VVS Laxman: జింబాబ్వే టూర్‌కు గంభీర్ కోచ్ కాదట.. కోచ్‌గా మరో మాజీ ఆటగాడు..!
- By Gopichand Published Date - 10:33 AM, Fri - 21 June 24
VVS Laxman: టీ20 ప్రపంచకప్ 2024 తర్వాత టీమిండియా జింబాబ్వే పర్యటనకు వెళ్లనుంది. ఈ పర్యటనలో టీమిండియా ఆతిథ్య జట్టుతో 5 మ్యాచ్‌ల టీ20 సిరీస్‌ ఆడనుంది. మరోవైపు ప్రపంచకప్ తర్వాత టీమిండియా ప్రధాన కోచ్ రాబోతున్నారు. ఎందుకంటే టీ20 ప్రపంచకప్ తర్వాత ప్రస్తుత ప్రధాన కోచ్ రాహుల్ ద్రవిడ్ పదవీకాలం ముగియనుంది. అయితే టీమ్ ఇండియా కొత్త హెడ్ రేసులో గౌతమ్ గంభీర్ పేరు ముందంజలో ఉంది. దీనికి సంబంధించి గౌతమ్ గంభీర్‌ను బీసీసీఐ ఇంటర్వ్యూ కూడా చేసింది. అయితే జింబాబ్వే టూర్‌కు గౌతమ్ గంభీర్ టీమ్ ఇండియా చీఫ్ కోచ్‌గా ఉంటాడని వార్తలు వచ్చాయి. అయితే ఇప్పుడు జింబాబ్వే టూర్‌లో గౌతమ్ గంభీర్ కాకుండా.. మరో వెటరన్ టీం ఇండియా ప్రధాన కోచ్‌గా ఉండవచ్చని వార్తలు వస్తున్నాయి.
వీవీఎస్ లక్ష్మణ్ కోచ్‌గా వ్యవహరిస్తారు
టీ20 ప్రపంచకప్ 2024 తర్వాత టీమిండియా జూలైలో జింబాబ్వేలో పర్యటించనుంది. ఈ టూర్‌లో జట్టుతో పాటు కోచింగ్ సిబ్బందిని కూడా మార్చనున్నారు. చాలా మంది యువ ఆటగాళ్లకు ఈ సిరీస్‌లో అరంగేట్రం చేసే అవకాశం ఉంది. ఇది కాకుండా జింబాబ్వే పర్యటనకు గౌతమ్ గంభీర్ స్థానంలో భారత జట్టుకు జాతీయ క్రికెట్ అకాడమీ హెడ్ వీవీఎస్ లక్ష్మణ్ (VVS Laxman) ప్రధాన కోచ్‌గా ఉండవచ్చు. పీటీఐ నివేదికల ప్రకారం.. జింబాబ్వే సిరీస్‌కు వీవీఎస్ లక్ష్మణ్ టీమ్ ఇండియాతో ఉంటాడు. వచ్చే నెలలో జరిగే ఈ సిరీస్‌లో లక్ష్మణ్, NCA సహాయక సిబ్బంది టీమ్ ఇండియాలో చేరనున్నారు.
Also Read: India vs Afghanistan: సూపర్‌-8లో బోణీ కొట్టిన టీమిండియా.. 47 పరుగులతో భారత్‌ ఘన విజయం!
లక్ష్మణ్ ఇప్పటికే చాలా సార్లు జట్టుకు కోచ్‌గా వ్యవహరించారు
ఇంతకు ముందు కూడా వీవీఎస్ లక్ష్మణ్ చాలా సిరీస్‌లలో టీమ్ ఇండియాకు కోచ్‌గా పనిచేశాడు. రాహుల్ ద్రవిడ్ సెలవులో ఉన్నప్పుడల్లా వీవీఎస్ లక్ష్మణ్ టీమ్ ఇండియా ప్రధాన కోచ్‌గా ఉండేవారు. ఇప్పుడు మరోసారి లక్ష్మణ్ టీమ్ ఇండియాకు కోచ్‌గా వ్యవహరించడం చూడవచ్చు. ఈ టూర్‌లో యువ టీమ్ ఇండియాను చూసే అవకాశం ఉంది. నివేదికల ప్రకారం.. రియాన్‌ పరాగ్, అభిషేక్ శర్మ, మయాంక్ అగర్వాల్ వంటి యువ ఆటగాళ్లు ఈ సిరీస్‌లో అరంగేట్రం చేయవచ్చు.
We’re now on WhatsApp : Click to Join
