అంపైర్గా మారిన ఎంఎస్ ధోనీ.. వైరల్ వీడియో ఇదే!
చెన్నై సూపర్ కింగ్స్ జట్టు ఐపీఎల్ 2026 కోసం తమ సన్నాహాలను ప్రారంభించింది. మార్చి 1 నుంచి జట్టు శిక్షణా శిబిరం మొదలైంది.
- Author : Gopichand
Date : 02-03-2026 - 6:57 IST
Published By : Hashtagu Telugu Desk
MS Dhoni: చెన్నై సూపర్ కింగ్స్ జట్టు ఐపీఎల్ 2026 కోసం తమ సన్నాహాలను ప్రారంభించింది. మార్చి 1 నుంచి జట్టు శిక్షణా శిబిరం మొదలైంది. మొదటి రోజు నుంచే భారతీయ స్టార్ ఆటగాళ్లు ఇందులో పాల్గొంటున్నారు. అయితే అందరి కళ్లు దిగ్గజ ఆటగాడు మహేంద్ర సింగ్ ధోనిపైనే ఉన్నాయి. సోషల్ మీడియాలో ధోని వీడియోలు వేగంగా వైరల్ అవుతున్నాయి. తాజాగా చెన్నై సూపర్ కింగ్స్ ధోని సరదాగా అంపైర్ అవతారం ఎత్తి ‘వైడ్’ బాల్ను సూచిస్తున్న వీడియోను షేర్ చేసింది.
మహేంద్ర సింగ్ ధోని ఎందుకు అంపైర్ అయ్యారు?
చెన్నై సూపర్ కింగ్స్ సోషల్ మీడియాలో ఒక వీడియోను పంచుకుంది. అందులో మహేంద్ర సింగ్ ధోని బ్యాటింగ్ చేస్తున్నప్పుడు ఒక బాల్ వైడ్గా వచ్చింది. ఆ బాల్కు ధోని సరదాగా అంపైర్ స్టైల్లో వైడ్ సిగ్నల్ ఇచ్చాడు. ఇప్పుడు ఈ వీడియో సోషల్ మీడియాలో బాగా వైరల్ అవుతోంది. కొందరు అభిమానులు దీన్ని ‘ధోని డాన్స్’ అని కూడా పిలుస్తున్నారు. ధోని సీఎస్కే శిబిరంలో చేరినప్పటి నుంచి ఫ్రాంచైజీ ఆయనకు సంబంధించిన వీడియోలను వరుసగా షేర్ చేస్తోంది. ప్రాక్టీస్ సెషన్ మొదటి రోజున కూడా ధోని, రుతురాజ్ గైక్వాడ్ కలిసి పెద్ద షాట్లు ఆడుతున్న వీడియోను సీఎస్కే షేర్ చేసింది. కెప్టెన్ రుతురాజ్ గైక్వాడ్, ధోని జోడీ ఈసారి సీఎస్కేను ఆరోసారి ఛాంపియన్గా నిలపాలనే పట్టుదలతో సిద్ధమవుతున్నారు.
Also Read: టీ20 వరల్డ్ కప్ సెమీఫైనల్ మ్యాచ్ల వేదికలు ఖరారు.. ఎక్కడంటే?
ఐపీఎల్ 2026లో సీఎస్కే (CSK) జట్టు వివరాలు
- రుతురాజ్ గైక్వాడ్ (కెప్టెన్), ఆయుష్ మ్హాత్రే, మహేంద్ర సింగ్ ధోని (వికెట్ కీపర్), డెవాల్డ్ బ్రెవిస్, ఉర్విల్ పటేల్ (వికెట్ కీపర్), శివం దూబే, జేమీ ఓవర్టన్, రామకృష్ణ ఘోష్, నూర్ అహ్మద్, ఖలీల్ అహ్మద్, అన్షుల్ కంబోజ్, గుర్జప్నీత్ సింగ్, శ్రేయాస్ గోపాల్, ముఖేష్ చౌదరి, నాథన్ ఎల్లిస్, సంజూ శాంసన్ (వికెట్ కీపర్), కార్తీక్ శర్మ (వికెట్ కీపర్), ప్రశాంత్ వీర్, రాహుల్ చాహర్, అకీల్ హొస్సేన్, మ్యాట్ హెన్రీ, మాథ్యూ షార్ట్, అమన్ ఖాన్, సర్ఫరాజ్ ఖాన్, జకారీ ఫౌల్క్స్.
Follow us
