iQOO Z9 Discount: ఐక్యూ z9 పై కళ్ళు చెదిరే డిస్కౌంట్ అందిస్తున్న అమెజాన్, ఫ్లిప్కార్ట్.. ఆఫర్ అప్పటి వరకు మాత్రమే!

Iqoo Z9 Discount

కొత్త స్మార్ట్ ఫోన్ కొనుగోలు చేయాలనుకుంటున్నారా? అయితే ఈ బంపర్ ఆఫర్ మీ కోసమే. ఎందుకంటే భారత మార్కెట్లో ప్రస్తుతం ఐక్యూ Z9 ఫోన్ ఫ్లిప్‌కార్ట్‌ లో భారీ ధర తగ్గింపు ధరకు లభిస్తోంది. అలాగే అమెజాన్లో కూడా ఈ ఫోన్ పై భారీగా తగ్గింపు ధర లభిస్తోంది. రూ. 20 వేల లోపు బెస్ట్ స్మార్ట్ ఫోన్ కోసం చూస్తున్న వారికి ఇది నిజంగా ఒక బంపర్ ఆఫర్ అని చెప్పాలి. ఈ ఫోన్ రెండు ఇ-కామర్స్ ప్లాట్‌ఫారమ్‌లలో వేర్వేరు ధరల వద్ద జాబితా అయింది. ఈ ఫోన్ ని మీరు ఈ రెండు ఈ కామర్స్ ప్లాట్ ఫామ్ లలో కొనుగోలు చేయవచ్చు. మరి ఆ వివరాల్లోకి వెళితే.. ప్రస్తుతం ఫ్లిప్‌కార్ట్‌లో ఐక్యూ జెడ్9 128జీబీ స్టోరేజ్ రూ. 17,874 ప్రారంభ ధరతో జాబితా మొదలైంది.

మరోవైపు అమెజాన్ ఈ హ్యాండ్‌సెట్‌ ను రూ.18,499 కి విక్రయిస్తోంది. అమెజాన్‌లో అదనంగా రూ. 500 డిస్కౌంట్ కూపన్ కూడా ఉంది. చెక్ అవుట్ పేజీలో తగ్గిన మొత్తాన్ని చూసేందుకు మీరు టిక్‌ మార్క్ చేయవచ్చు. స్టాండర్డ్ మోడల్ లాంచ్ ధర రూ. 19,999కు పొందవచ్చు. ఫ్లిప్‌కార్ట్, అమెజాన్ రెండూ బెస్ట్ డిస్కౌంట్ ఆఫర్‌ లను అందిస్తున్నాయి. అమెజాన్ 256జీబీ స్టోరేజ్ మోడల్‌పై డిస్కౌంట్లను కూడా అందిస్తోంది. 256జీబీ మోడల్ అమెజాన్‌ లో రూ. 20,499 వద్ద జాబితా అయింది. అసలు ప్రారంభ ధర రూ. 21,999 నుంచి తగ్గింది. అమెజాన్‌ లో రూ. వెయ్యి అదనపు కూపన్ తగ్గింపు కూడా ఉంది. ప్రభావవంతంగా ధరను రూ.19,499కి తగ్గిస్తుంది. చెక్అవుట్ పేజీలో క్లెయిమ్ చేసేందుకు మీరు ముందుగా కూపన్ డిస్కౌంట్ ఆఫర్‌ను ఎంచుకోవాలి. ఇకపోతే ఐక్యూ జెడ్9 స్పెక్స్, ఫీచర్ల విషయానికి వస్తే..

ఐక్యూ జెడ్9 5జీ ఫోన్ ఆక్టా కోర్ మీడియాటెక్ డైమెన్సిటీ 7200 చిప్‌సెట్ ద్వారా పవర్ పొందుతుంది. ఈ హ్యాండ్‌సెట్ సరికొత్త ఆండ్రాయిడ్ 14 ఓఎస్‌లో పనిచేస్తుంది. 6.67 అంగుళాల ఎఫ్‌హెచ్‌డీ+ అమోల్డ్ 120Hz డిస్‌ప్లే, 300Hz వరకు టచ్ శాంప్లింగ్ రేట్ 91.90 శాతం స్క్రీన్ టు బాడీ రేషియోను కలిగి ఉంది. ఈ ప్యానెల్ డీటీ-స్టార్ 2 ప్లస్ గ్లాస్ ప్రొటెక్షన్ కూడా కలిగి ఉంది. ఆప్టిక్స్ పరంగా ఫోన్ డ్యూయల్ రియర్ కెమెరా సెటప్‌ను కలిగి ఉంది. ఆప్టికల్ ఇమేజ్ స్టెబిలైజేషన్ సపోర్టుతో 50ఎంపీ ప్రైమరీ సోనీ ఐఎమ్ఎక్స్882 సెన్సార్‌ను కలిగి ఉంది. 2ఎంపీ సెన్సార్‌తో ఉంటుంది. అలాగే కెమెరా యాప్‌ లో నైట్ మోడ్, సూపర్‌ మూన్, ప్రో, లైవ్ ఫోటో వంటి ఫోటోగ్రఫీ ఫీచర్‌ లు ఉన్నాయి. ఇకపోతే సెల్ఫీల విషయానికి వస్తే.. కంపెనీ ఫోన్ ఫ్రంట్ సైడ్ 16ఎంపీ సెన్సార్‌ను కలిగి ఉంది. ఐక్యూ Z9 44డబ్ల్యూ ఫాస్ట్ ఛార్జింగ్ టెక్‌కు సపోర్టుతో 5,000mAh బ్యాటరీతో వస్తుంది. ఈ ఫోన్ మనకు బ్రష్డ్ గ్రీన్, గ్రాఫేన్ బ్లూ అనే రెండు కలర్ ఆప్షన్ లలో కూడా పొందవచ్చు.

Follow us