Infinix Smartphone: మార్కెట్లోకి మరో సరికొత్త ఇన్ఫినిక్స్ స్మార్ట్ ఫోన్.. ధర, ఫీచర్స్ ఇవే?
టెక్నాలజీ రోజు రోజుకి డెవలప్ స్మార్ట్ ఫోన్ వినియోగదారుల సంఖ్య అంతకంతకూ పెరిగిపోతోంది. దీంతో స్మార్ట్ ఫోన్
- Author : Anshu
Date : 24-02-2023 - 7:30 IST
Published By : Hashtagu Telugu Desk
టెక్నాలజీ రోజు రోజుకి డెవలప్ స్మార్ట్ ఫోన్ వినియోగదారుల సంఖ్య అంతకంతకూ పెరిగిపోతోంది. దీంతో స్మార్ట్ ఫోన్ తయారీ కంపెనీలు మార్కెట్ లోకి కొత్త కొత్త ఫోన్ లను అందుబాటులోకి తీసుకువస్తున్నాయి. వినియోగదారులకు నచ్చే విధంగా అతి తక్కువ ధరకే అద్భుతమైన ఫీచర్లతో ఎన్నో రకాల స్మార్ట్ఫోన్లను విడుదల చేస్తూనే ఉన్నాయి. కాగా ప్రముఖ ఎలక్ట్రానిక్ తయారీ సంస్థ ఇన్ఫినిక్స్ ఇప్పటికే ఎన్నో రకాల స్మార్ట్ ఫోన్ లను మార్కెట్ లోకి విడుదల చేసిన విషయం తెలిసిందే. ఈ నేపథ్యంలో ఇన్ఫినిక్స్ సంస్థ మరో కొత్త మోడల్ విడుదల చేసింది.
ముఖ్యంగా మధ్య తరగతి ప్రజల అవసరాలకు తగ్గట్లుగా కొత్త ఫోన్ను అందుబాటులోకి తీసుకువస్తునట్లు తెలిపింది. ఇన్ఫినిక్స్ స్మార్ట్ 7 పేరుతో కొత్త ఫోన్ ని రిలీజ్ చేసింది. కాగా ఈ స్మార్ట్ ఫోన్ కేవలం రూ.7299గా ఉంది. అలాగే ఈ ఫోన్ ఫిబ్రవరి 27 నుంచి ఫ్లిప్ కార్ట్లో అందుబాటులో ఉండనుంది. భారీ బ్యాటరీ తో వస్తున్న ఈ ఫోన్ కచ్చితంగా వినియోగదారులను ఆకట్టుకుంటుందని కంపెనీ ధీమా వ్యక్తం చేస్తోంది. ఇకపోతే ఇన్ఫినిక్స్ స్మార్ట్ 7 స్పెసిఫికేషన్ ల విషయానికి వస్తే..
6.6 అంగుళాల ఫుల్ హెచ్డీ ప్లస్ డిస్ప్లే, 500 నిట్స్తో 1500:1 కాంట్రాస్ట్ రేషియో,ఆక్టాకోర్ యూనిసోనిక్ ప్రాసెసర్,4 జీబీ 64 జీబీ వేరియంట్లో లభ్యం. అలాగే 2 టీబీ వరకూ మెమరీ విస్తరణ, ఎక్స్ఓఎస్ 12 ఆండ్రాయిడ్ 12 సపోర్ట్,డ్యుయల్ సిమ్తో పాటు మైక్రో ఎస్డీ స్లాట్13 ఎంపీ కెమెరాతో పాటు ఏఐ లెన్స్, డ్యుయల్ ఎల్ఈడీ ఫ్లాష్, ఎల్ఈడీ ఫ్లాష్తో 5 ఎంపీ సెల్ఫీ కెమెరా 10 వాట్స్ ఫాస్ట్ చార్జింగ్ సపోర్ట్తో పాటు 6000 ఎంఏహెచ్ బ్యాటరీ సామర్థ్యాన్ని కూడా కలిగి ఉండనుంది.
Follow us
