Vivo Y100i Power 5G: మార్కెట్ లోకి మరో వివో సరికొత్త స్మార్ట్ ఫోన్.. ఫీచర్స్ మామూలుగా లేవుగా?

చైనా స్మార్ట్‌ ఫోన్‌ దిగ్గజ సంస్థ వివో ఇప్పటికే మార్కెట్లోకి ఎన్నో రకాల స్మార్ట్ ఫోన్ లు విడుదల చేసిన విషయం మనందరికీ తెలిసిందే. వినియోగదారులను మరింత ఆకర్షించడం కోసం ఎప్పటికప్పుడు కొత్త కొత్త స్మార్ట్ ఫోన్ లను మార్కెట్లోకి విడుదల చేస్తూనే ఉంటుంది. ఈ నేపథ్యంలోనే త్వరలోనే మార్కెట్లోకి మరో సరికొత్త స్మార్ట్ ఫోన్ ని లాంచ్ చేయబోతోంది వివో సంస్థ. వివో వై100 సిరీస్ కి కొనసాగింపుగా వివో వై100ఐ పవర్ 5జీ పేరుతో చైనాలో ఆవిష్కరించింది. ఈ ఫోన్ మూడు కలర్ ఆప్షన్లలో అందుబాటులో ఉంటుంది. ఈ సరికొత్త స్మార్ట్ ఫోన్ కి సంబంధించిన ధర ఫీచర్స్ విషయానికి వస్తే.. వివో వై100ఐ పవర్ 5జీ ఫోన్ 12జీబీ ర్యామ్, 512 జీబీ స్టోరేజ్ వేరియంట్ ధర CNY 2,099 అంటే మన కరెన్సీలో దాదాపు రూ. 20,000గా ఉంటుంది.

ఇది ప్రస్తుతం చైనాలో వివో ఆన్‌లైన్ స్టోర్ ద్వారా విక్రయాలు జరుపుతోంది. మన దేశంలో ఎప్పుడు లాంచ్ అవుతుందో కంపెనీ ఇంకా ప్రకటించలేదు. గత నెలలో వివో వై100ఐ పేరిట 12జీబీ ర్యామ్, 512జీబీ స్టోరేజ్ వేరియంట్తో వచ్చిన ఫోన్ CNY 1,599 అనగా మన ఇండియన్ కరెన్సీ ప్రకారం దాదాపు రూ. 15,000 గా ఉంది. అలాగే వివో వై100 ఫోన్ మన దేశంలో 8జీబీ ర్యామ్, 128జీబీ స్టోరేజ్ వేరియంట్ ధర రూ. 24,999గా ఉంది. ఈ ఫోన్ ఆండ్రాయిడ్ 13, ఆరిజన్ ఓఎస్3 ఆధారంగా పనిచేస్తుంది. ఇది 6.64-అంగుళాల ఫుల్ హెచ్ డీ ప్లస్ స్క్రీన్‌తో గరిష్టంగా 120హెర్జ్ రిఫ్రెష్ రేట్ తో వస్తుంది. 91.6 స్క్రీన్-టు-బాడీ రేషియోని కలిగి ఉంది. స్క్రీన్ ఎస్జీఎస్ తక్కువ బ్లూ లైట్ వచ్చేలా చేస్తుంది. ఎల్సీడీ డిస్ ప్లే పై సెల్ఫీ కోసం ప్రత్యేకమైన ఏర్పాటు ఉంచారు.

ఆక్టా-కోర్ 4ఎన్ఎం స్నాప్‌డ్రాగన్ 6 జెన్ 1 ఎస్ఓసీ, 12జీబీ ర్యామ్ అడ్రినో 710 జీపీయూ వస్తుంది. వివో థర్మల్ మేనేజ్‌మెంట్ కోసం పరికరంలో 639ఎంఎం స్క్వేర్ లిక్విడ్ కూలింగ్ హీట్ పైపు, 8736ఎం గ్రాఫైట్ షీట్‌ను ఫోన్‌కు అమర్చారు. ఈ ఫోన్ డ్యూయల్ రియర్ కెమెరా యూనిట్‌ను కలిగి ఉంది. 10x డిజిటల్ జూమ్ సపోర్ట్‌తో 50-మెగాపిక్సెల్ ప్రధాన కెమెరా, 2-మెగాపిక్సెల్ సెన్సార్ ఉన్నాయి. సెల్ఫీలు, వీడియో చాట్‌ల కోసం 8-మెగాపిక్సెల్ ఫ్రంట్ ఫేసింగ్ కెమెరా ఉంది. ఇక కనెక్టివిటీ ఫీచర్ల విషయానికి వస్తే.. బ్లూటూత్ 5.1, 3.5ఎంఎం ఆడియో జాక్, యూఎస్బీ టైప్-సీ పోర్ట్, జీపీఎస్, గ్లోనాస్, గెలిలియో, క్యూజెడ్ఎస్ఎస్, ఓటీజీ వైఫై వంటివి ఉన్నాయి. ఆన్‌బోర్డ్ సెన్సార్‌లలో యాక్సిలరోమీటర్, యాంబియంట్ లైట్ సెన్సార్, ఇ-కంపాస్, సామీప్య సెన్సార్ ఉన్నాయి. సైడ్-మౌంటెడ్ ఫింగర్ ప్రింట్ సెన్సార్‌ను కలిగి ఉంది. 6,000ఎంఏహెచ్ బ్యాటరీతో 44వాట్ల ఫాస్ట్ ఛార్జింగ్‌కు మద్దతునిస్తుంది.