Congo Unknown illness: కాంగో దేశంలో విస్తరిస్తున్న వింత వ్యాధి.. 50కి పైగా మరణాలు!
దాదాపు 80% మంది రోగులు జ్వరం, చలి, శరీర నొప్పులు, అతిసారం వంటి లక్షణాలను క‌లిగి ఉన్నారు. రోగులు మెడ, కీళ్లలో నొప్పి, చెమట, శ్వాస తీసుకోవడంలో ఇబ్బంది వంటి లక్షణాలను కూడా క‌లిగి ఉన్నారు.
- By Gopichand Published Date - 05:03 PM, Thu - 27 February 25
Congo Unknown illness: ఐదు వారాల్లో 50 మందికి పైగా మరణించడం వాయువ్య కాంగోలోని ఈక్వేటర్ ప్రావిన్స్‌లో భయాందోళనలకు కారణమైంది. చాలా మంది అస్వస్థతకు (Congo Unknown illness) గురైన గంటల్లోనే మరణించారు. మరణించిన రోగులలో చాలామందికి ఒక సాధారణ లక్షణం ఉంది. రెండు చోట్ల ఈ కేసులు నమోదయ్యాయి. అధికారులు ఇప్పుడు అనారోగ్యానికి కారణాన్ని పరిశోధిస్తున్నారు. బోలోకో, బోమెట్ అనే రెండు ప్రదేశాల నుండి నివేదించబడిన కేసులకు సంబంధం ఉందా లేదా అని కనుగొంటున్నారు.
గబ్బిలాలు తిన్న 48 గంటల్లోనే ముగ్గురు పిల్లలు మరణించిన బోలోకోలో మొదటి కేసు నమోదైంది. అదే సమయంలో బోమటెలో 400 మందికి పైగా అస్వస్థతకు గురయ్యారు. విచారణలో కొందరిలో మలేరియా ఉన్నట్లు గుర్తించారు. బికోరోలోని ఒక ఆసుపత్రికి చెందిన వైద్యుడు తెలిపిన వివరాల ప్రకారం.. మొదటి స్థానంలో చాలా మరణాలు సంభవించిన ఈ విషయాన్ని దర్యాప్తు చేస్తున్నామని తెలిపారు. ఇదే సమయంలో మరొక ప్రదేశంలో మలేరియా కేసులను కనుగొన్నట్లు పేర్కొన్నారు.
Also Read: Rohit- Gill: టీమిండియాకు బ్యాడ్ న్యూస్‌.. ఇద్ద‌రు స్టార్ ఆట‌గాళ్ల‌కు అస్వ‌స్థ‌త!
లక్షణాలు ఏమిటి?
కాంగో ఆరోగ్య మంత్రిత్వ శాఖ ప్రకారం.. దాదాపు 80% మంది రోగులు జ్వరం, చలి, శరీర నొప్పులు, అతిసారం వంటి లక్షణాలను క‌లిగి ఉన్నారు. రోగులు మెడ, కీళ్లలో నొప్పి, చెమట, శ్వాస తీసుకోవడంలో ఇబ్బంది వంటి లక్షణాలను కూడా క‌లిగి ఉన్నారు. 59 సంవత్సరాల కంటే తక్కువ వయస్సు ఉన్నవారు తీవ్రమైన దాహాన్ని అనుభవించారు. పిల్లలు నిరంతరం ఏడుస్తున్నట్లు వైద్యులు గుర్తించారు. మొదట్లో ఎబోలా లాంటి జ్వరమే వేగవంతమైన మరణానికి కారణమని అనుమానించారు. అయితే ఇది దర్యాప్తులో ఎబోలా కాద‌ని క‌నుగొన్నారు.
WHO కూడా పని చేస్తోంది
WHO కూడా ఈ వ్యాధిపై పని చేస్తోంది. మలేరియా, వైరల్ ఫీవర్, ఫుడ్ లేదా వాటర్ పాయిజనింగ్, టైఫాయిడ్ జ్వరం, మెనింజైటిస్ వంటి ఇతర కారణాలను పరిశీలిస్తోంది. ఫిబ్రవరి 14న ఈ వైరల్ వ్యాధిని పరిశోధించడానికి, దాని వ్యాప్తిని నివారించడానికి కాంగో ప్రభుత్వం బాధిత ప్రాంతాలకు నిపుణుల బృందాన్ని పంపింది.
నివేదికల ప్రకారం.. బోలోకోలో మొదటి బాధితులు గబ్బిలాలు తిన్న పిల్లలు. దీని తర్వాత జూనోటిక్ ట్రాన్స్మిషన్ గురించి ప్రజల్లో ఆందోళన నెలకొంది. ఈ సందర్భంలో వ్యాధి జంతువుల నుండి మానవులకు వ్యాపిస్తుంది. ఇదే సమయంలో గత దశాబ్దంలో ఆఫ్రికాలో ఇటువంటి కేసులు 60% పెరిగాయని WHO చెబుతోంది. అటవీ ప్రాంతాలలో వన్యప్రాణులతో మానవులకు ఎక్కువ పరిచయం ఉండటమే దీనికి ఒక కారణం.
