Honor X9b Launch in India: భారత మార్కెట్ లోకి విడుదలైన హానర్ X9b ఫోన్.. పూర్తి వివరాలు ఇవే?
చైనాకు చెందిన స్మార్ట్ ఫోన్ దిగ్గజం హానర్ మార్కెట్ లోకి ఎన్నో స్మార్ట్ ఫోన్ లను విడుదల చేసిన విషయం తెలిసిందే. వినియోగదారులకు అందుబాటుల
- By Nakshatra Published Date - 05:30 PM, Thu - 15 February 24
చైనాకు చెందిన స్మార్ట్ ఫోన్ దిగ్గజం హానర్ మార్కెట్ లోకి ఎన్నో స్మార్ట్ ఫోన్ లను విడుదల చేసిన విషయం తెలిసిందే. వినియోగదారులకు అందుబాటులో ఉండే విధంగా బడ్జెట్ ధరలోనే ఎప్పటికప్పుడు కొత్త కొత్త స్మార్ట్ ఫోన్ లను మార్కెట్లోకి విడుదల చేస్తూనే ఉంది హానర్ సంస్థ. ఈ నేపథ్యంలోనే త్వరలోనే మరో సరికొత్త స్మార్ట్ ఫోన్ ని మార్కెట్ లోకి లాంచ్ చేసింది. హానర్ ఎక్స్9బీ కొత్త ఫోన్ ఫిబ్రవరి 15న లాంచ్ అయింది. ఈ సరికొత్త ఎక్స్-సిరీస్ స్మార్ట్ఫోన్ 8జీబీ ర్యామ్తో 4ఎన్ఎమ్ స్నాప్డ్రాగన్ 6 జనరేషన్ 1 చిప్తో పనిచేస్తుంది. 6.78-అంగుళాల కర్వడ్ అమోల్డ్ స్క్రీన్ను కలిగి ఉంది. 108ఎంపీ ప్రైమరీ కెమెరాను కలిగిన ట్రిపుల్ రియర్ కెమెరా సెటప్తో వస్తుంది.
ఈ ఫోన్ 5,000ఎంఎహెచ్ బ్యాటరీతో 35డబ్ల్యూ వైర్డు ఛార్జింగ్కు సపోర్టు అందిస్తుంది. ఐపీ53 రేటింగ్ను కూడా కలిగి ఉంది. భారత మార్కెట్లో హానర్ ఎక్స్9బీ ఫోన్ ధర రూ. 25,999కు పొందవచ్చు. ఈ ఫోన్ 8జీబీ+256జీబీ స్టోరేజ్ కాన్ఫిగరేషన్లో అందుబాటులో ఉంది. ఈ హ్యాండ్సెట్ను మిడ్నైట్ బ్లాక్, సన్రైజ్ ఆరెంజ్ కలర్ ఆప్షన్లలో కొనుగోలు చేయవచ్చు. కంపెనీ ప్రకారం.. హానర్ X9b ఫోన్ మొదటిసారిగా ఫిబ్రవరి 16న మధ్యాహ్నం 12 గంటలకు విక్రయాలు జరుగుతున్నాయి. అమెజాన్ దేశవ్యాప్తంగా 1,800 రిటైల్ స్టోర్ల ద్వారా ఈ ఫోన్ విక్రయించనుంది. వినియోగదారులు ఐసీఐసీఐ బ్యాంక్ కార్డ్లను ఉపయోగించి రూ.3వేల తగ్గింపుతో స్మార్ట్ఫోన్ను కొనుగోలు చేయచ్చు.
ఇకపోతే హానర్ X9b స్పెసిఫికేషన్లు, ఫీచర్ల విషయానికి వస్తే.. డ్యూయల్ సిమ్ హానర్ X9b పైన మ్యాజిక్ ఆపరేటింగ్ సిస్టమ్ 7.2తో ఆండ్రాయిడ్ 13లో రన్ అవుతుంది. 120 హెచ్జెడ్ రిఫ్రెష్ రేట్తో 6.78-అంగుళాల 1.5K కర్వడ్ అమోల్డ్ స్క్రీన్ను కలిగి ఉంది. అల్ట్రా-బౌన్స్ యాంటీ డ్రాప్ డిస్ప్లే టెక్నాలజీ 1.2 రెట్లు డ్రాప్ ఇంపాక్ట్ను కలిగి ఉందని కంపెనీ తెలిపింది. 8జీబీ ఎల్పీడీడీఆర్4ఎక్స్ ర్యామ్తో పాటు క్వాల్కామ్ 4ఎన్ఎమ్ స్నాప్డ్రాగన్ 6 జనరేషన్ 1 చిప్తో రన్ అవుతుంది. ఫోటోలు, వీడియోలకు హానర్ ఎక్స్9బీలో ఎఫ్/1.75 ఎపర్చరుతో 108ఎంపీ ప్రైమరీ కెమెరా, ఎఎఫ్/2.2తో 5ఎంపీ వైడ్ యాంగిల్ కెమెరా, ఎఫ్/2.4 ఎపర్చర్తో 2ఎంపీ మాక్రో కెమెరా ఉన్నాయి.
ఫ్రంట్ సైడ్ సెల్ఫీలు, వీడియో చాట్ల కోసం 16ఎంపీ కెమెరాను కలిగి ఉంది. హానర్ X9b ఫోన్లో 256జీబీ యూఎఫ్ఎస్ 3.1 స్టోరేజీని పొందవచ్చు. కనెక్టివిటీ ఆప్షన్లలో 5జీ, 4జీ ఎల్టీఈ, డ్యూయల్ బ్యాండ్ వై-ఫై, బ్లూటూత్ 5.1, ఎన్ఎఫ్సీ, యూఎస్బీ టైప్-సి పోర్ట్ ఉన్నాయి. బయోమెట్రిక్ అథెంటికేషన్ కోసం హ్యాండ్సెట్లో ఇన్-డిస్ప్లే ఫింగర్ ప్రింట్ స్కానర్ ఉంది. 5,800ఎంఎహెచ్ బ్యాటరీని కలిగి ఉంది. 35డబ్ల్యూ వైర్డు ఛార్జింగ్కు సపోర్టుతో మూడు రోజుల వరకు బ్యాటరీ లైఫ్ అందిస్తుందని పేర్కొంది.
Related News
Maldives : దౌత్య పరమైన విభేదాలు..భారత పర్యటనకు రానున్న మాల్దీవుల విదేశాంగ మంత్రి
India and Maldives: భారత్ , మాల్దీవుల మధ్య దౌత్యపరమైన విభేదాలు కొనసాగుతున్న విషయం తెలిసిందే. ఈ నేపథ్యంలోనే “మాల్దీవుల విదేశాంగ మంత్రి మూసా జమీర్ మే 9న అధికారిక పర్యటన నిమిత్తం భారత్కు రానున్నారు” అని విదేశాంగ మంత్రిత్వ శాఖ (MEA) మంగళవారం తెలిపింది. మాల్దీవుల చైనా అనుకూల అధ్యక్షుడు మొహమ్మద్ ముయిజ్జూ ఆరు నెలల క్రితం పదవీ బాధ్యతలు స్వీకరించిన తర్వాత మాల్దీవుల విదేశాంగ మంత్రి మూస�