Smartphones: కేవలం రూ. 15 వేలకే బెస్ట్ ఫీచర్స్ కలిగిన స్మార్ట్ ఫోన్స్?
కేవలం 15 వేలకే మార్కెట్లో కొన్ని రకాల స్మార్ట్ ఫోన్లు అద్భుతమైన ఫీచర్లతో ఆకట్టుకుంటున్నాయి.
- By Nakshatra Published Date - 12:30 PM, Wed - 4 September 24
ప్రస్తుతం మార్కెట్ లో ఎన్నో రకాల స్మార్ట్ ఫోన్స్ ఉన్నాయి అన్న విషయం మనందరికీ తెలిసిందే. బడ్జెట్ స్మార్ట్ ఫోన్ ల నుంచి హై రేంజ్ స్మార్ట్ ఫోన్ల వరకు చాలా రకాల ఫోన్లు మార్కెట్లో లభిస్తున్నాయి. ఇకపోతే ఈ మధ్యకాలంలో ప్రతి ఒక్కరూ కూడా బడ్జెట్ ధరలో ఉండే స్మార్ట్ ఫోన్లో పైన ఎక్కువగా ఆసక్తిని చూపిస్తున్నారు. తక్కువ ధరకే ఎక్కువ ఫీచర్లు కలిగిన స్మార్ట్ ఫోన్లను కొనుగోలు చేయడానికి ఆసక్తిని చూపిస్తున్నారు. మరి మార్కెట్లో తక్కువ ధరకే బెస్ట్ ఫీచర్స్ కలిగిన స్మార్ట్ ఫోన్స్ ఏవో ఇప్పుడు మనం తెలుసుకుందాం..
లండన్కు చెందిన ప్రముఖ స్మార్ట్ ఫోన్ తయారీ సంస్థ నథింగ్కు చెందిన సీఎమ్ఎఫ్ ఫోన్ 1 బెస్ట్ ఆప్షన్గా చెప్పవచ్చు. ఈ ఫోన్ 6 జీబీ ర్యామ్, 128 జీబీ స్టోరేజ్ వేరియంట్ ధర అన్ని ఆఫర్లు కలుపుకొని రూ. 15 వేల లోపు లభిస్తోంది. ఈ ఫోన్ మీడియాటెక్ డైమెన్సిటీ 7300 చిప్సెట్ ప్రాసెసర్ తో పనిచేస్తుంది. అలాగే తక్కువ దొరికే లభిస్తున్న మరో స్మార్ట్ ఫోన్ మోటోరోలా జీ64. రూ. 15 వేల లోపు అందుబాటులో ఉన్న మరో బెస్ట్ ఫోన్ మోటో జీ64 కూడా ఒకటి. ఈ ఫోన్ లో 6.5 ఇంచెస్ తో కూడిన ఫుల్ హెచ్డీ+ ఐపీసీ ఎల్సీడీ డిస్ప్లేను అందించారు. అలాగే ఇందులో 33 వాట్స్ ఫాస్ట్ ఛార్జింగ్ కు సపోర్ట్ చేసే 6000 ఎమ్ఏహెచ్ బ్యాటరీని కూడా అందించారు.
అదేవిధంగా తక్కువ ధరలో అందుబాటులో ఉన్న మరో బెస్ట్ ఫోన్స్ లో ఫోకో ఎమ్6 ప్లస్ ఫోన్ కూడా ఒకటి. ఈ ఫోన్ 6.79 ఇంచెస్ తో కూడిన ఎల్సీడీ స్క్రీన్ ను అందించారు. 550 నిట్స్ పీక్ బ్రైట్నెస్ ఈ స్క్రీన్ సొంతం అని చెప్పాలి. 33 వాట్స్ ఛార్జర్ కు సపోర్ట్ చేసే 5030 ఎమ్ఏహెచ్ తో కూడిన బ్యాటరీని అందించారు. అలాగే తక్కువ ధరకే లభిస్తున్న స్మార్ట్ ఫోన్ లలో సాంసంగ్ గెలాక్సీ ఎఫ్15 5జి స్మార్ట్ ఫోన్ కూడా ఒకటి ఈ స్మార్ట్ ఫోన్ ప్రారంభ వేరియంట్ ధర రూ. 12,999గా ఉంది. ఫీచర్ల విషయానికొస్తే..
ఇందులో 6.5 ఇంచెస్తో కూడిన ఫుల్ హెచ్డీ+ అమోఎల్ఈడీ డిస్ప్లేను అందించారు. 6 జీబీ ర్యామ్, 128 జీబీ స్టోరేజ్ వేరియంట్తో ఈ ఫోన్ ను తీసుకొచ్చారు. అదేవిధంగా వివో టీ3 ఎక్స్ 5జీ స్మార్ట్ ఫోన్ రూ. 13,499కి అందుబాటులో ఉంది. అదనంగా పలు బ్యాంకులకు చెందిన కార్డులతో కొనుగోలు చేస్తే రూ. 1000 డిస్కౌంట్ లభిస్తుంది. ఈ ఫోన్ ఫీచర్ల విషయానికొస్తే.. ఇందులో 6.72 ఇంచెస్ తో కూడిన ఫ్లాట్ ఫుల్ హెచ్డీ+ ఎల్సీడీ డిస్ప్లేను అందించారు. 44 వాట్స్ ఫాస్ట్ ఛార్జింగ్ కు సపోర్ట్ చేసే 6000 ఎమ్ఏహెచ్ బ్యాటరీని కూడా ఇందులో అందించారు.
Related News
Vivo T3 Ultra Launch: త్వరలోనే మార్కెట్ లోకి వివో టీ3 అల్ట్రా.. లాంచ్ అయ్యేది అప్పుడే!
వివో మరో సరికొత్త స్మార్ట్ ఫోన్ ని మార్కెట్లోకి విడుదల చేయడానికి సిద్ధమయింది.
