China: ఉత్తరాఖండ్‌లోని ఎల్‌ఏసీకి 11 కిలోమీటర్ల దూరంలో చైనా రక్షణ గ్రామాల నిర్మాణం

China: లడఖ్‌, అరుణాచల్‌ప్రదేశ్‌ తర్వాత భారత్‌కు చైనా (China) నుంచి నిరంతరం ముప్పు పొంచి ఉంది. ఇప్పుడు ఉత్తరాఖండ్‌లో కూడా చైనా (China) నిర్మాణం గురించి వార్తలు వస్తున్నాయి. ఉత్తరాఖండ్ సరిహద్దులో చైనా గ్రామాలను నిర్మిస్తోందని చెబుతున్నారు. దీనితో పాటు చైనాలోని ఈ గ్రామాలు సరిహద్దుకు చాలా దగ్గరగా ఉన్నాయని, భారత సరిహద్దు నుండి వాటి దూరం కేవలం 11 కిమీ మాత్రమే అని కూడా సమాచారం. భవిష్యత్తులో కూడా ఇలాంటి నిర్మాణాలు చేపట్టాలని చైనా యోచిస్తోంది. అంతకుముందు లడఖ్, అరుణాచల్ సమీపంలో కూడా చైనా నిర్మాణాన్ని ప్రారంభించింది.

సరిహద్దులో చైనా ఓ గ్రామాన్ని నిర్మిస్తోంది

ఇండియా టుడే నివేదిక ప్రకారం. చైనా ఉత్తరాఖండ్ సరిహద్దులో దాదాపు 55-56 ఇళ్లను నిర్మించింది. అయితే వాటి దూరం దాదాపు 35 కిలోమీటర్లు. ఈ గ్రామాలన్నీ పీపుల్స్ లిబరేషన్ ఆర్మీ (PLA) పర్యవేక్షణలో ఉన్నాయి. దీంతోపాటు గ్రామ సరిహద్దు నుంచి దాదాపు 11 కి.మీ.ల దూరంలో ఏర్పాటు చేయడం ప్రారంభించారు. నివేదిక ప్రకారం.. సరిహద్దుకు ఆనుకుని ఉన్న తూర్పు సెక్టార్‌లో 400 గ్రామాలను ఏర్పాటు చేయాలని చైనా యోచిస్తోంది. దీని కారణంగా చైనా సరిహద్దులో తన చొరబాటును బలోపేతం చేయాలని చూస్తుంది.

వలసల కారణంగా గ్రామాలు ఖాళీ అవుతున్నాయి

ఉత్తరాఖండ్ చైనాతో దాదాపు 350 కిలోమీటర్ల సరిహద్దును పంచుకుంటుంది. ఉత్తరాఖండ్‌లో గత కొన్ని సంవత్సరాలుగా వలసలు వేగంగా పెరుగుతున్నాయి,. ఉపాధి, కనీస సౌకర్యాల కొరత కారణంగా సరిహద్దు గ్రామాలు నిరంతరం ఖాళీ అవుతున్నాయి. దీని నష్టాన్ని భారత్ వ్యూహాత్మకంగా భరించాల్సి రావచ్చు. దీనికి విరుద్ధంగా సరిహద్దు సమీపంలో తన ప్రజలను స్థిరపరచడానికి చైనా నిరంతరం కృషి చేస్తోంది. చైనాలోని ఈ గ్రామాలు అన్ని సౌకర్యాలతో కూడి ఉన్నాయి. అయితే చైనా సరిహద్దులకు ఆనుకుని ఉన్న గ్రామాల్లోని ప్రజలకు పునరావాసం కల్పించేందుకు భారత్ వైపు నుంచి కూడా నిరంతర ప్రయత్నాలు జరుగుతున్నాయి.

Also Read: Disease X: ‘డిసీజ్ X’ అంటే ఏమిటి..? మరింత ప్రాణాంతకమైన మహమ్మారిని కలిగిస్తుందా? WHO ఏం చెప్పిందంటే..?

6 కి.మీ పొడవైన సొరంగం తయారీకి సన్నాహాలు

వార్తా సంస్థ పిటిఐ తన నివేదికలో సీనియర్ BRO అధికారిని ఉటంకిస్తూ సరిహద్దులో 6 కిలోమీటర్ల పొడవైన సొరంగం నిర్మించడానికి భారతదేశం సిద్ధమవుతోందని పేర్కొంది. లిపులేఖ్ పాస్ చివరి సరిహద్దు పోస్ట్‌ను చేరుకోవడానికి మార్గాన్ని సులభతరం చేయడానికి ఉత్తరాఖండ్‌లోని ఘటియాబాగర్-లిపులేఖ్ రహదారిపై బుండి, గర్బియాంగ్ మధ్య ఈ ఆరు కిలోమీటర్ల పొడవైన సొరంగం నిర్మించబడుతుంది. ప్రస్తుతం దీనికి సంబంధించి సర్వే జరుగుతోంది. దాదాపు రెండు వేల కోట్ల రూపాయలతో ఈ ప్రాజెక్టు వచ్చే నాలుగు-ఐదేళ్లలో ప్రారంభం కానుంది.

బోర్డర్ రోడ్స్ ఆర్గనైజేషన్ (BRO) అధికారి ప్రకారం.. 2020లో పూర్తయిన సరిహద్దు రహదారిని ఈ రోజుల్లో బ్లాక్ టాప్, డబుల్ లేన్‌గా చేస్తున్నారు. డబుల్ లేన్ పనులు చాలా వరకు పూర్తయ్యాయి. అంటే చైనాతో తలపడేందుకు భారత్ కూడా అన్ని రంగాల్లోనూ సిద్ధమవుతున్నది.