా లోకేష్
4. కింజరాపు అచ్చెన్నాయుడు
5. కొల్లు రవీంద్ర
6. నాదెండ్ల మనోహర్ (JSP)
7. పి. నారాయణ
8. వంగలపూడి అనిత
9. సత్యకుమార్ యాదవ్ (బీజేపీ)
10. నిమ్మల రామానాయుడు
11. NMD ఫరూఖ్
12. ఆనం రాంనారాయణరెడ్డి
13. పయ్యావుల కేశవ్
14. అనగాని సత్యప్రసాద్
15. కొలుసు పార్థసారధి
16. డోలా బాలవీరాంజనేయస్వామి
17. గొట్టిపాటి రవి
18. కందుల దుర్గేష్ (JSP)
19. గుమ్మడి సంధ్యారాణి
20. బీసీ జనార్థన్ రెడ్డి
21. TG భరత్
22. ఎస్ సవిత
23. వాసంశెట్టి సుభాష్
24. కొండపల్లి శ్రీనివాస్
25. రామ్ ప్రసాద్ రెడ్డి

పైన పేర్కొన్న నాయకులు ఈరోజు మంత్రులుగా ప్రమాణ స్వీకారం చేసే అవకాశం ఉందని సోషల్ మీడియాలో వైరల్ అవుతుంది. అయితే ఈ వైరల్ అవుతున్న లిస్ట్ లో జనసేన పార్టీకి మూడు మంత్రి పదవులు లభిస్తుండగా.. బీజేపీకి ఒక మంత్రి పదవి లభిస్తున్నట్లు తెలుస్తుంది. టీడీపీ సీనియర్ నాయకులకు ఈ లిస్టులో చోటు దక్కలేదు. వారిలో అయ్యన్నపాత్రుడు, బుచ్చయ్య చౌదరి, రఘురామ కృష్ణరాజు పేర్లు లేకపోవడం గమనార్హం.

Follow us