Maggi Noodles : నూడుల్స్ తిని బాలుడు మృతి.. కారణం తెలిస్తే షాక్..!
ఉత్తరప్రదేశ్లో షాకింగ్ ఘటన జరిగింది. మ్యాగీ నూడుల్స్ తిని పదేళ్ల బాలుడు మృతి చెందాడు.
- By Kavya Krishna Published Date - 07:00 PM, Sun - 12 May 24
![Maggi Noodles : నూడుల్స్ తిని బాలుడు మృతి.. కారణం తెలిస్తే షాక్..!](https://d1x8bgrwj9curj.cloudfront.net/wp-content/uploads/2024/05/Maggi-Noodles.jpg)
ఉత్తరప్రదేశ్లో షాకింగ్ ఘటన జరిగింది. మ్యాగీ నూడుల్స్ తిని పదేళ్ల బాలుడు మృతి చెందాడు. మరో ఆరుగురు తీవ్ర అస్వస్థతకు గురయ్యారు. పిలిభిత్ జిల్లాకు చెందిన ఓ కుటుంబం నూడిల్స్ను అన్నంతో పాటు తిన్నారు. ఇదే ఫుడ్ పాయిజన్కు దారి తీసిందని వైద్యులు ప్రాథమికంగా నిర్ధారించారు. ఈ ఘటనలో బాలుడు మరణించగా మిగిలిన వారి పరిస్థితి విషమంగా ఉంది. వారు పురాన్ పూర్లోని ఆసుపత్రిలో చికిత్స పొందుతున్నారు. పూర్తి వివరాల్లోకి వెళితే.. ఏడేళ్ల బాలుడు ఫుడ్ పాయిజన్ కారణంగా ప్రాణాలు కోల్పోగా , అతని కుటుంబంలోని ఐదుగురు సభ్యులు పిలిభిత్లో తీవ్ర అస్వస్థతకు గురయ్యారు. శుక్రవారం రాత్రి జరిగిన ఈ ఘటనతో ఆ ప్రాంతమంతా ఉలిక్కిపడింది.
We’re now on WhatsApp. Click to Join.
డెహ్రాడూన్కు చెందిన రాహుల్ కుమార్ అనే యువకుడు తన తల్లి సీమ, సొదరుడు వివేక్, సోదరి సంధ్యతో కలిసి పిలిభిత్లోని పూరన్పూర్ తహసీల్ పరిధిలో గల రాహుల్ నగర్ కాలనీలో ఉంటున్న తన అమ్మమ్మ వద్దకు వచ్చారు. అయితే.. కుటుంబం మొత్తం గురువారం సాయంత్రం ఇన్స్టంట్ నూడుల్స్, అన్నంతో పాటు తిన్నారు. అయితే.. కొందిసేపటి తర్వాత, రాహుల్, అతని ఇద్దరు తోబుట్టువులు, తల్లి, అత్తలు సంజు, సంజన, అస్వస్థతకు గురయ్యారు. వీరిని శుక్రవారం ఓ ప్రైవేటు ఆసుపత్రికి తరలించి చికిత్స నిమిత్తం స్థానిక కమ్యూనిటీ హెల్త్ సెంటర్ (సిహెచ్సి)కి తరలించారు. కేంద్రంలోని ఆసుపత్రికి తరలిస్తుండగా మార్గమధ్యంలో రాహుల్ మృతి చెందగా, వివేక్ పరిస్థితి విషమంగా ఉండడంతో జిల్లా ఆస్పత్రికి తరలించారు. మిగిలిన నలుగురు కుటుంబ సభ్యులు ఆరోగ్య కేంద్రంలో చికిత్స పొందుతున్నారు.
నూడుల్స్ తిన్న తర్వాత ఫుడ్ పాయిజనింగ్ కారణంగా ఆరుగురు సభ్యులకు తీవ్రమైన కడుపు నొప్పి, విరేచనాలు అయ్యాయి. ఆరుగురు కమ్యూనిటీ హెల్త్ సెంటర్కు తీసుకువచ్చినట్లు పురాన్పూర్ ఆరోగ్య కేంద్రానికి చెందిన డాక్టర్ రషీద్ ధృవీకరించారు. వారు తక్షణ నూడుల్స్తో పాటు అన్నం తిన్నారు. దీంతో వాళ్లకు ఫుడ్పాయిజన్ అయినట్లు.. వారిలో రాహుల్ మృతి చెందినట్లు డాక్టర్లు నిర్ధారించారు. కుటుంబ సభ్యులు అనారోగ్యానికి గురికావడం ఆహార భద్రత, జాగ్రత్తల ఆవశ్యకతను గుర్తుచేస్తుంది, ముఖ్యంగా రోడ్డు పక్కన విక్రయించే వారి నుండి ఆహారాన్ని తినేటప్పుడు. ముఖ్యంగా ఈ కాలాల్లో వారు తినేవాటిని గమనించాలని, జాగ్రత్తగా ఉండాలని అధికారులు పౌరులను హెచ్చరిస్తున్నారు.
Read Also : Fact Check : చంద్రబాబు ముస్లిం రిజర్వేషన్లను వ్యతిరేకించలేదు.. నిజం ఇక్కడుంది..!
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Viral: సొంత తల్లిని దారుణంగా హత్య చేసి ఇన్స్టాగ్రామ్లో పోస్ట్](https://d1x8bgrwj9curj.cloudfront.net/wp-content/uploads/2024/08/viral-news.jpg)
Viral: సొంత తల్లిని దారుణంగా హత్య చేసి ఇన్స్టాగ్రామ్లో పోస్ట్
సొంత తల్లిని చంపి ఫోటోను సోషల్ మీడియాలో పోస్ట్ చేసి క్షమాపణలు చెప్పాడు. తన తల్లిని హత్య చేసిన తర్వాత ఇన్స్టాగ్రామ్లో 'నన్ను క్షమించు తల్లీ, నేను నిన్ను చంపాను, నేను నిన్ను కోల్పోతున్నాను, ఓం శాంతి' అని క్యాప్షన్ ఇచ్చాడు. మరో పోస్ట్లో నేను నా తల్లిని చంపుతున్నాను