Israel-Hamas war: హమాస్ స్వాతంత్ర యోధులు అంటున్న పోర్న్ స్టార్

Israel-Hamas war: ఇజ్రాయెల్-పాలస్తీనా యుద్ధ సమయంలో ప్రముఖ పోర్న్ స్టార్ మియా ఖలీఫా వివాదంలో చిక్కుకుంది. పాలస్తీనాకు మద్దతుగా పోస్ట్ చేయడంతో కెనడాకు చెందిన ఓ కంపెనీ ఆమెతో తన వ్యాపార ఒప్పందాన్ని రద్దు చేసుకుంది. అంతేకాకుండా, మియా పోస్ట్‌పై చాలా మంది నెటిజన్లు తమ అసంతృప్తిని వ్యక్తం చేస్తున్నారు. ఇజ్రాయెల్‌పై హమాస్ ఉగ్రవాదులు కృరమైన దాడులకు పాల్పడ్డారు. ఈ యుద్ధంలో వందలాది మంది సాధారణ పౌరులు ప్రాణాలు కోల్పోతున్న సంగతి తెలిసిందే.

ఇజ్రాయెల్‌పై దాడి చేస్తున్న హమాస్ దళాలను స్వాతంత్య్ర సమరయోధులుగా అభినందిస్తూ మియా ఖలీఫా ఎక్స్ లో పోస్ట్ చేసింది. ఇది కాస్త వివాదాస్పదంగా మారింది. ఎంతగా అంటే కెనడియన్ బ్రాడ్‌కాస్టర్ మరియు రేడియో హోస్ట్ టాడ్ షాపిరో మియా ఖలీఫాను వ్యాపార ఒప్పందం నుండి తొలగించారు.

పాలస్తీనాకు మద్దతు ఇచ్చినందుకు నేను ఒకే ఒక ఒప్పందాన్ని కోల్పోయాను. కానీ అడగకుండానే యుద్ధానికి మద్దతిచ్చే వ్యక్తితో ఒప్పందానికి అంగీకరించినందుకు నాపై నాకు కోపం వచ్చింది అని మియా ఖలీఫా ట్వీట్ చేసింది. తన ట్వీట్ హింసను ప్రేరేపించదని.. పాలస్తీనా ప్రజలు స్వేచ్ఛ కోసం పోరాడుతున్నారని మియా ఖలీఫా తెలిపింది. అందుకే తాను స్వాతంత్ర్య సమరయోధుడనని స్పష్టం చేశారు.పోరాడే ప్రజల పక్షాన ఉంటానన్నారు.

ఇజ్రాయెల్ మరియు పాలస్తీనా మధ్య భీకర యుద్ధం జరుగుతోంది. యుద్ధంలో మరణించిన వారి సంఖ్య 1,200 దాటింది. హమాస్ మిలిటెంట్ల దాడిలో ఇజ్రాయెల్‌లో 700 మందికి పైగా మరణించారు. ఇజ్రాయెల్ సైన్యం ఎదురుదాడిలో గాజాలో 500 మందికి పైగా మరణించారు. ఇరువైపులా వేలాది మంది గాయపడ్డారు. ఇజ్రాయెల్‌లో 130 మందికి పైగా పౌరులను బందీలుగా పట్టుకున్నామని, వారందరూ తమ అదుపులో ఉన్నారని హమాస్ ప్రకటించింది.

Also Read: Fake Currency Notes : ఏకంగా ఆర్బీఐకి చేరిన నకిలీ నోట్లు.. ఎలా ?