AP Forest Department : ఏపీ అటవీశాఖలో ఉద్యోగాలకు నోటిఫికేషన్

AP Forest Department : ఆంధ్రప్రదేశ్ రాష్ట్రంలో కొత్తగా అధికారంలోకి వచ్చిన కూటమి ప్రభుత్వం ఉద్యోగ నియామకాలపై ప్రత్యేక దృష్టి సారిస్తోంది. ఇప్పటికే పలు ప్రభుత్వ శాఖల్లో ఖాళీగా ఉన్న పోస్టుల భర్తీకి సంబంధించి నోటిఫికేషన్లు వెలువడుతున్నాయి. ఈ క్రమంలో తాజాగా అటవీ శాఖలో ఖాళీగా ఉన్న పోస్టుల భర్తీకి ఆంధ్రప్రదేశ్ పబ్లిక్ సర్వీస్ కమిషన్ (APPSC) నోటిఫికేషన్ విడుదల చేసింది. ఈ నోటిఫికేషన్ ప్రకారం, మొత్తం 691 పోస్టులను భర్తీ చేయనున్నారు. ఇందులో ఫారెస్ట్ బీట్ ఆఫీసర్ (Forest Beat Officer – FBO) మరియు అసిస్టెంట్ బీట్ ఆఫీసర్ (Assistant Beat Officer – ABO) ఉద్యోగాలున్నాయి. అటవీ శాఖలో పనిచేయాలనుకునే యువతకు ఇది మంచి అవకాశం. అర్హత కలిగిన అభ్యర్థులు ఈ పోస్టులకు జూలై 16వ తేదీ నుంచి ఆగస్టు 5వ తేదీ వరకు దరఖాస్తు చేసుకోవచ్చు. దరఖాస్తు ప్రక్రియ పూర్తిగా ఆన్‌లైన్ విధానంలో నిర్వహించబడుతుంది.

Read Also: Shooting Incident : మలక్ పేటలో సీపీఐ లీడర్ పై గుర్తుతెలియని వ్యక్తులు కాల్పులు

ఈ పోస్టులకు దరఖాస్తు చేసుకోవాలంటే అభ్యర్థులు ప్రభుత్వంగా గుర్తింపు పొందిన ఇంటర్మీడియట్ లేదా దానికి సమానమైన అర్హత కలిగి ఉండాలి. అలాగే, ఎంపిక ప్రక్రియలో రాత పరీక్షతో పాటు ఫిజికల్ టెస్ట్ (దేహదారుఢ్య పరీక్ష) కూడా ఉంటుందని అధికారులు తెలిపారు. ఆయా పరీక్షల్లో అర్హత సాధించిన అభ్యర్థులకే నియామక అవకాశముంటుంది. దరఖాస్తుదారులు తమ విద్యార్హతలు, వయస్సు, ఫిజికల్ ప్రమాణాలు మరియు ఇతర మినహాయింపుల వివరాలను అధికారిక నోటిఫికేషన్ ద్వారా తెలుసుకోవచ్చు. ఇందుకోసం అభ్యర్థులు APPSC అధికారిక వెబ్‌సైట్ అయిన https://psc.ap.gov.in సందర్శించాలని సూచిస్తున్నారు. ఈ నియామకాల ద్వారా అడవుల సంరక్షణకు కీలకంగా పని చేసే మానవ వనరుల సంఖ్యను పెంచి, వన్యప్రాణుల సంరక్షణ, అడవుల పునరుద్ధరణకు ప్రభుత్వం తోడ్పాటునివ్వాలని భావిస్తోంది. రాష్ట్రవ్యాప్తంగా నిరుద్యోగ యువతకు ఇది ఒక అద్భుత అవకాశం కావడంతో, అధిక సంఖ్యలో దరఖాస్తులు వచ్చే అవకాశం ఉంది. ఈ నోటిఫికేషన్ ద్వారా ఉద్యోగ ఆశావహులకు మరోసారి ప్రభుత్వ రంగంలో చేరే అవకాశమొచ్చింది. ఆసక్తి ఉన్న అభ్యర్థులు గడువులోపు అప్లై చేసుకోవాలని సూచిస్తున్నారు.

ఉద్యోగాలు.. పోస్టులు, అర్హత, చివరితేదీ వివరాలివే..

. మొత్తం పోస్టులు: 691 (ఫారెస్ట్ బీట్ ఆఫీసర్: 256, అసిస్టెంట్ బీట్ ఆఫీసర్: 435)
. అర్హతలు: ఇంటర్మీడియట్ లేదా తత్సమాన విద్యార్హత కలిగి ఉండాలి.
. వయోపరిమితి: 18 నుండి 30 సంవత్సరాల మధ్య ఉండాలి (వయస్సు సడలింపు ప్రభుత్వ నిబంధనల ప్రకారం వర్తిస్తుంది).
. ఎంపిక విధానం: స్క్రీనింగ్ టెస్ట్, మెయిన్స్ పరీక్ష, శారీరక కొలతలు (Physical Measurement   Test), నడక పరీక్ష (Walking Test) ఆధారంగా ఎంపిక చేస్తారు.
.వేతనం: ఫారెస్ట్ బీట్ ఆఫీసర్ పోస్టులకు రూ. 25,220 – 80,910, అసిస్టెంట్ బీట్ ఆఫీసర్ .     . .పోస్టులకు రూ. 20,000 – 70,000 వరకు వేతనం ఉంటుంది.
. దరఖాస్తు విధానం: ఆన్‌లైన్ ద్వారా మాత్రమే దరఖాస్తు చేసుకోవాలి.
. దరఖాస్తు ప్రారంభ తేదీ: జూలై 16, 2025
. దరఖాస్తు చివరి తేదీ: ఆగస్టు 5, 2025 (అర్ధరాత్రి 11:59 వరకు)
. అభ్యర్థులు మరింత సమాచారం కోసం, దరఖాస్తు చేసుకోవడానికి APPSC అధికారిక వెబ్‌సైట్ https://psc.ap.gov.in ను సందర్శించాలి.

Read Also: Anderson-Tendulkar Trophy : రిషబ్ పంత్ రనౌట్ ఇంగ్లాండ్ కు కలిసొచ్చింది – శుభ్‌మన్