Israel-Syria : ఇజ్రాయెల్-సిరియా ఘర్షణలపై తెరదించనున్న కాల్పుల విరమణ ఒప్పందం

Israel, Syria

Israel-Syria : ఇజ్రాయెల్ – సిరియా మధ్య కొనసాగుతున్న ఉద్రిక్తతలు, సైనిక ఘర్షణలు శుక్రవారం కొత్త మలుపు తిరిగాయి. అమెరికా రాయబారి టామ్ బారక్ తాజా ప్రకటన ప్రకారం, ఇరుదేశాల నాయకులు ఇటీవల జరిగిన భారీ దాడుల అనంతరం చివరకు కాల్పుల విరమణ (Ceasefire)కు అంగీకరించారు. ఈ కీలక ఒప్పందానికి టర్కీ, జోర్డాన్ దేశాలు మద్దతు తెలపడం గమనార్హం. ఈ ఒప్పందం ద్వారా ఇరుదేశాలు ఒకరికొకరు సైనిక దాడులు ఆపి, శాంతి దిశగా ముందుకు వెళ్లే నిర్ణయం తీసుకున్నట్లు తెలుస్తోంది.

ఈ కాల్పుల విరమణ ఒప్పందం ఇజ్రాయెల్ ప్రధానమంత్రి బెంజమిన్ నేతన్యాహు – సిరియాలో తాజాగా అధికారంలోకి వచ్చిన కొత్త నాయకుడు అహ్మద్ అల్-షరా మధ్య కుదిరిందని టామ్ బారక్ వెల్లడించారు. ఇరువురి మధ్య జరిగిన చర్చల ఫలితంగా ఈ నిర్ణయం తీసుకున్నారని, అంతర్జాతీయ వర్గాలు ఈ ఒప్పందాన్ని స్వాగతించాయని సమాచారం.

Pumpkin Seeds Benefits : గుమ్మడి గింజల వల్ల కలిగే లాభాలు తెలిస్తే అస్సలు వదిలిపెట్టారు..!!

అమెరికా రాయబారి టామ్ బారక్ సామాజిక మాధ్యమం ట్విటర్ (X) ద్వారా ప్రత్యేక పిలుపునిచ్చారు. సిరియాలోని డ్రూజ్, బెడౌయిన్, సున్నీలు – ఇతర మైనారిటీ వర్గాలను ఉద్దేశించి ఆయన ఇలా అన్నారు: “ఆయుధాలను విసరండి, యుద్ధాన్ని ఆపండి. సిరియాలో శాంతి, ఐక్యతతో కొత్త గుర్తింపు సృష్టిద్దాం.”

ఇటీవల ఇజ్రాయెల్ బుధవారం సిరియా రాజధాని దమాస్కస్పై భారీ వైమానిక దాడులు జరిపింది. ఈ దాడుల్లో సిరియా సైనిక ప్రధాన కార్యాలయం సహా కొన్ని కీలక సైనిక కేంద్రాలు లక్ష్యంగా మారాయి.
ఈ దాడులకు కారణం ఏమిటంటే – సిరియాలోని స్వైదా ప్రాంతంలో డ్రూజ్, బెడౌయిన్ వర్గాల మధ్య తీవ్రమైన ఘర్షణలు చోటు చేసుకోవడమే. ఈ ఘర్షణల్లో డ్రూజ్ సముదాయం ప్రమాదంలో ఉందని భావించిన ఇజ్రాయెల్, వారిని రక్షించేందుకు సైనిక చర్య చేపట్టినట్లు పేర్కొంది.

ఇప్పటి వరకు ఇజ్రాయెల్-సిరియా సంబంధాలు అనేక సార్లు ఘర్షణలతో ముదురగా మారాయి. అయితే ఈ సరికొత్త కాల్పుల విరమణ ఒప్పందం శాంతి దిశగా మొదటి అడుగు కావచ్చని అంతర్జాతీయ వర్గాలు అంచనా వేస్తున్నాయి. టర్కీ, జోర్డాన్ వంటి దేశాలు మధ్యవర్తిత్వం చేయడం వల్ల భవిష్యత్తులో మరింత శాంతియుత చర్చలు జరగవచ్చని ఆశాభావం వ్యక్తమవుతోంది.

Cranberries : ఆరోగ్యానికి క్రాన్‌బెర్రీలు..ఇవి తిన‌డం వ‌ల్ల ఎన్ని లాభాలు ఉన్నాయో తెలుసా..?

Follow us