బుర్జ్ ఖలీఫాపై బతుకమ్మ.. ఎంత ఖర్చో తెలుసా

దుబాయ్ లోని బుర్జ్ ఖలీఫా పై బతుకమ్మ పండగకు సంబందించిన వీడియోను ప్రదర్శించారు.బతుకమ్మ విశిష్టత తెలియచేసేలా రూపొందించిన మూడు నిమిషాల వీడియోను ఖలీఫా స్క్రీన్ పై రెండు సార్లు ప్రదర్శించారు. దీనికోసం ఎంత వెచ్చించారో తెలుసా?

ఖలీఫాపై ఇలాంటి ప్రదర్శనల కోసం ప్రతి మూడు నిమిషాలకయ్యే ఖర్చు యాభై లక్షల రూపాయల నుండి మొదలవుతుందని బుర్జ్ ఖలీఫా మార్కెటింగ్ ఏజెన్సీ ప్రతినిధులు తెలిపారు.

ఖలీఫాపై రాత్రి ఎనిమిది గంటల నుండి పది గంటల మధ్యలో ప్రతి మూడు నిమిషాల వీడియో కోసం మాములు రోజుల్లో దాదాపు అరవై లక్షల రూపాయలను, వీకెండ్స్ లో అయితే దాదాపు 70 లక్షల వరకు ఛార్జ్ చేస్తారట.

ఎనిమిది నుండి పది గంటల లోపు మూడు నిమిషాల వీడియోను రెండు సార్లు వేయడానికి దాదాపు కోటి రూపాయలు అవుతాయని, ఏడు గంటల నుండి అర్థరాత్రి వరకు మూడు నిమిషాల వీడియోను ఐదు సార్లు వేయడానికి రెండు కోట్లకు పైగానే ఖర్చవుతుందట.

ప్రస్తుతం బుర్జ్ ఖలీఫా పై ఏర్పాటు చేసే డిస్ప్లే విషయాలను ముల్లెన్ లోవె మేనా అనే దుబాయ్ కి చెందిన మార్కెటింగ్ ఏజెన్సీ నిర్వహిస్తోంది. ఇక్కడ ఏదైనా వీడియో ప్రదర్శించాలనుకుంటే నాలుగు వారాల ముందే వీడియోకి సంబందించిన కంటెంట్ ఇవ్వాలని, దీన్ని ఖలీఫా యాజమాన్యమైన ఎమ్మార్ ప్రాపర్టీస్ అప్రూవ్ చేయాలనీ తెలుస్తోంది.

ప్రదర్శన కోసం అయ్యే ఖర్చంతా ముందే చెల్లించాల్సి ఉంటుందట. ఈ లెక్క ప్రకారం బుర్జ్ ఖలీఫా పై బతుకమ్మ ప్రదర్శనకు కోటి రూపాయలు అయ్యుంటాయి.

ఈ డబ్బు ప్రభుత్వం ఇచ్చిందా? లేదా ఆ కార్యక్రమంలో పాల్గొన్న నాయకులు ఇచ్చారా అనే విషయంపై క్లారిటీ లేదు.