NewsClick Raids: న్యూస్‌క్లిక్‌ కు సంఘీభావంగా హైదరాబాద్ లో ర్యాలీ

NewsClick Raids: న్యూస్‌క్లిక్‌ జర్నలిస్టులపై దాడులను ఖండిస్తూ ఇండియన్ జర్నలిస్ట్ యూనియన్ ఆధ్వర్యంలో అక్టోబర్ 5వ తేదీ గురువారం హైదరాబాద్ లో ర్యాలీ నిర్వహించనుంది. ఉదయం 11 గంటలకు బషీర్‌బాగ్‌లోని దేశోద్ధారక భవన్‌లో పాదయాత్ర ప్రారంభమై ట్యాంక్‌బండ్ సమీపంలోని అంబేద్కర్ విగ్రహం వద్ద ముగుస్తుంది. ఈ సంఘీభావ పాదయాత్రలో పెద్ద సంఖ్యలో పాల్గొనాలని పిలుపునిచ్చారు యూనియన్ అధ్యక్షుడు కె.శ్రీనివాస్ రెడ్డి. నిరసన కార్యక్రమంలో పాల్గొన నిరసన కార్యక్రమాన్ని విజయవంతంగా చేయాల్సిందిగా శ్రీనివాస్ రెడ్డి కోరారు.

చైనా అనుకూల ప్రచారం కోసం యుఎస్ మిలియనీర్ నెవిల్లే రాయ్ సింఘమ్ నుండి డబ్బు అందుకున్నట్లు ఆరోపిస్తూ న్యూస్‌క్లిక్‌ పోర్టల్ పై కేసు నమోదు చేశారు. ఈ మేరకు ఢిల్లీ పోలీసులు న్యూస్‌క్లిక్‌ సంస్థ కార్యకలాపాలపై దాడులు నిర్వహించింది. సంస్థలోని పలు పాత్రలను స్వాధీనం చేసుకున్నారు. ఈ దాడుల తర్వాత న్యూస్‌క్లిక్ ఎడిటర్-ఇన్-చీఫ్ ప్రబీర్ పుర్కాయస్థ మరియు దాని హ్యూమన్ రిసోర్సెస్ హెడ్ అమిత్ చక్రవర్తిలను అరెస్టు చేశారు. న్యూస్‌క్లిక్ జర్నలిస్టులకు సంబంధించిన 30 ప్రదేశాలను ఢిల్లీ పోలీసులు శోధించారు. న్యూస్ పోర్టల్ విదేశీ నిధులపై విచారణకు సంబంధించి తొమ్మిది మంది మహిళలతో సహా మొత్తం 46 మంది అనుమానితులను ప్రశ్నించారు. ప్రశ్నించిన వారిలో జర్నలిస్టులు ఊర్మిళేష్, ఔనింద్యో చక్రవర్తి, అభిసార్ శర్మ మరియు ఠాకుర్తా అలాగే చరిత్రకారుడు సోహైల్ హష్మీ మరియు సెంటర్ ఫర్ టెక్నాలజీ & డెవలప్‌మెంట్‌కు చెందిన డి రఘునందన్ ఉన్నారు. ఢిల్లీ అల్లర్లు, విదేశీ పర్యటనల వివరాలు, రైతుల ఆందోళన వంటి పలు అంశాలపై 25 ప్రశ్నలతో కూడిన జాబితాను పోలీసులు సిద్ధం చేశారు.

న్యూస్‌క్లిక్‌ పై జరుగుతున్న దాడుల్ని జర్నలిస్టులు మరియు మీడియా సంస్థలు ఖండిస్తున్నాయి. నేషనల్ అలయన్స్ ఆఫ్ జర్నలిస్ట్స్, ఢిల్లీ యూనియన్ ఆఫ్ జర్నలిస్ట్స్ మరియు కేరళ యూనియన్ ఆఫ్ వర్కింగ్ జర్నలిస్ట్స్ పోలీసుల దాడులను ఖండించాయి.

Also Read: Chandrababu Bail Petition : మరోసారి చంద్రబాబు బెయిల్ విచారణ వాయిదా