Donald Trump: ప్రపంచంలోనే గొప్ప అధ్యక్షుడిని కావాలని అనుకుంటున్నా: ట్రంప్‌

Donald Trump: “నేను ఇప్పటికే అధ్యక్షుడిని అయ్యాను. కానీ ఇప్పుడు నేను ప్రపంచంలోనే గొప్ప అధ్యక్షుడిని కావాలని అనుకుంటున్నాను. ఇది నా కల. దానిని నెరవేర్చడానికి నేను అన్ని ప్రయత్నాలు చేస్తాను” అని అమెరికా అధ్యక్షుడు డొనాల్డ్ ట్రంప్ (Donald Trump) అన్నారు. ఈ మాటలు తన మనవరాలు కై ట్రంప్ అడిగిన ప్రశ్నకు సమాధానంగా చెప్పారు. “నెరవేర్చుకోవాలనుకుంటున్న కలలు మీకు ఇంకా ఏమైనా ఉన్నాయా?” అని కై ఆయనను అడిగింది. కై తన యూట్యూబ్ ఛానెల్‌ను ప్రారంభించింది. మొదటి ఇంటర్వ్యూగా తన తాత డొనాల్డ్ ట్రంప్‌తో చేసిన సంభాషణను అప్‌లోడ్ చేసింది.

గోల్ఫ్ ఆడుతూ ప్రశ్నలు అడిగిన కై

కై ట్రంప్ కొత్త యూట్యూబ్ సిరీస్ ‘1 ఆన్ 1 విత్ కై’ ప్రారంభమైంది. దీనిలో మొదటి వీడియో డొనాల్డ్ ట్రంప్‌తో చేసిన ఇంటర్వ్యూ. 18 ఏళ్ల కై.. తన తాత డొనాల్డ్ ట్రంప్‌ను ఆయన గోల్ఫ్ కోర్సులో గోల్ఫ్ ఆడుతూ ప్రశ్నలు అడిగింది. ఆయన కలల గురించి తెలుసుకుంది. ఒక ప్రశ్నకు సమాధానంగా ట్రంప్ నవ్వుతూ.. అధ్యక్షుడిగా మారడం తన కల అని, అది నెరవేరిందని, కానీ ఇప్పుడు గొప్ప అధ్యక్షుడిగా మారడమే తన లక్ష్యమని అన్నారు. వైట్ హౌస్ తమ మనవరాలు కైతో ట్రంప్ మాట్లాడిన క్లిప్‌ను సోషల్ మీడియాలో షేర్ చేసింది.

Also Read: Gang Rape Case: మెడికల్ కాలేజీ విద్యార్థినిపై సామూహిక అత్యాచారం.. ముగ్గురు అరెస్ట్‌!

2017లో తొలిసారి అధ్యక్షుడయ్యారు

డొనాల్డ్ జె. ట్రంప్ 2017లో అమెరికాకు 45వ అధ్యక్షుడిగా ఎన్నికయ్యారు. ఆయన పదవీకాలం 2021 వరకు కొనసాగింది. తన మొదటి పదవీకాలంలో అధ్యక్షుడు ట్రంప్ ‘అమెరికా ఫస్ట్’ పాలసీలో భాగంగా ట్యాక్స్ కట్స్ అండ్ జాబ్స్ చట్టాన్ని అమలు చేయడం ద్వారా పన్నులను తగ్గించారు. చైనాతో వాణిజ్య యుద్ధాన్ని ప్రారంభించారు. ఇరాన్‌ను అణు ఒప్పందం నుండి ఉపసంహరించారు. అబ్రహాం ఒప్పందాన్ని కుదుర్చుకోవడం ద్వారా మధ్యప్రాచ్య దేశాలలో శాంతిని స్థాపించారు. అయితే ఆయన మొదటి పదవీకాలంలోనే కరోనా మహమ్మారి విస్తరించింది.

అనంతరం 2024లో డొనాల్డ్ ట్రంప్ మళ్లీ అధ్యక్ష ఎన్నికల్లో విజయం సాధించి జనవరి 20, 2025న రెండోసారి అధ్యక్ష పదవి ప్రమాణ స్వీకారం చేశారు. ఆయన రెండవ పదవీకాలం జనవరి 20, 2029 వరకు కొనసాగనుంది. ఈ పదవీకాలంలో మొదటి 8 నెలల్లోనే ఆయన టారిఫ్‌లు విధించడం ద్వారా ప్రపంచవ్యాప్తంగా వాణిజ్య యుద్ధాన్ని ప్రారంభించారు.