Virat Kohli: ఐపీఎల్లో మరో రికార్డు క్రియేట్ చేసిన కింగ్ కోహ్లీ..!
రాయల్ ఛాలెంజర్స్ బెంగళూరు మాజీ కెప్టెన్, ఓపెనర్ విరాట్ కోహ్లీ గురువారం ఒక ప్రత్యేక రికార్డును తన పేరిట లిఖించుకున్నాడు. రాజస్థాన్ రాయల్స్తో ఐపీఎల్ 2025లో 42వ మ్యాచ్ బెంగళూరులోని ఎం. చిన్నస్వామి స్టేడియంలో జరుగుతోంది.
- Author : Gopichand
Date : 24-04-2025 - 11:43 IST
Published By : Hashtagu Telugu Desk
Virat Kohli: రాయల్ ఛాలెంజర్స్ బెంగళూరు మాజీ కెప్టెన్, ఓపెనర్ విరాట్ కోహ్లీ (Virat Kohli) గురువారం ఒక ప్రత్యేక రికార్డును తన పేరిట లిఖించుకున్నాడు. రాజస్థాన్ రాయల్స్తో ఐపీఎల్ 2025లో 42వ మ్యాచ్ బెంగళూరులోని ఎం. చిన్నస్వామి స్టేడియంలో జరుగుతోంది. ఈ మ్యాచ్లో కోహ్లీ 14 పరుగులు చేయగానే ఈ మైదానంలో తన 3500 టీ20 పరుగులను పూర్తి చేశాడు. ఒకే మైదానంలో 3500 టీ20 పరుగులు చేసిన ప్రపంచంలోనే మొదటి బ్యాట్స్మన్గా విరాట్ కోహ్లీ నిలిచాడు.
ఈ జాబితాలో రెండో స్థానంలో రహీమ్
ఈ జాబితాలో రెండో స్థానంలో బంగ్లాదేశ్ వికెట్ కీపర్ బ్యాట్స్మన్ ముష్ఫికర్ రహీమ్ ఉన్నాడు. అతడు షేర్-ఎ-బంగ్లా నేషనల్ స్టేడియంలో 3373 పరుగులు చేశాడు. మూడో స్థానంలో ఇంగ్లాండ్ బ్యాట్స్మన్ జేమ్స్ విన్స్ ఉన్నాడు. అతడు సౌథాంప్టన్లోని ది రోజ్ బౌల్లో 3253 టీ20 పరుగులు సాధించాడు. నాల్గో స్థానంలో అలెక్స్ హేల్స్ ఉన్నాడు. అతడు నాటింగ్హామ్లోని ట్రెంట్ బ్రిడ్జ్లో 3241 పరుగులు చేశాడు. ఐదో స్థానంలో బంగ్లాదేశ్ బ్యాట్స్మన్ తమీమ్ ఇక్బాల్ ఉన్నాడు. అతడు షేర్-ఎ-బంగ్లా స్టేడియంలో 3238 పరుగులు సాధించాడు.
ఒకే టీ20 మైదానంలో అత్యధిక పరుగులు
- విరాట్ కోహ్లీ: 3500* (ఎం చిన్నస్వామి స్టేడియం)
- ముష్ఫికర్ రహీమ్: 3373 (షేర్-ఎ-బంగ్లా నేషనల్ స్టేడియం)
- జేమ్స్ విన్స్: 3253 (ది రోజ్ బౌల్, సౌథాంప్టన్)
- అలెక్స్ హేల్స్: 3241 (ట్రెంట్ బ్రిడ్జ్, నాటింగ్హామ్)
- తమీమ్ ఇక్బాల్: 3238 (షేర్-ఎ-బంగ్లా నేషనల్ స్టేడియం)
విరాట్ కోహ్లీ బ్యాట్ నిప్పులు కక్కుతోంది
ఐపీఎల్ 2025లో విరాట్ కోహ్లీ అద్భుతమైన ఫామ్లో ఉన్నాడు. కొన్ని మ్యాచ్లను పక్కన పెడితే అతడు నిరంతరం అద్భుతమైన ఇన్నింగ్స్లు ఆడుతూ తన జట్టుకు మ్యాచ్లను గెలిపిస్తున్నాడు. సీజన్ మొదటి మ్యాచ్లో కోల్కతాతో జరిగిన మ్యాచ్లో విరాట్ అజేయంగా 59 పరుగులు చేశాడు. ఆ తర్వాత వచ్చిన రెండు మ్యాచ్లలో అతడు 31, 7 పరుగుల ఇన్నింగ్స్లు ఆడాడు. ఆ తర్వాత ముంబై ఇండియన్స్తో మ్యాచ్లో 67 పరుగులు చేశాడు.
Also Read: Sitamma Sagar Project: సీతమ్మ సాగర్ ప్రాజెక్టుపై కాంగ్రెస్ సర్కార్ కీలక నిర్ణయం!
ఢిల్లీ క్యాపిటల్స్తో మ్యాచ్లో 22 పరుగులు చేశాడు. ఆ తర్వాత జైపూర్లో రాజస్థాన్ రాయల్స్తో జరిగిన మ్యాచ్లో అద్భుతమైన 70 పరుగులు సాధించాడు. అయితే పంజాబ్ కింగ్స్తో ఒక మ్యాచ్లో అతడు కేవలం 1 పరుగుకే ఔటయ్యాడు. కానీ అదే జట్టుతో తర్వాతి మ్యాచ్లో అజేయంగా 73 పరుగులు చేశాడు.
Follow us
