Hero MotoCorp: టూరింగ్ బైక్‌.. లేటెస్ట్ టీజర్ వీడియో చూస్తే వావ్ అనాల్సిందే!

భారత్ లో అతిపెద్ద ద్విచక్ర వాహన తయారీ సంస్థ అయినా హీరో మోటోకార్ప్ గురించి మనందరికీ తెలిసిందే. ఈ హీరో మోటోకార్ప్ సంస్థ తాజాగా రాబోయే ఎక్స్ పల్స్ 200టి 4వి అఫీషియల్ టీజర్ ను లాంచ్ చేసింది. ఈ టీజర్ ప్రకారం ఎక్స్ పల్స్ 200 టి 4 వి త్వరలోనే మార్కెట్ లోకి రానుంది. కాగా ఈ బైక్ అప్డేట్ చేసిన ఇంజన్ తో పాటుగా అప్డేట్ చేసిన ఎక్స్ పల్స్ 200 టి కూడా కొన్ని కాస్మెటిక్ అప్‌డేట్‌లు, కొత్త కలర్ స్కీమ్‌ లను పొందే అవకాశం ఉన్నట్టు తెలుస్తోంది.

అయితే ఈ బైక్ ప్రత్యేకతల గురించి వివరించలేదు. ఈ బైక్ కి ఫోర్క్ కవర్ గెట్టర్స్, హెడ్‌ల్యాంప్ పైన కొత్త వైజర్, కొత్త పెయింట్ స్కీమ్ లతో పాటు మరిన్ని ఫీచర్స్ కూడా ఉన్నట్లు తెలుస్తోంది. ఇకపోతే ఈ బైక్ ఇంజన్ అండ్ ఫీచర్ల విషయానికొస్తే.. కొత్త హీరో ఎక్స్ పల్స్ 200టి 4వి 199.6cc సింగిల్ సిలిండర్, ఆయిల్ కూల్డ్, ఫ్యూయల్ ఇంజెక్ట్, 4 స్ట్రోక్, 4 వాల్వ్ ఇంజన్‌ తో లబించనుంది. అలాగే ఈ ఎక్స్ పల్స్ 200టి 4వి టర్న్ బై టర్న్ నావిగేషన్, యూ‌ఎస్‌బి ఛార్జింగ్ పోర్ట్‌తో పాటుగా బ్లూటూత్ ఆధారిత డిజిటల్ ఇన్‌స్ట్రుమెంట్ క్లస్టర్‌ లు కూడా ఉండబోతున్నట్టు తెలుస్తోంది.

ఈ బైక్ హార్డ్‌వేర్ లలో ఎలాంటి మార్పు లేదు. సస్పెన్షన్ కోసం టెలిస్కోపిక్ ఫ్రంట్ ఫోర్క్స్ అండ్ వెనుక వైపున మోనో-షాక్ అబ్జార్బర్‌లను పొందుతుంది. ఇకపోతే ఈ హీరో ఎక్స్ పల్స్ 200టి ధర విషయానికి వస్తే ప్రస్తుత ఎక్స్ షోరూమ్ ధర రూ. 1.24 లక్షలు కాగా రాబోయే 4వి మోడల్ ధర దీని కంటే కొంచెం ఎక్కువగా ఉండవచ్చని తెలుస్తోంది. అయితే ఈ బైక్ ఎప్పుడు అందుబాటులోకి రానుంది అన్న విషయాన్ని మాత్రం వెల్లడించలేదు.