Railways Recruitment: టెన్త్, డిగ్రీతో రైల్వేలో 1.52 లక్షల పోస్టులు

ప్రభుత్వ ఉద్యోగాల కోసం ఎదురుచూస్తున్న యువతకు శుభవార్త.. త్వరలో ఇండియన్ రైల్వే 1,52,000 పోస్టుల భర్తీకి నోటిఫికేషన్ విడుదల చేయనుంది.

By Maheswara Rao Nadella Published Date - 06:00 AM, Mon - 24 April 23

1.52 Lakh Posts In Railways With Tenth And Degree

Railways Recruitment : ప్రభుత్వ ఉద్యోగాల కోసం ఎదురుచూస్తున్న యువతకు శుభవార్త.. త్వరలో ఇండియన్ రైల్వే 1,52,000 పోస్టుల భర్తీకి నోటిఫికేషన్ విడుదల చేయనుంది. రైల్వేలో (Railways) ఖాళీగా ఉన్న పోస్టుల భర్తీ ప్రక్రియను రైల్వేశాఖ ప్రారంభిం చింది. రానున్న 5 నెలల్లో 3 లక్షల పోస్టులను రైల్వేశాఖ భర్తీ చేస్తుందని భావించగా.. ఈ ఖాళీ పోస్టులకుగానూ 1.52 పోస్టుల్లో కొత్త రిక్రూట్‌మెంట్ జరగనుంది. ఇందుకోసం రైల్వేశాఖ దేశంలోని అన్ని రైల్వే జోన్‌ల పరిధిలో ఖాళీగా ఉన్న పోస్టుల గురించి సమాచారాన్ని కోరింది. అన్ని మండలాల్లో పదోన్నతులు, నియామకాల ప్రక్రియను మిషన్‌ విధానంలో వచ్చే 5 నెలల్లోగా పూర్తి చేయాలని రైల్వేశాఖ ఆదేశించింది. ఫిజికల్ టెస్ట్, డాక్యుమెంట్ల వెరిఫికేషన్ , మెడికల్ చెక్‌తో సహా మొత్తం రిక్రూట్‌మెంట్ ప్రక్రియను ఈ వ్యవధిలో పూర్తి చేయాల్సి ఉంది.

దరఖాస్తు రుసుము:

జనరల్ / OBC / EWS – రూ. 500/-
SC / ST / మహిళలు / మాజీ సైనికులు – రూ. 250/-

నెట్ బ్యాంకింగ్ / డెబిట్ కార్డ్ / క్రెడిట్ కార్డ్ / SBI చలాన్ / కంప్యూటరైజ్డ్ పోస్ట్ ఆఫీస్ చలాన్ ద్వారా ఎగ్జామ్ ఫీజు చెల్లించవచ్చు.

వయో పరిమితి:

కనిష్ట వయసు – 18 సంవత్సరాలు
గరిష్ట వయసు – 30 సంవత్సరాలు
వయో సడలింపు (ఎగువ వయో పరిమితి) – నిబంధనల ప్రకారం

ఖాళీ వివరాలు:

రైల్వే జాబ్స్ కోసం ఆన్‌లైన్ రిజిస్ట్రేషన్ ప్రక్రియ 2023 ఆగస్టు చివరి నుంచి ప్రారంభం కావచ్చు. TTE, ALP, టెక్నీషియన్, స్టేషన్ మాస్టర్, గ్రూప్ D, NTPC కోసం రిక్రూట్‌మెంట్ చేస్తారు. రైల్వేలో 7784 TTE పోస్టులు ఖాళీగా ఉన్నాయి. ఈ విషయాన్ని రైల్వే మంత్రి లోక్‌సభలో వెల్లడించారు. ఇందులో అత్యధికంగా 1106 పోస్టులు ఉత్తర రైల్వేలో ఉన్నాయి. ఉత్తర మధ్య రైల్వేలో 982, తూర్పు రైల్వేలో 788, దక్షిణ మధ్య రైల్వేలో 746 ఖాళీలు ఉన్నాయి.