IAS Officers : ఎక్కడివాళ్లు అక్కడ రిపోర్ట్ చేయాల్సిందే.. ఐదుగురు ఐఏఎస్‌లకు షాకిచ్చేలా ‘క్యాట్’ తీర్పు

IAS Officers : తమ స్టేట్ క్యాడర్‌ను మార్చాలంటూ ఐదుగురు ఐఏఎస్‌‌లు దాఖలు చేసిన పిటిషన్‌పై సెంట్రల్ అడ్మినిస్ట్రేటివ్ ట్రిబ్యునల్ (క్యాట్) కీలక తీర్పు ఇచ్చింది.  కేంద్ర సిబ్బంది మంత్రిత్వ శాఖ గతంలో ఇచ్చిన తీర్పును తప్పకుండా పాటించాల్సిందే అని తేల్చి చెప్పింది. బుధవారం రోజు ఎక్కడివాళ్లు  అక్కడ రిపోర్ట్ చేయాల్సిందే అని ఐదుగురు ఐఏఎస్‌లను ఆదేశించింది. కేంద్ర సిబ్బంది మంత్రిత్వ శాఖ జారీ చేసిన ఉత్తర్వులను రద్దుచేయాలంటూ ఐదుగురు ఐఏఎస్‌లు దాఖలు చేసిన పిటిషన్‌పై ఇవాళ క్యాట్‌లో వాదోపవాదనలు జరిగాయి.

Also Read :Debt Repayment : మీ అప్పులన్నీ తీరాలా ? ఈ పరిహారాలు పాటించండి

క్యాట్ ఇచ్చిన తాజా తీర్పు ప్రకారం.. ప్రస్తుతం తెలంగాణలో పనిచేస్తున్న ఏపీ క్యాడర్‌ ఐఏఎస్ అధికారులు బుధవారం ఏపీ సీఎస్ వద్ద రిపోర్ట్ చేయాల్సి ఉంటుంది. అయితే దీనిపై ఐఏఎస్ ఎలా స్పందిస్తారు ? ఎలాంటి నిర్ణయం తీసుకుంటారు ? అనేది వేచిచూడాలి.  ఏపీ క్యాడర్‌కు చెందిన 11 మంది ఐఏఎస్, ఐపీఎస్ అధికారులు తెలంగాణలో సేవలు అందిస్తున్నారు. వీరిలో జీహెచ్ఎంసీ కమిషనర్ ఆమ్రపాలి, రొనాల్డ్ రాస్‌తో పాటు పలువురు ఐఏఎస్ లు ఉన్నారు. ఈ 11 మంది ఐఏఎస్‌లు ఇక్కడే పని చేసేందుకు అవకాశం ఇవ్వాలని కేంద్ర ప్రభుత్వానికి తెలంగాణ సర్కార్ లేఖ రాసే ఛాన్స్ ఉందని సమాచారం. 11 మంది కీలక విభాగాల్లో పని చేస్తున్నారని.. వీరిని రిలీవ్ చేయడం వల్ల పాలనకు ఇబ్బందులు తలెత్తే అవకాశం ఉందని తెలంగాణ ప్రభుత్వం భావిస్తోంది.

Follow us