Virat Kohli: సచిన్ రికార్డుపై కన్నేసిన విరాట్ కోహ్లీ.. 102 పరుగులు చేస్తే చాలు..!

virat kohli

Virat Kohli: ఆసియా కప్ 2023 నేటి నుంచి ప్రారంభం కానుంది. టోర్నీలో టీమిండియా తన తొలి మ్యాచ్‌ని సెప్టెంబర్ 2న పాకిస్థాన్‌తో ఆడనుంది. ఆసియా కప్‌లో భారత బ్యాట్స్‌మెన్ విరాట్ కోహ్లీ (Virat Kohli) మాజీ వెటరన్ బ్యాట్స్‌మెన్ సచిన్ టెండూల్కర్ (Sachin Tendulkar) ప్రపంచ రికార్డుపై కన్నేశాడు. ఆసియా కప్ ద్వారా విరాట్ కోహ్లీ వన్డేల్లో అత్యంత వేగంగా 13,000 పరుగులు పూర్తి చేయగలడు. ప్రస్తుతం ఈ రికార్డు సచిన్ టెండూల్కర్ వద్ద ఉంది.

సచిన్ టెండూల్కర్ ప్రపంచ రికార్డును బద్దలు కొట్టాలంటే కోహ్లీకి 102 పరుగులు మాత్రమే కావాలి. కోహ్లి ఇప్పటివరకు 265 వన్డే ఇన్నింగ్స్‌లలో 12898 పరుగులు చేశాడు. అదే సమయంలో సచిన్ టెండూల్కర్ 321 వన్డే ఇన్నింగ్స్‌లలో 13,000 పరుగులు పూర్తి చేశాడు. ఈ పరిస్థితిలో వెటరన్ టెండూల్కర్ రికార్డును బద్దలు కొట్టడానికి కోహ్లీకి 55 ఇన్నింగ్స్ లు ఆడే అవకాశం ఉంది. కోహ్లి 55 ఇన్నింగ్స్‌లలో 102 పరుగులు చేస్తే సచిన్ టెండూల్కర్ కంటే ముందుంటాడు.

Also Read: Pallekele Cricket Stadium: పల్లెకెలె క్రికెట్ స్టేడియంలో టీమిండియా, పాకిస్తాన్ రికార్డు ఎలా ఉందంటే..?

విరాట్ కోహ్లీ తన కెరీర్‌లో ఇప్పటివరకు 275 వన్డేలు ఆడాడు. ఈ మ్యాచ్‌లలో 265 ఇన్నింగ్స్‌లలో అతను 57.32 సగటుతో 12898 పరుగులు చేశాడు. ఈ సమయంలో అతని బ్యాట్ నుండి 46 సెంచరీలు, 65 అర్ధ సెంచరీలు వచ్చాయి. ఇందులో అతని అత్యధిక స్కోరు 183 పరుగులు. వన్డేల్లో కోహ్లీ 40 సార్లు నాటౌట్‌గా నిలిచాడు.

ఆసియా కప్‌లో టీమిండియా తన మొదటి మ్యాచ్‌ను పాకిస్తాన్‌తో ఆడనుంది. పాకిస్థాన్‌పై కోహ్లీ ఎప్పుడూ మంచి టచ్‌లో కనిపిస్తాడు. ఈ మ్యాచ్ లో పాకిస్తాన్‌పై కోహ్లీ సెంచరీ చేస్తే సచిన్ టెండూల్కర్ రికార్డును బద్దలు కొట్టగలడు. వన్డేల్లో అత్యంత వేగంగా 13,000 పరుగులు చేసిన ఆటగాడిగా నిలవనున్నాడు. వన్డేల్లో అత్యంత వేగంగా 8000, 9000, 10,000, 11,000, 12,000 పరుగులు చేసిన ఆటగాడిగా కోహ్లీ ఇప్పటికే రికార్డు సృష్టించాడు.

వన్డేల్లో అత్యంత వేగంగా 13,000 పరుగులు చేసిన ఆటగాళ్లు

– సచిన్ టెండూల్కర్ – 321 ఇన్నింగ్స్‌లు
– రికీ పాంటింగ్ – 341 ఇన్నింగ్స్‌లు
– కుమార సంగక్కర – 363 ఇన్నింగ్స్‌లు
– సనత్ జయసూర్య – 416 ఇన్నింగ్స్‌లు

Follow us