Nikki Haley: అమెరికా అధ్యక్ష బరిలో భారత సంతతి మహిళ..?

అమెరికా అధ్యక్షుడు జోబైడెన్ (US President Joe Biden) రహస్య పత్రాల కేసులో ఆరోపణలు ఎదుర్కొంటున్న విషయం తెలిసిందే. దీంతో 2024 ఎన్నికలపై అప్పుడే చర్చ మొదలయింది. తాను అధ్యక్ష అభ్యర్థిగా బరిలో దిగనున్నట్లు రిపబ్లికన్ పార్టీ నేత, భారతీయ- అమెరికన్ అయిన నిక్కీ హెలీ (Nikki Haley) హింట్ ఇచ్చారు. అమెరికాను కొత్త బాటలో నడిపించగలనని, తాను రేసులో ఎప్పుడూ ఓడిపోలేదని, ఇకపై ఓడిపోనని అన్నారు. బైడెన్ మరోసారి బరిలో నిలిచే అవకాశం లేదని అన్నారు. రిపబ్లికన్ పార్టీకి చెందిన ప్రముఖ నాయకురాలు నిక్కీ హేలీ మాట్లాడుతూ.. జోబైడెన్ రెండోసారి అమెరికా అధ్యక్షుడిగా కొనసాగే అవకాశం ఉండకపోవచ్చు. దేశాన్ని కొత్త దిశలో తీసుకెళ్లగల ‘కొత్త నాయకురాలు’ అని తాను భావిస్తున్నానని నిక్కీ హేలీ చెప్పారు.

ఇటీవల.. ఫాక్స్ న్యూస్‌కి ఇచ్చిన ఇంటర్వ్యూలో మాజీ సౌత్ కరోలినా గవర్నర్, ఐక్యరాజ్యసమితిలో యుఎస్ రాయబారి అయిన హేలీ తాను ఇంకా అధ్యక్ష ఎన్నికల కోసం పనిచేస్తున్నట్లు చెప్పారు. 51 ఏళ్ల భారతీయ-అమెరికన్ నాయకురాలు అధ్యక్ష పదవికి పోటీ చేయబోతున్నారా అని అడిగినప్పుడు.. “నేను ఇక్కడ ఎటువంటి ప్రకటన చేయబోవడం లేదు” అని ఆమె అన్నారు. అయితే, ఇంటర్వ్యూలో హేలీ యునైటెడ్ స్టేట్స్ కొత్త నాయకురాలు కావచ్చని సూచించింది.

Also Read: 5 Killed : జ‌మ్ము కాశ్మీర్‌లో ఘోర రోడ్డు ప్ర‌మాదం.. 5గురు మృతి

2018 అక్టోబరులో ట్రంప్ పరిపాలన నుండి వైదొలిగిన హేలీ, గవర్నర్, అంబాసిడర్‌గా తాను గొప్ప పని చేశానని చెప్పారు. నిరుద్యోగంతో పోరాడుతున్న రాష్ట్రాన్ని గవర్నర్‌గా నేను సవాల్‌గా స్వీకరించి ఉత్తమ రాష్ట్రంగా తీర్చిదిద్దాను. అంబాసిడర్‌గా అగౌరవపరిచేందుకు ప్రయత్నించినప్పుడు నేను ప్రపంచం దృష్టికి తీసుకువెళ్లాను. ఐక్యరాజ్యసమితిలో నా సత్తా ఏమిటో చూపించాను అన్నారు. నేను ఎన్నడూ రేసులో ఓడిపోలేదు. అప్పుడే చెప్పాను. ఇప్పటికీ అదే చెబుతున్నాను. నేను ఇక ఓడిపోను అని అన్నారు.

పార్టీలో కొత్త నాయకత్వాన్ని తీసుకురావాల్సిన సమయం ఆసన్నమైందన్నారు. అధ్యక్ష పదవికి పోలైన ఎనిమిది ప్రజాదరణ పొందిన ఓట్లలో చివరి ఏడు ఓట్లను కోల్పోయాము. ఎనిమిది మంది రిపబ్లికన్లలో ఏడుగురు ఓడిపోయారు. ఏదో సరిగ్గా లేదు. కాబట్టి మనం తెలుసుకోవలసిన పరిష్కారాల గురించి మాట్లాడగల ఎక్కువ మందిని మా పార్టీలోకి తీసుకురాగల కొత్త తరం వ్యక్తులను తీసుకురావడానికి ఇది సమయం అని నేను భావిస్తున్నాను అని ఆమె అన్నారు. ఇంటర్వ్యూలో డెమొక్రాట్ అధ్యక్షుడు బైడెన్‌కు రెండవసారి పదవి ఇవ్వకూడదని హేలీ పేర్కొన్నారు. 80 ఏళ్ల బైడెన్ అమెరికాకు అత్యంత వృద్ధ అధ్యక్షుడు. నేను ఎన్నికల్లో పోటీ చేస్తే జో బైడెన్‌పై పోటీ చేస్తానని అన్నారు. జో బైడెన్‌కు రెండవసారి పదవి ఇవ్వకూడదు. నేను దానిపై దృష్టి పెడుతున్నాను అని అన్నారు. అమెరికాలో తదుపరి అధ్యక్ష ఎన్నికలు నవంబర్ 5, 2024న జరగనున్నాయి.

డొనాల్డ్ ట్రంప్ మళ్లీ అధ్యక్ష పదవికి పోటీ చేయాలని నిర్ణయించుకుంటే తాను కూడా పోటీ చేస్తారా లేదా అనేది హేలీ స్పష్టం చేయలేదు. అతనితో నాకు మంచి వర్కింగ్ రిలేషన్ షిప్ ఉంది అన్నారు. మేము కలిసి పనిచేసిన అన్ని విదేశాంగ విధాన సమస్యలను నేను అభినందిస్తున్నాను అన్నారు. అమెరికా భవిష్యత్తును పరిశీలిస్తే కొత్త తరం మార్పుకు ఇది సమయం అని నేను భావిస్తున్నాను అని హెలీ అన్నారు.