Rx100: మార్కెట్లోకి మళ్లీ Rx100 బైక్..!!!

గత కొన్ని దశాబ్దాలుగా యూత్ ను అలరిస్తున్న బైక్ లలో Rx100ఒకటి. దీని తయారీదారు జపాన్ కు చెందిన యమహా కంపెనీ. ఎంతో స్టైలీష్ లుక్ తో ఉండే ఈ బైక్ ను కాలేజీ కుర్రాళ్లు ఎంతో ఇష్టపడేవారు. అయితే గత కొన్నాళ్లుగా ఈ బైక్ ప్రొడక్టును నిలిపివేసింది కంపెనీ. యమహా ఎస్కార్ట్ గ్రూపు భాగస్వామ్యంలో 1985 నుంచి ఉత్పత్తి చేస్తున్న ఈ బైక్ ను 1996 వరకు కొనసాగించారు. తర్వాత కాలంలో ఉత్పత్తి నిలిచిపోయింది. దాంతో యూత్ ఇతర బైక్ ల వైపు మళ్లారు.

ఈ నేపథ్యంలో యమహా కంపెనీ ఆర్ ఎక్స్ 100 ప్రేమికులకు గుడ్ న్యూస్ చెప్పింది. ఈ బైక్ ను ఆధునిక హంగులతో మళ్లీ మార్కెట్లోకి తెస్తున్నట్లు ప్రకటించింది కంపెనీ. సరికొత్త రూపులో ఆర్ ఎక్స్ 100ను తీసుకువస్తున్నట్లు యమహా మోటార్ ఇండియా విభాగం చైర్మన్ ఇషిన్ చిహానా వెల్లడించారు. అయితే గతంలో ఉన్న 2 స్ట్రోక్ ఇంజిన్ ఇప్పటి ఉద్గారాల ప్రమాణాల నిబంధనల వల్ల ఇవ్వడం కుదరదని తెలిపింది కంపెనీ.