Kohli Captain In IPL 2025: ఆర్సీబీ కెప్టెన్‌గా విరాట్ కోహ్లీ.. కింగ్‌కే ప‌గ్గాలు అని చెప్పే కార‌ణాలివే!
మెగా వేలానికి ముందు రాయల్ ఛాలెంజర్స్ బెంగళూరు కేవలం ముగ్గురు ఆటగాళ్లను మాత్రమే రిటైన్ చేసుకుంది. వేలంలో జట్టు తన పాత ఆటగాళ్లకు RTM కార్డులను ఉపయోగిస్తుందని అనుకున్నారు.
- By Gopichand Published Date - 10:36 PM, Wed - 27 November 24
Kohli Captain In IPL 2025: ఐపీఎల్ 2025 మెగా వేలంలో రాయల్ ఛాలెంజర్స్ బెంగళూరు వ్యూహం అందరికీ అర్థం కాలేదు. RCB చాలా మంది అనుభవజ్ఞులైన ఆటగాళ్లకు RTM కార్డ్‌లను ఉపయోగించలేదు. మహ్మద్ సిరాజ్, మాక్స్‌వెల్, ఫాఫ్ డు ప్లెసిస్ వంటి ఆటగాళ్లను బెంగళూరు సులభంగా వదిలేసింది. ఇదే సమయంలో జట్టు పెద్ద పేర్లపై బెట్టింగ్‌లపై ఆస‌క్తి చూప‌లేదు. జోష్ హేజిల్‌వుడ్ కోసం RCB అత్యధికంగా 12.50 కోట్ల రూపాయలు ఖర్చు చేసింది. పెద్దపెద్ద పేర్లను తప్పించడం చూస్తే వచ్చే సీజన్‌లో ఆర్సీబీ జట్టుకు ఎవరు బాధ్యతలు (Kohli Captain In IPL 2025) నిర్వహిస్తారనేది చర్చనీయాంశంగా మారింది. అయితే విరాట్ కోహ్లీ మరోసారి జట్టు పగ్గాలను తన చేతుల్లోకి తీసుకోగలడనే వార్తలు వ‌స్తున్నాయి. కెప్టెన్‌గా కోహ్లీ పునరాగమనం వైపు చూపుతున్న మూడు కారణాలను ఇప్పుడు తెలుసుకుందాం.
వెటరన్ ఆటగాళ్లను రిటైన్ చేయలేదు
మెగా వేలానికి ముందు రాయల్ ఛాలెంజర్స్ బెంగళూరు కేవలం ముగ్గురు ఆటగాళ్లను మాత్రమే రిటైన్ చేసుకుంది. వేలంలో జట్టు తన పాత ఆటగాళ్లకు RTM కార్డులను ఉపయోగిస్తుందని అనుకున్నారు. అయితే RCB తన వ్యూహంతో అందరినీ ఆశ్చర్యపరిచింది. ఫాఫ్ డు ప్లెసిస్, మహ్మద్ సిరాజ్, మాక్స్‌వెల్, విల్ జాక్వెస్ వంటి ఆటగాళ్లను జట్టు సులభంగా వదిలేసింది. ఇప్పుడు RCB స్క్వాడ్‌ను పరిశీలిస్తే జట్టుకు నాయకత్వం వహించే ఆటగాడు కనిపించడం లేదు. ఈ కారణంగా RCB కమాండ్ మరోసారి కింగ్ కోహ్లీ చేప‌ట్ట‌నున్నాడ‌ని భావిస్తున్నారు.
Also Read: Buy Gold: త‌క్కువ ధ‌ర‌కే బంగారం లాంటి న‌గ‌లు కొనాలా.. అయితే మీరు ఈ 3 మార్కెట్ల‌కు వెళ్లాల్సిందే!
స్టార్ ఆటగాళ్లపై బిడ్ వేయలేదు
IPL 2025 మెగా వేలంలో RCB స్టార్ ఆటగాళ్లపై బెట్టింగ్‌ను వేయ‌క‌పోవ‌డం కనిపించింది. రాయల్ ఛాలెంజర్స్ బెంగళూరు శ్రేయాస్ అయ్యర్, రిషబ్ పంత్, కెఎల్ రాహుల్ వంటి స్టార్ ఆట‌గాళ్ల‌ని సైతం ప‌ట్టించుకోలేదు. కేవలం భార‌త్ ఆట‌గాళ్ల‌పైనే కాకుండా ఏ విదేశీ స్టార్‌పైనా పెట్టుబడి పెట్టాల్సిన అవసరం లేదని RCB భావించింది. కెప్టెన్ అయ్యే అవకాశాలు తక్కువగా ఉన్న ఫిల్ సాల్ట్, లియామ్ లివింగ్‌స్టన్, జోష్ హేజిల్‌వుడ్, లుంగి ఎన్‌గిడి వంటి ఆటగాళ్లపై RCB పందెం వేసింది.
కోహ్లీ పేరు చర్చనీయాంశమైంది
మెగా వేలానికి ముందు RCB టీమ్ మేనేజ్‌మెంట్ కెప్టెన్సీకి సంబంధించి విరాట్ కోహ్లీతో మాట్లాడినట్లు చాలా నివేదికలు వచ్చాయి. మళ్లీ కెప్టెన్సీ బాధ్యతలు చేపట్టేందుకు విరాట్ అంగీకరించినట్లు కూడా వార్తలు వచ్చాయి. ఇప్పుడు వేలం తర్వాత రాయల్ ఛాలెంజర్స్ బెంగళూరు జట్టును చూస్తుంటే ఇది నిజమే అనిపిస్తుంది. అయితే దీనికి సంబంధించి ఇంకా ఎలాంటి అధికారిక ప్రకటన వెలువడలేదు.
