24 Dead: కొండపై నుండి పడిపోయిన బస్సు.. 24 మంది దుర్మరణం

దక్షిణ అమెరికా ఖండంలోని పెరూ (Peru)లో ఘోర రోడ్డు ప్రమాదం జరిగింది. ఇక్కడ వాయువ్య పెరూలో ఒక బస్సు కొండపై నుండి పడిపోయింది. ఈ బస్సులో 60 మంది ప్రయాణికులు ఉండగా అందులో 24 మంది (24 Dead) మరణించారు. కరీబియన్ దేశం హైతీకి చెందిన వారు కూడా పెద్ద సంఖ్యలో బస్సులో ఉన్నారని చెబుతున్నారు. ‘డెవిల్స్ కర్వ్’గా పిలిచే ఆ మలుపులో బస్సు ప్రమాదానికి గురిఅయ్యింది. శనివారం తెల్లవారుజామున 5 గంటలకు ఈ ప్రమాదం జరిగింది. ప్రాథమిక విచారణ ప్రకారం బస్సు రోడ్డుపై అదుపు తప్పి 160 అడుగుల లోతున ఉన్న లోయలో పడి ఉండొచ్చని భావిస్తున్నట్లు పోలీసులు తెలిపారు. ప్రమాదంపై పోలీసులు విచారణ జరుపుతున్నారు. క్షతగాత్రులను ఆసుపత్రిలో చేర్పించారు.

Also Read: 5 Dead: విషాద ఘటన.. రక్షించడానికి వెళ్లి ఐదుగురు దుర్మరణం

కొరియాంకా టూర్స్ కంపెనీ బస్సు లిమా నుండి బయలుదేరి ఈక్వెడార్ సరిహద్దులోని టుంబేస్‌కు వెళ్తోందని పోలీసులు తెలిపారు. అప్పుడు ఈ బస్సు ఆర్గానోస్ నగరం సమీపంలో రోడ్డు దిగి కొండపై పడిపోయింది. ‘డెవిల్స్ కర్వ్’గా పిలిచే ప్రమాదకరమైన ప్రదేశంలో ప్రమాదం జరిగిందని ఘటనాస్థలంలో ఉన్న పోలీసులు స్థానిక మీడియాకు తెలిపారు. గాయపడిన ప్రయాణికులను చికిత్స కోసం ఎల్ ఆల్టో, లిమాకు ఉత్తరాన ఉన్న మాన్‌కోరాలోని ప్రసిద్ధ రిసార్ట్‌లలోని ఆసుపత్రులకు తీసుకెళ్లారు. పెరూలో హైతీ వలసదారుల సంఖ్య పెరుగుతోందని, అందువల్ల బస్సులోని కొంతమంది ప్రయాణికులు హైతీకి చెందినవారని పోలీసులు చెప్పారు. ప్రమాదం ఎంత ఘోరంగా జరిగిందో ప్రమాదం జరిగిన తర్వాత బయటకు వచ్చిన చిత్రాలలో స్పష్టమవుతోంది. బస్సు బోల్తా పడడం, మృతదేహాలు చెల్లాచెదురుగా పడి ఉండడం చిత్రాల్లో కనిపిస్తోంది.